༉ ཨཱསི་ཊེ་ལི་ཡ་ པརཐི་ལུ་སྡོད་མི་ འབྲུག་མི་ཚུ་གིས་ སྤྱི་ལོ་༢༠༢༢ ལུ་ ཊའི་གར་ཡུ་ནའི་ཊེག་རྐང་རྩེད་ཚོགས་པ་(ཊའི་གར་ཨེཕ་སི་) གཞི་བཙུགས་འབད་དེ་ རྐང་རྩེད་རྐྱངམ་གཅིག་མེན་པར་ དགོས་མཁོ་ཅན་ཚུ་ལུ་ གྲོགས་རམ་ལས་སྣ་ཚུ་ཡང་ འབད་དོ་ཡོདཔ་ཨིན་པས།
ཚོགས་པ་དེ་ འབྲུག་ལུ་ རྒས་ཤོས་ཚོགས་པ་དང་ ལོ་༥ འི་མཉམ་འབྲེལ་འབད་དེ་ཡོདཔ་བཞིན་དུ་ སྙིང་རྗེ་ཅན་ཚུ་ལུ་ གསང་སྤྱོད་ཀྱི་དོན་ལུ་ གྲོགས་རམ་ཞལ་འདེབས་ཅིག་ཡང་ འགོ་འདྲེན་འཐབ་ཡོདཔ་ཨིན་པས།
ཚོགས་པ་གིས་ ལས་རིམ་དེ་ལུ་ དབང་པོ་སྐྱོན་ཅན་ཚུ་ལུ་ ཉལ་ཁྲི་ཟུར་བཞག་ནི་ གསང་སྤྱོད་མཁོ་སྒྲུབ་འབད་ནིའི་དོན་ལུ་ དངུལ་ཀྲམ་༢༤༠,༤༣༠ གྲོགས་རམ་འབད་བའི་ཁར་ ད་རུང་ དངུལ་ཀྲམ་༡༤༧,༥༠༠ ཡང་ གྲོགས་རམ་འབད་ཡོདཔ་ཨིན་པས།
ཊའི་གར་ཨེཕ་སི་གི་གཙོ་འཛིན་ སངས་རྒྱས་འཕྲིན་ལས་ཀྱིས་ སླབ་མིའི་ནང་ འབྲུག་རྒས་ཤོས་ཚོགས་པ་དང་ གན་ཡིག་ཡར་སེང་འབད་ནིའི་ འཆར་གཞི་ཡོད་ཟེར་ཨིནམ་ད་ ཚོགས་པ་དེ་ འབྲུག་མི་ཚུ་གི་ མི་སྡེའི་དམིགས་ཡུལ་གྲུབ་ཐབས་ལུ་ གཞི་བཙུགས་འབད་ཡོདཔ་ཨིན་པས།
ད་རེས་ ཚོགས་པའི་ནང་ འཛིན་སྐྱོང་པ་དང་ གཙོ་འཛིན་ བཀོད་ཚོགས་འཐུས་མི་༤ བདག་སྐྱོང་ལས་བྱེདཔ་ རྩིས་འཛིན་པ་ བརྡ་བརྒྱུདཔ་ དེ་ལས་ གསོ་བའི་འགོ་དཔོན་བརྩིས་ཏེ་ རྩེད་འགྲན་པ་༢༨ ཡོདཔ་ཨིན་པས།
ཚོགས་པ་དེ་ པརཐི་ལུ་སྡོད་མི་ འབྲུག་མི་ཚུ་དང་ ཚོང་འབྲེལ་པ་མཉམ་རོགས་ཚུ་གིས་ འཛིན་སྐྱོང་འཐབ་དོ་ཡོདཔ་ཨིན་པས།
ཊའི་གར་ཨེཕ་སི་གིས་ འབྲུག་མི་ཚུ་ ཨཱསི་ཊེ་ལི་ཡ་ལུ་ འོང་མི་ཚུ་ལུ་ ལཱ་གཡོག་འཚོལ་ཞིབ་འབད་ནི་ལུ་ ཆ་རོགས་འབད་དོ་ཡོདཔ་ད་ ཚོགས་པ་ལས་ རྒྱབ་སྐྱོར་ཐོག་ལས་ ད་ལྟོ་ཚུན་ཚོད་ འབྲུག་མི་༤༦ ལུ་ བཟོ་གྲྭ་ཁང་ཁག་ལས་ཕར་ ལཱ་གཡོག་འཚོལ་བྱིན་ཡོདཔ་ཨིན་པས།
རྩེད་འགྲན་པ་ཚུ་ལུ་ འགན་ལེན་ཅན་གྱི་ ལཱ་དང་ ཉེན་བཅོལ་ དེ་ལས་ ཞབས་ཏོག་གཞན་ཚུ་གི་ རྒྱབ་སྐྱོར་ཡང་ འབད་དོ་ཡོདཔ་ཨིན་པས།
སངས་རྒྱས་འཕྲིན་ལས་ཀྱིས་ སླབ་མིའི་ནང་ འཛམ་གླིང་ཨེ་བ་རསི་ཤེས་ཡོན་དང་ མཉམ་འབྲེལ་ཐོག་ལས་ སློབ་ཕྲུག་ཚུ་ལུ་ རིན་མེད་སྟོང་པའི་ གྲོས་བསྟུན་ཞབས་ཏོག་ཚུ་ བྱིན་དོ་ཡོདཔ་མ་ཚད་ སྐྱོན་ཐམ་དང་འབྲེལ་བའི་ ཞབས་ཏོག་ཚུ་ཡང་ བྱིན་དོ་ཟེར་ཨིན་པས།
ཁོ་གིས་འབད་བ་ཅིན་ ཚོགས་པ་གིས་ འབྲུག་པའི་སློབ་གྲྭ་དང་ གྲྭ་ཚང་ཚུ་ལུ་ རྐང་འཁོར་དང་ རྒྱང་མཐོང་ཆ་ཚང་ གོ་ལ་འཁྱུ་ནིའི་འཕྲུལ་ཆས་ཚུ་ གྲོགས་རམ་འབད་ཡི་ཟེར་ཨིན་པས།
སངས་རྒྱས་འཕྲིན་ལས་ཀྱིས་ སླབ་མིའི་ནང་ ཚོགས་པ་གིས་ མཆོག་འགྱུར་དང་ ཚུལ་ལྡན་རྩེད་སྤྱོད་ དེ་ལས་ མི་སྡེ་འབྲེལ་འཛིན་གྱི་དོན་ལུ་ པི་རི་མེ་ཡར་ཕུཊ་བཱོལ་སྡེ་ཚན་ཅིག་ཡང་ གཞི་བཙུགས་འབད་ནི་ འཆར་གཞི་ཡོད་ཟེར་ཨིན་པས།
ཊའི་གར་ཨེཕ་སི་གིས་ པརཐི་ལུ་ རྩེད་འགྲན་ཚུ་ འགོ་འདྲེན་འཐབ་དོ་ཡོདཔ་བཞིན་དུ་ འབྲུག་མི་སྡེ་ཚན་༣༠ གིས་ བཅའ་མར་གཏོགས་ཡོདཔ་ཨིན་པས།
འདས་པའི་ཟླཝ་ནང་ ཚོགས་པ་གིས་ ཊའི་གར་ཡུ་ནེ་ཊེཊ་ཨེཕ་སི་ཌི་སི་བར་འགྲེམས་སྟོན་༢༠༢༤ ཅན་མ་ཅིག་ཡང་ འགོ་འདྲེན་འཐབ་ཡོདཔ་ཨིན་པས།
སངས་རྒྱས་འཕྲིན་ལས་ཀྱིས་ སླབ་མིའི་ནང་ ཊའི་གར་ཨེཕ་སི་དེ་ གཞན་དང་ཕྱདཔ་ད་ མ་འདྲཝ་ཅིག་ཡོད་མི་དེ་ཡང་ ཞལ་འདེབས་འབད་མི་ མཉམ་འབྲེལ་པ་ལེ་ཤ་ཡོད་མི་ལུ་བརྟེན་ཨིན་པས།
ཨིན་རུང་ ཁོ་གིས་འབད་བ་ཅིན་ དངུལ་འབྲེལ་དང་འབྲེལ་བའི་ སྟབས་མ་བདེཝ་ལུ་བརྟེན་ དཀའ་ངལ་བྱུང་དོ་ཡོད་ཡོདཔ་ད་ རྩེད་འགྲན་པ་གནོདཔ་བཏོན་ནི་ ཉེན་ཁ་དང་ རྩེད་འགྲན་པ་ཚུ་གི་ སེམས་ཤུགས་རྒྱུན་སྐྱོང་འཐབ་ནི་ལུ་ཡང་ གདོང་ལེན་བྱུངམ་མས་ཟེར་ཨིན་པས།
སངས་རྒྱས་འཕྲིན་ལས་ཀྱིས་ སླབ་མིའི་ནང་ སྡེ་ཚན་གྱིས་ རྩེད་འགྲན་པ་ཚུ་ རྩེད་རིགས་ལུ་ སེམས་ཤུགས་བྱིན་ནི་ བརྩོན་ཤུགས་བསྐྱེད་དོ་ཡོདཔ་ད་ རྩེད་འགྲན་པ་ཚུ་ ཤེས་ཡོན་དང་ ལཱ་ལ་འབད་མི་ལུ་བརྟེན་ འུ་སྡུག་པའི་ཁར་ གནམ་གཤིས་གིས་ཡང་ ཐོ་ཕོགཔ་མས་ཟེར་ཨིན་པས།
དེ་འབདཝ་ལས་ རྩེད་འགྲན་པ་ཚུ་ལུ་ ནང་འཁོད་སྦྱོང་བརྡར་ཚུ་ བྱིན་དོ་ཡོདཔ་ཨིན་པས།
སངས་རྒྱས་འཕྲིན་ལས་དེ་ ཊའི་གར་ཨེཕ་སི་དེ་ ཡུན་བརྟན་སྦེ་ བཞག་ནི་ལུ་ བློ་སྤོབས་ཐོབ་སྟེ་ཡོདཔ་ད་ ཊའི་གར་ཨེཕ་སི་དྲག་ཤོས་ཅན་དང་ རྐང་རྩེད་རྩེ་མི་སྡེ་ཚན་ཚུ་ལུ་ གོ་སྐབས་གསརཔ་བྱིན་ནི་ལུ་ དམིགས་ཡོདཔ་ཨིན་པས།
ཊའི་གར་ཨེཕ་སི་གིས་ ད་རེས་ ནུབ་ཕྱོགས་ཕུཊ་བཱོལ་རྩེདན་འགྲན་ནང་ བཅའ་མར་གཏོགས་ནི་ལུ་ ལཱ་འབད་བའི་བསྒང་ ཡོདཔ་ཨིན་པས།
ནང་འཁོད་ལྕོགས་གྲུབ་དང་ ད་རེས་ རྒྱལ་ཁབ་ནང་ཡོད་པའི་ ཕུཊ་བཱོལ་སྡེ་ཚན་དང་ རྩེད་འགྲན་འབད་ནི་ དེ་ལས་ ཕུཊ་བཱོལ་གོང་འཕེལ་གཏང་ནི་ ལྷན་ཐབས་ལུ་ འབྲུག་ལུ་ཡང་ ཊའི་གར་ཨེཕ་སི་ཅིག་ གཞི་བཙུགས་འབད་འོང་ཟེར་ སངས་རྒྱས་འཕྲིན་ལས་ཀྱིས་ བཤདཔ་ཨིན་པས།
པརཐ་རྐྱངམ་གཅིག་ལུ་ འབྲུག་པའི་ཕུཊ་བཱོལ་སྡེ་ཚན་༤༠ ལྷགཔ་ཅིག་ ཡོད་པའི་གནས་ཚུལ།
ཨོ་རྒྱན་རྡོ་རྗེ།