༉ སྤྱི་ཟླ་༡༢ པའི་ཚེས་༧ ལུ་ དངུལ་རྩིས་བློན་པོ་ ལས་སྐྱིད་རྡོ་རྗེ་གིས་ ཧེ་མའི་ལམ་ལུགས་ སྣུམ་འཁོར་ཐོབ་སྐལ་ལུ་ ངོས་ལེན་མེདཔ་ཨིན་པས།
དངུལ་རྩིས་བློན་པོ་གིས་ འབྲུག་གི་དངུལ་ཕོགས་སྒྲིག་བཀོད་གཞི་སྒྱུར་བཅའ་ཁྲིམས་༢༠༢༢ ཅན་མའི་ དམིགས་ཡུལ་དེ་ དངུལ་ཕོགས་གཞི་བཀོད་འདྲ་མཉམ་བཟོ་ནི་དང་ དངུལ་ཕོགས་དང་ འཐུས་ཚུ་གི་བར་ན་ ཁྱད་པར་ཞུགས་མི་ཚུ་ མར་ཕབ་འབད་ནི་ཨིན་པའི་ཁར་ ག་ར་ལུ་ ཁྲལ་མེདཔ་སྦེ་བཟོ་ནི་དེ་ ཨིན་མས་ཟེར་ཨིན་པས།
བཅའ་ཁྲིམས་ཀྱི་ དམིགས་ཡུལ་གཙོ་ཅན་གཅིགཔོ་དེ་ ཁྲོམ་ཁར་སྣུམ་འཁོར་ལེ་ཤ་ཡོད་མི་ཚུ་གི་ དཀའ་ངལ་སེལ་ཐབས་ལུ་ཨིན་པས།
བློན་པོ་གིས་འབད་བ་ཅིན་ ང་བཅས་ཀྱིས་ ག་རའི་དོན་ལུ་ སྣུམ་འཁོར་ཐོབ་སྐལ་ལམ་ལུགས་ ལོག་འགོ་བཙུགས་ནི་གི་ གྲོས་འཆར་མེདཔ་བཞིན་དུ་ དངུལ་རྩིས་ལྷན་ཁག་གི་འགན་ཁུར་དེ་ དཔལ་འབྱོར་དང་དངུལ་མཛོད་ ཉེན་སྐྱོབ་འབད་ནི་དེ་ ཨིན་ཟེར་ཨིན་པས།
གཞུང་གིས་ བསྐྱར་ཞིབ་འབད་དེ་ གྲོས་ཐག་བཅད་དེ་ ཚོགས་ཁང་ནང་ སྙན་ཞུ་འབད་དགོ་ཟེར་ བློན་པོ་ལས་སྐྱིད་རྡོ་རྗེ་གིས་ བཤདཔ་ཨིན་པས།
རྒྱལ་ཡོངས་ཚོགས་འདུ་གིས་ འབྲུག་གི་དངུལ་ཕོགས་སྒྲིག་བཀོད་གཞི་སྒྱུར་བཅའ་ཁྲིམས་༢༠༢༢ ཅན་མ་དེ་ འཕྲི་སྣོན་འབད་ནི་ལུ་ གྲོས་དོན་དེ་ ཆ་འཇོག་འབད་བའི་ཤུལ་ས་ གཞུང་ལུ་ བཅའ་ཁྲིམས་ཐོག་ལུ་ ལེགས་ཤོམ་སྦེ་ བསྐྱར་ཞིབ་འབད་དེ་ གནམ་བྱཱར་གྱི་ སྤྱི་ཚོགས་ནང་ གསལ་ཞུ་འབད་དགོཔ་སྦེ་ བཀའ་རྒྱ་གནང་སྟེ་ ཡོདཔ་ཨིན་པས།
དངུལ་རྩིས་བློན་པོ་གིས་ སླབ་མིའི་ནང་ སྣུམ་འཁོར་ཐོབ་སྐལ་ལམ་ལུགས་དེ་ སྤྱི་ལོ་༡༩༨༠ ལུ་ གཞི་བཙུགས་འབད་མི་དེ་ཡང་ དེ་བསྒང་ མི་མང་གི་སྣུམ་འཁོར་ ཚད་གཅིག་ལས་བརྒལ་མེདཔ་ལས་ མི་མང་ཞབས་ཏོག་གི་དོན་ལུ་ སྣུམ་འཁོར་ནང་འདྲེན་འབད་ནི་ལུ་ ལྷན་ཐབས་འབད་ནུག་ཟེར་ཨིན་པས།
ཨིན་རུང་ ད་ལྟོའི་གནས་སྟངས་ནང་ མཁོ་འདོད་བཀོད་མི་གནད་དོན་དེ་ མ་འདྲཝ་ཡོདཔ་ཨིན་པས།
དེ་བསྒང་ སྣུམ་འཁོར་ཐོབ་སྐལ་གྱི་ དམིགས་ཡུལ་གཙོ་བོ་ར་ ཞི་གཡོག་ཚུ་གི་ སྣུམ་འཁོར་ནང་འདྲེན་འཐབ་ནི་ལུ་ ལྷན་ཐབས་འབད་བའི་ཁར་ གཞུང་གི་སྣུམ་འཁོར་མེད་རུང་ ཚད་གཅིག་ལས་བརྒལ་མེདཔ་ལས་ དེ་ལུ་རེག་ནི་ལས་ མར་ཕབ་འབད་ཐབས་ལུ་ཨིན་པས།
ཐོབ་སྐལ་ལམ་ལུགས་དེ་ ཞི་གཡོགཔ་ཚུ་ གཞུང་འབྲེལ་གི་ སྒྲིག་གཡོག་རྒྱུག་པའི་སྐབས་ སྣུམ་འཁོར་ཚུ་ འགྲུལ་སྐྱོད་འབད་ནི་དང་ ཕྱའི་སྣུམ་འཁོར་ནང་འདྲེན་ ཚད་ལྡན་བཟོ་ཐབས་ལུ་ འགོ་བཙུགས་ཡོདཔ་ཨིན་པས།
ཧེ་མ་ སྣུམ་འཁོར་ཐོབ་སྐལ་དེ་ ཞི་གཡོགཔ་དང་ སྤྱི་འོག་སྡེ་རིམ་ པི་༣ དང་ དེ་གི་ཡན་ཆད་འབད་མི་ཚུ་གིས་ སྣུམ་འཁོར་ཉོ་ནི་གི་ ཐོབ་སྐལ་དང་ ཅ་དམ་ཀྱི་ཁྲལ་མེད་ དེ་ལས་ བཙོང་ཁྲམ་མེདཔ་སྦེ་ ནང་འདྲེན་འཐབ་དེ་ ལོ་༧ གི་ཤུལ་ལས་ ཨ་རྟག་ར་ དངུལ་ཀྲམ་༨༠༠,༠༠༠ ཐོབ་དོ་ཡོདཔ་ཨིན་པས།
ད་རེས་ ས་གནས་གཞུང་གི་ འགོ་དཔོན་ཚུ་བརྩིས་ཏེ་ ཞི་གཡོགཔ་དག་པ་ཅིག་གིས་རྐྱངམ་གཅིག་ སྣུམ་འཁོར་ཐོབ་སྐལ་དེ་ ཐོབ་དོ་ཡོདཔ་ཨིན་པས།
དེ་བཟུམ་སྦེ་ སྤྱི་ཚོགས་ཀྱི་ འཐུས་མི་ཚུ་གིས་ གནས་ཡུན་རེ་ལུ་ ཅ་དམ་དང་ བཙོང་ཁྲལ་མ་ཕོགཔ་སྦེ་ སྣུམ་འཁོར་སི་སི་༣,༠༠༠ སྣུམ་འཁོར་་ཉོ་ནི་གི་ ཏི་རུ་ཐོབ་དོ་ཡོདཔ་ད་ འཐུས་མི་ཚུ་གི་ སྣུམ་འཁོར་འགྲུལ་སྐྱོད་ལྷན་ཐབས་ལུ་ ཆེད་དུ་མེད་པའི་ སྣུམ་འཁོར་མེད་པ་ཅིན་ རང་སོའི་གནས་ཡུན་རེ་ལུ་ སྟབས་ཅིག་ལག་སྤྲོད་འཐུས་ དངུལ་ཀྲམ་ས་ཡ་༡ ཐོབ་དོ་ཡོདཔ་ཨིན་པས།
གསོ་བ་བློན་པོ་ རྟ་མགྲིན་དབང་ཕྱུག་གིས་ སྤྱི་ཚོགས་ཀྱི་ འཐུས་མི་ཚུ་གི་ ཚ་གྱང་ལུ་ ངོས་ལེན་འབད་ཡོད་རུང་ གཞུང་གིས་ དུས་འཕྲོ་ལས་ འབྲུག་གི་དངུལ་ཕོགས་སྒྲིག་བཀོད་གཞི་སྒྱུར་བཅའ་ཁྲིམས་༢༠༢༢ ཅན་དེ་ འཕྲི་སྣོན་འབད་མི་ཚུགས་ནི་དང་ སྤྱི་ཚོགས་ཀྱི་ གྲོས་ཆོད་དེ་ ཚོགས་རྒྱན་མང་པོའི་ཐོག་ལས་ ཐག་བཅདཔ་ཨིན་ཟེར་ཨིན་པས།
སྤྱི་ཚོགས་འཐུས་མིའི་ཐོབ་ལམ་དཔྱད་ཡིག་༢༠༢༤ ནང་ སྤྱི་ཚོགས་ཀྱི་འཐུས་མི་ཚུ་གི་ སྣུམ་འཁོར་ཐོབ་སྐལ་དང་ ཁེ་འཐུན་གཞན་ཚུ་ ཚུད་དེ་ཡོད་རུང་ དཔྱད་ཡིག་དེ་ སང་ཕོད་ཀྱི་ གནམ་བྱཱར་གྱི་ ཚོགས་བཞུགས་ནང་ ཕར་འགྱངས་འབད་ཡོད་མི་དེ་ཡང་ གྲོས་བསྟུན་ཡོངས་རྫོགས་འབད་ནི་དང་ ཁྲིམས་ཀྱི་གཞི་བཀོད་གཅིག་མཚུངས་ བཟོ་ཐབས་ལུ་ ཨིན་པའི་གནས་ཚུལ།
ཨོ་རྒྱན་རྡོ་རྗེ།