༉ སྤྱི་ཟླ་༡ པའི་ཚེས་༢༦ ལུ་ རྒྱ་གར་གྱི་ས་མཚམས་ ཇའེ་སྒང་ ཏུར་ས་གི་ཉེ་འདབས་ལུ་ སྐྱེས་ལོ་༣༣ ལང་མི་འབྲུག་མི་ཅིག་ རྒྱ་གར་གྱི་མི་སྡེའི་ནང་ ཁྲིམས་སྲུང་འགག་པ་གིས་ རྩུབ་སྤྱོད་དང་ གནོད་འཚེ་འབད་ཡོདཔ་ད་ ཉམས་རྒུདཔ་དེ་ སྣུམ་འཁོར་མ་རུ་ཏི་ཝེ་གཱོན་ཨར་ གླ་འཁོར་དཀརཔོ་ཅིག་ནང་ སྣུམ་འཁོར་༤ གྱལ་བསྣར་ཐོག་ལས་ སི་ཀིམ་ལས་ འབྲུག་ཁ་ཐུག་ལུ་འོང་བའི་སྐབས་སུ་ འཐབ་འཛིང་བྱུང་ཡོདཔ་ཨིན་པས།
རྐྱེན་ངན་དེ་བྱུང་པའི་ཤུལ་ལུ་ ཉམས་རྒུདཔ་དང་ ཁོ་རའི་སྤུན་ཆ་ ཕུན་ཚོགས་གླིང་གི་ ཁྲིམས་སྲུང་འགག་པའི་སྡེ་འཛིན་དང་ འགོ་འཛིན་ཚུ་གིས་ སྤྱི་ཟླ་༡ པའི་ཚེས་༢༨ ལུ་ ཇའེ་སྒང་གི་ ཁྲིམས་སྲུང་འགག་པའི་ ཡིག་ཚང་ནང་སོང་ཡོདཔ་ད་ དེ་གི་སྐབས་ལུ་ རྒྱ་གར་གྱི་ཁྲིམས་སྲུང་འགག་པའི་ འགོ་དཔོན་གྱིས་ ཉམས་རྒུདཔ་དེ་ལུ་ བཟོད་བསྲན་འབད་གནང་ཟེར་ གསོལཝ་བཏབ་ཡོདཔ་ཨིན་པས།
ལོ་རྒྱུས་དང་འཁྲིལཝ་ད་ འབྲེལ་གཏོགས་ཡོད་མི་ འགོ་དཔོན་དེ་ གནས་སོར་འགྱོ་དགོཔ་སྦེ་ཨིན་པས།
རྐྱེན་ངན་དེ་ཡང་ གླ་འཁོར་དེ་ འགྲོ་འགྲུལ་འབད་བའི་སྐབས་སུ་ འཁོར་ལོ་གཉིས་མ་ མོ་ཊོར་སའི་ཀཱལ་བཏང་མི་དང་ ཁ་ཐུག་རྐྱབ་སྟེ་ དེ་གི་ཤུལ་ལས་ གནས་སྟངས་དེ་ ཚབས་ཆེན་ཅིག་ལུ་གྱུར་ཡོདཔ་ལས་ འཐབ་འཛིང་གི་གནས་སྟངས་ལུ་ ཐུག་ཡོདཔ་ཨིན་པས།
ཉམས་རྒུདཔ་གིས་ མི་མང་ལུ་ འཐབ་འཛིང་གི་གློག་བརྙན་ མི་སྡེ་བརྡ་བརྒྱུད་ནང་ མ་བཙུགས་ཟེར་སླབ་ཡོདཔ་ད་ ཁོ་གིས་ འབད་བ་ཅིན་ ཁོ་ར་ལུ་ སེམས་སྡུག་ཕོག་ཡོདཔ་མ་ཚད་ གློག་བརྙན་ལུ་བརྟེན་ ཁོ་གི་བཟའ་ཚང་དང་ ཁོ་རའི་བུཚ་དེ་ལུ་ཡང་ གནོད་ཉེན་ཡོད་ཟེར་ཨིན་པས།
ཁོ་གིས་ དབང་འཛིན་ཚུ་ལུ་ གློག་བརྙན་དེ་ བཏོན་གཏང་དགོཔ་སྦེ་ ཞུ་བ་འབད་ཡོདཔ་ཨིན་པས།
ད་ལྟོ་ བར་རྐྱེན་བྱུང་མི་དེ་ བྱུང་ཚར་ཡོད་རུང་ ད་ལས་ཕར་ ང་བཅས་འབྲུག་མི་ འགྲོ་འགྲུལ་འབད་མི་ཚུ་ལུ་ རྐྱེན་ངན་དེ་ བྱུང་མ་བཅུག་ཟེར་ ཁོ་གིས་ སླབ་ཡོདཔ་ད་ འདི་དང་འབྲེལ་ རྒྱ་གར་གྱི་མི་ཁུངས་ཚུ་ལུ་ཡང་ བྱ་སྤྱོད་ངན་པ་འབད་ནི་ལས་འཛེམ་སྟེ་ བྲེལ་ཟིང་ཚུ་ལང་མ་བཅུག་པར་ བཞག་དགོཔ་གལ་ཆེ་བས་ཟེར་ སླབ་ཡོདཔ་ཨིན་པས།
ཉམས་རྒུདཔ་གིས་ ཇའེ་གང་ལུ་ འཕྲལ་འཕྲལ་སྦེ་ར་ ལཱ་གི་དོན་ལུ་ འགྱོ་དོ་ཡོད་རུང་ ད་རེས་ཀྱི་ གནས་སྟངས་ཀྱིས་ ཁོ་ལུ་ཚ་གྱང་ལང་སྟེ་ ཡོདཔ་ཨིན་པས།
ཨིན་རུང་ ཇའེ་སྒང་གི་ ཁྲིམས་སྲུང་འགག་པའི་ འགོ་དཔོན་གྱིས་ ཁོ་ལུ་དཀའ་ངལ་བྱུང་མི་དེ་ ད་ལས་ཕར་ འཐོན་མི་བཅུག་ཟེར་ ཨིནམ་མ་ཚད་ ཁོ་གི་ཉེན་སྲུང་ལུ་ གོ་སྐབས་ཚུ་བྱིན་ཏེ་ ཡོད་ཟེར་ཨིན་པས།
ཀུན་གསལ་ལུ་ བཤད་མིའི་ནང་ རྒྱ་གར་གྱི་ འགོ་དཔོན་གྱིས་ བྲེལ་ཟིང་ཚབས་ཆེན་བྱུང་མི་ལུ་ ངོས་ལེན་འབད་དེ་ ས་མཚམས་བདའ་སྟེ་ ཞི་བདེ་བཞག་ཐབས་ལུ་ རྒྱུན་སྐྱོང་གི་ ཁས་བླངས་འབད་ཡོདཔ་ཨིན་པས།
ཉམས་རྒུདཔ་གིས་ བཤད་མིའི་ནང་ རྒྱ་གར་གྱི་ས་མཚམས་བདའ་སྟེ་ འགྲོ་འགྲུལ་འབདཝ་ད་ འདི་བཟུམ་གྱི་དཀའ་ངལ་འབྱུང་ནི་ཨིན་མི་ལུ་ སེམས་ཁར་དྲན་པ་བཏོན་དགོཔ་འདུག་ཟེར་ཨིནམ་ད་ ཁོ་རའི་ ཆ་རོགས་ཚུ་ལུ་ཡང་ འདི་བཟུམ་གྱི་ བྱ་སྤྱོད་ཐབས་སྡུག་དེ་ལུ་ བཟོད་བསྲན་འབད་མི་ཚུགས་པས་ཟེར་ཨིན་པས།
ང་གིས་ མི་སྡེ་བརྡ་བརྒྱུད་ནང་ ང་ལུ་ ཆ་རོགས་འབད་མི་ག་ར་ལུ་ རྒྱབ་སྐྱོར་ཡོད་ཟེར་ཨིནམ་ད་ དེ་འབདཝ་ད་ འདི་བཟུམ་གྱི་ གློག་བརྙན་བཀྲམ་སྤེལ་འབད་ནི་ལས་ འཛེམ་གནང་ཟེར་ ཨིན་པའི་གནས་ཚུལ།
ཚེ་རིང་དབང་འདུས།