༉ བདེ་སྲུངཔ་ཚོང་ལས་སྡེ་ཚན་ འབྲུག་གྱི་ཟེར་མི་གིས་ སྤྱི་ལོ་༢༠༢༤ འི་ ཨིས་པི་རིང་བཱོཌ་པ་ལིས་ ལས་རིམ་གྱི་ ཚོང་ལས་དྲག་ཤོས་ཐོན་ཏེ་ གསོལ་རས་དངུལ་ཀྲམ་༥༠༠,༠༠༠ ཐོབ་ཡོདཔ་ཨིན་པས།
ཟླཝ་དྲུག་འབད་མི་ སྤུས་དག་ཅན་གྱི་ ཨིས་པི་རིང་བཱོཌ་པ་ལིས་ལས་རིམ་དེ་ སྤྱི་ལོ་༢༠༢༢ ལུ་ འགོ་བཙུགས་ཡོདཔ་ད་ དེ་ཡང་ ན་གཞོན་ཚུ་ མི་སྡེའི་ནང་ཚོང་ལས་གཞི་བཙུགས་གྲ་སྒྲིག་དང་ ཁོང་གི་ཚོང་འབྲེལ་ལག་ལེན་ནང་ གདོང་ལེན་གསལ་སྟོན་ དེ་ལས་ འཛིན་སྐྱོང་འབད་ཐངས་ཚུ་གི་དོན་ལུ་ཨིན་པས།
ལས་རིམ་དེ་ ན་གཞོན་ཆུང་རིམ་ཅན་ མི་སྡེའི་ཚོང་ལས་ནང་ ལག་ལེན་དང་ འཛིན་སྐྱོང་གི་གདོང་ལེན་བྱུང་མི་ཚུ་ གསལ་སྟོན་འབད་ནིའི་ དམིགས་ཡུལ་ཨིནམ་ད་ ཨིས་པི་རིང་བཱོཌ་པ་ལིས་ལས་རིམ་དེ་ འགོ་བཙུགས་ཀྱི་སྐབས་ མ་རྩ་གཞི་བཙུགས་གྲ་སྒྲིག་དོན་ལུ་ བཟོ་བཀོད་འབད་ཡོདཔ་ཨིན་པས།
ཡུ་ཨེན་ཌི་པི་གི་ གནས་བཞུགས་གཞུང་ཚབ་ མོ་ཧ་མཱད་ཡོ་ནོས་ཀྱིས་ འབད་བ་ཅིན་ རྒྱ་ཁབ་ནང་ ན་གཞོན་ལཱ་གཡོག་མེད་མི་ཚུ་ལུ་ ཨིས་པི་རིང་བཱོཌ་པ་ལིས་ལས་རིམ་དེ་ མཇུག་བསྡུ་བའི་བསྒང་ལས་ ཕན་ཐོགས་སྦོམ་ཡོད་ཟེར་ཨིནམ་ད་ དམིགས་བསལ་གྱི་ ནད་ཡམས་ཀོ་བིཌ་གི་ཤུལ་ལས་དང་ རྒྱལ་ཁབ་ནང་ ཚོང་འབྲེལ་འཐབ་མི་བརྒྱ་ཆ་༩༥ དེ་ཅིག་ལུ་ ཁྱིམ་བཟོ་དང་ ལག་བཟོ་ཆུང་བ་ཚུ་ གོང་འཕེལ་བཏང་ཐབས་ལུ་ ཨིན་ཟེར་ཨིན་པས།
ཁོ་གིས་ ནན་བསྐྱར་དུ་བཤད་མིའི་ནང་ ལས་རིམ་དེ་གིས་ ན་གཞོན་ཚུ་ལུ་ ཚོང་འབྲེལ་གྱི་ རྒྱབ་སྐྱོར་འབད་ཐོག་ལས་ དཔལ་འབྱོར་ཡར་དྲག་བཟོ་ཚུགས་པའི་ཁར་ འགོ་ཐོག་སྐབས་ལུ་ ཚུལ་མཐུན་འགྱོ་མ་བཏུབ་མི་ཚུ་ལུ་ཡང་ ལྷབ་སྦྱང་འབད་དེ་ ག་དེ་སྦེ་ ལག་ལེན་འཐབ་ནི་ཨིན་ན་ཚུ་ ཧ་གོ་ཚུགས་ཟེར་ཨིན་པས།
ད་རེས་ནངས་པའི་སྐབས་ལུ་ ན་གཞོན་ལཱ་གཡོག་མེད་མི་དེ་ ཚ་གྱང་སྦོམ་ཤོས་ཅིག་ཨིནམ་ད་ ནད་ཡམས་མ་ཐོན་པའི་ཧེ་མར་ ལཱ་གཡོག་མེད་པའི་ཚད་གཞི་ བརྒྱ་ཆ་༡༥.༧ སྦེ་ཡོདཔ་ད་ སྤྱི་ལོ་༢༠༢༢ ལུ་ བརྒྱ་ཆ་༢༢.༦ ལུ་ ཡར་སེང་སོང་ཡོདཔ་བཞིན་དུ་ ན་ཧིང་ལོ་ནང་འབད་བའི་བསྒང་ལས་ བརྒྱ་ཆ་༡༥.༩ ལུ་ མར་བབས་སོང་ཡོད་རུང་ སྤྱི་ལོ་༢༠༢༤ ཟླཝ་༣ གྱི་ནང་འཁོད་ལུ་ བརྒྱ་ཆ་༢༢.༩ ལུ་ ཡར་སེང་སོང་ཡོདཔ་སྦེ་ཨིན་པས།
གཞུང་གི་ཁ་ཐུག་ལས་ འབྲུག་ལུ་སྐྱེ་ལྡན་རིམ་ལུགས་ཚོང་འབྲེལ་ ཡར་དྲག་བཟོ་ནིའི་ ལཱ་འབད་དོ་ཡོདཔ་ལས་ ཡུ་ཨེན་ཌི་པི་གིས་ མཉམ་འབྲེལ་ཐོག་ལས་ འཕྲུལ་རིག་གི་རྒྱབ་སྐྱོར་དང་ འཛམ་གླིང་ནང་དྲག་ཤོས་ཅན་ཚུ་ སྦྱང་བ་འབད་བཅུག་ནི་ རྒྱལ་སྤྱིའི་ཡོངས་འབྲེལ་དང་ རྒྱུན་འབྲེལ་འཐབ་ནིའི་ ཆ་རོགས་འབད་ནི་ཚུ་ཨིན་ཟེར་ མོ་ཧ་མད་ཡོ་ནུས་ཀྱིས་ བཤདཔ་ཨིན་པས།
ང་བཅས་ཀྱི་ དམིགས་ཡུལ་དེ་ འབྲུག་གི་ཚོང་ལས་ཚུ་ ཤུགས་བཏགས་བཅུག་ནི་དེ་ཨིནམ་ད་ ཁོང་ཆ་ཁྱབ་ལུ་ ལྷན་གྲོགས་འབད་དེ་ རྒྱལ་ཡོངས་ཀྱི་ མི་སྡེ་དཔལ་འབྱོར་གོང་འཕེལ་བཏང་ནི་ལུ་ གྲོགས་རམ་འབད་ཚུགས་ཟེར་ཨིན་པས།
བཟོ་གྲྭ་ཚོང་ལས་དང་ ལས་གཡོག་ལྷན་ཁག་གི་བློན་པོ་ རྣམ་རྒྱལ་རྡོ་རྗེ་གིས་ བཤད་མིའི་ནང་ ཨིས་པི་རིང་བཱོཌ་པ་ལིས་ལས་རིམ་དེ་ ན་གཞོན་ཚོང་ལས་འཐབ་མི་ཚུ་ལུ་ དགོས་མཁོ་ཅན་ཅིག་ཨིན་ཟེར་ཨིནམ་ད་ ཁོང་ཆ་ཁྱབ་ལུ་ རིག་རྩལ་དང་ ཚོང་འབྲེལ་མཐར་འཁྱོལ་བྱུང་ཚུགས་པའི་ རྒྱབ་སྐྱོར་ཚུ་འབད་ནི་ཨིན་ཟེར་ཨིནམ་བཞིན་དུ་ འབྲུག་རྒྱལ་ཁབ་ནང་ ན་གཞོན་ལཱ་གཡོག་མེད་པའི་གྱངས་ཁ་དེ་ བརྒྱ་ཆ་༢༢.༩ ལུ་ ཡར་སེང་སོང་མི་ཚུ་ གནད་དོན་གལ་ཅན་ཅིག་སྦེ་ ཡོད་ཟེར་ཨིནམ་ལས་ གཞུང་གི་ཁ་ཐུག་ལས་ ག་དེ་དྲག་དྲག་ ན་གཞོན་ཚུ་ལུ་ རྒྱབ་སྐྱོར་འབད་ནིའི་ རེ་བ་ཨིན་ཟེར་ཨིན་པས།
ཨིས་པི་རིང་བཱོཌ་པ་ལིས་ ལས་རིམ་ཐོག་ལས་ སྦྱོང་བརྡར་ཁག་གཉིས་ཡོད་མིའི་ ལས་རིམ་ཅིག་གིས་ མི་གྲངས་༨༡ ལུ་ ལཱ་གཡོག་གི་གོ་སྐབས་བྱིན་ཡོདཔ་ད་ ཚོད་སྙོམས་ལུ་འབད་བ་ཅིན་ ལཱ་གཡོག་གི་གོ་སྐབས་༥ རེ་ ཡར་སེང་འབད་ཡོདཔ་སྦེ་ཨིན་པས།
ལས་རིམ་འགོ་བཙུགས་པའི་སྐབས་ལུ་ ཁོང་༡༨ ཀྱི་ བཅའ་མར་གཏོགས་ཡོདཔ་ད་ དེ་ཚུ་གི་གྲས་ལས་༡༦ གིས་ དངུལ་འབྲེལ་གྱི་ ཁེ་ཕན་མཐུན་རྐྱེན་དངུལ་ཀྲམ་༡༠༠,༠༠༠ ལས་༥༠༠,༠༠༠ ཚུན་ཐོབ་ཡོདཔ་ད་ གཞན་མི་བཞི་གི་ མཐར་འཁྱོལ་ཅན་ལུ་ ལྷབ་སྦྱང་མ་འདྲཝ་ཚུ་ ཐོབ་ཡོདཔ་ཨིན་པས།
འབྲུག་གྱི་ལས་སྡེ་ནང་ལས་ བཀྲིས་དབང་ཕྱུག་གིས་ བཤད་མིའི་ནང་ མ་རྩ་གཞི་བཙུགས་ཀྱི་ མ་དངུལ་དེ་གིས་ སྡེ་ཚན་གྱི་ཚོང་འབྲེལ་ལུ་ ཕན་ཐོགས་འབྱུང་ནི་དང་ ཁོང་གི་ རྒྱལ་སྤྱིའི་ཚོང་འབྲེལ་གནས་རིམ་ནང་ འཛུལ་ཞུགས་འབད་ནིའི་ དམིགས་ཡུལ་ཚུ་ཡང་ འགྲུབ་ཚུགས་ནི་མས་ཟེར་ཨིན་པས།
བདེ་སྲུངཔ་གསུམ་གྱིས་ དཔའ་རྟགས་བརྡུང་ནིའི་ནང་ རིག་རྩལ་སྦྱོང་བརྡར་མཇུག་བསྡུ་ཞིནམ་ལས་ ཚོང་ལས་འགོ་བཙུགས་ནི་དོན་ལུ་ འབྲུག་གྱི་འགོ་བཙུགས་སྐྱིན་འགྲུལ་ དངུལ་ཀྲམ་༤༥༠,༠༠༠ ལེན་ཡོདཔ་ད་ ཁོང་གིས་ ཆོས་སྒོ་ཟེར་མི་ཐོག་ལུ་ ཚོང་འབྲེལ་གྱི་ ལས་སྣ་འགོ་བཙུགས་ཡོདཔ་ད་ ཁོང་གིས་ ལཱ་འབད་དེ་ དུས་ཡུན་ཟླཝ་༨ ཀྱི་ནང་འཁོད་ལུ་ སྐྱིན་འགྲུལ་ལེན་མི་ དངུལ་ཀྲམ་འབུམ་༤༥༠ ལོག་བཏབ་པའི་ཁར་ བདེ་སྲུངཔ་གྱི་བརྡུངས་ནིའི་ སྦྱོང་བརྡར་འབད་མི་༤ ལུ་ཡང་ ལཱ་གཡོག་ཚུ་བྱིན་ཚུགས་ཡོདཔ་ཨིན་པས།
ཨིས་པི་རིང་བཱོཌ་པ་ལིས་ལས་རིམ་དེ་ ལས་གཡོག་དང་ ཚོང་འབྲེལ་ལས་ཁུངས་ཀྱིས་ ཡུ་ཨེན་ཌི་པི་དང་ ལོན་ཌོན་གཞི་ཚོགས་དང་ མཉམ་འབྲེལ་ཐོག་ལས་ འབད་ཡོདཔ་ཨིན་པའི་གནས་ཚུལ།
ཚེ་རིང་དབང་འདུས།
