༉ རྒྱལ་སྤྱིའི་ལྟ་བཤལཔ་ཚུ་གི་དོན་ལུ་ འགེགས་སྲུང་སྒོ་རའི་འཛུལ་སྒོ་དང་ འཐོན་སྒོ་གསརཔ་བཟོ་མི་ལུ་བརྟེན་ བསམ་གྲུབ་ལྗོངས་མཁར་དེ་ འབྲུག་ཤར་ཕྱོགས་ཁ་ཐུག་ལུ་ ལྟ་བཤལ་པའི་ ས་ཁོངས་ཅིག་ཨིན་པའི་ མདུན་ལམ་བཟང་དོ་ཡོདཔ་ཨིན་པས།
དེ་གི་དོན་ལུ་ རྫོང་ཁག་བདག་སྐྱོང་གིས་ ལྟ་བཤལ་པའི་ཐོན་སྐྱེད་གསརཔ་ཅིག་ གསལ་སྟོན་འབད་མི་དེ་ཡང་ བསམ་ལྗོངས་ཟེར་མི་ངོ་རྟགས་ བཟོ་བཀོད་འབད་དེ་ རྫོང་ཁག་ནང་ ལྟ་བཤལཔ་ཚུ་གིས་ ཁྱབ་ཚུགསཔ་བཟོ་ནི་དེ་ཨིན་པས།
རྩོལ་སྒྲུབ་གསརཔ་དེ་ལུ་བརྟེན་ རྫོང་ཁག་གིས་ ལྟ་བཤལ་པའི་ཐོན་སྐྱེད་གོང་འཕེལ་གཏང་སྟེ་ བོར་བི་ལ་གཅིག་སྒྲིལ་གླིང་ག་དང་ མཚོ་བདུན་སྐྱེ་ལྡན་ལྟ་བཤལ་གོང་འཕེལ་ སྐལ་ཡོན་ཡོང་བཱ་ལྟ་བཤལ་རྒྱུག་ལམ་ བྱ་རིགས་ལྟ་བཤལ་ གྲོང་གསེབ་ལྟ་བཤལ་ཟ་ཁང་ དེ་ལས་ སྐྱེ་ལྡན་མཐུན་འབྲེལ་ས་ཁོངས་ བཟོ་ནི་ལ་སོགས་པ་ཚུ་ཡོདཔ་ཨིན་པས།
བསམ་ལྗོངས་ངོ་རྟགས་ཀྱིས་ ལྟ་བཤལ་གཞི་རྟེན་མཁོ་ཆས་དང་ མི་སྡེ་ལུ་ཕན་ཐོགས་ཅན་གྱི་ གཞན་དང་མ་འདྲ་བའི་ སྐྱེ་ལྡན་ལྟ་བཤལ་ཐོན་སྐྱེད་ དེ་ལས་ མཐའ་འཁོར་གནས་སྟངས་ཉམས་སྲུང་འབད་ནི་ཚུ་ལུ་ དམིགས་གཏད་བསྐྱེད་ནི་ཨིན་པས།
བསམ་གྲུབ་ལྗོངས་མཁར་རྫོང་ཁག་བདག་སྐྱོང་ དཔལ་འབྱོར་གོང་འཕེལ་དང་ ཚོང་འབྲེལ་འགོ་དཔོན་ བསོད་ནམས་དབང་ཕྱུག་གིས་ བཤད་མིའི་ནང་ རྫོང་ཁག་བདག་སྐྱོང་གིས་ ལྟ་བཤལ་པའི་ གཞི་རྟེན་མཁོ་ཆས་གདོང་ལེན་ཚུ་ འོས་འབབ་དང་ལྡནམ་བཟོ་ནི་ལུ་ གསལ་སྟོན་འབདཝ་ཨིན་ཟེར་ཨིནམ་ད་ ང་བཅས་ཀྱི་ དམིགས་ཡུལ་དེ་ མ་འོངས་ལོ་༥ འི་ནང་འཁོད་ལུ་ ལྟ་བཤལཔ་བརྒྱ་ཆ་༢༠ འཐེབ་འོང་ཚུགསཔ་བཟོ་ནི་ཨིན་མི་དེ་ཡང་ ལྟ་བཤལ་དང་འབྲེལ་བའི་ ཉམས་མྱོང་འཐོབ་ནི་དང་ ཐོན་སྐྱེད་གསརཔ་གོང་འཕེལ་གཏང་ནི་ དེ་ལས་ ཚོང་འབྲེལ་གྱི་ཐབས་བྱུས་ ལེགས་བཅོས་འབད་ནི་ཨིན་ཟེར་ཨིན་པས།
རྫོང་ཁག་ནང་ ལོ་༥ འི་འཆར་གཞི་༡༣ པའི་དོན་ལུ་ ལྟ་བཤལ་གོང་འཕེལ་དེ་ གཙོ་རིམ་ཅན་སྦེ་ཡོདཔ་ད་ བསམ་ལྗོངས་ངོ་རྟགས་ཀྱིས་ ཡུན་བརྟན་དང་ ལྟ་བཤལ་མི་སྡེ་ལྟེ་བ་ལུ་ འགྱུར་ནིའི་དམིགས་ཡུལ་ཨིནམ་བཞིན་དུ་ ལས་འགུལ་ནང་ ཚོང་འབྲེལ་རྩོལ་སྒྲུབ་དང་ སྦྱོང་བརྡར་ལས་རིམ་ ལྕོགས་གྲུབ་གོང་འཕེལ་གཏང་ཐོག་ལས་ ནང་འཁོད་དང་ ལུང་ཕྱོགས་ དེ་ལས་ རྒྱལ་སྤྱིའི་ལྟ་བཤལཔ་ཚུ་ འོང་ཚུགསཔ་བཟོ་ནི་ཨིན་ཟེར་ཨིན་པས།
རྫོང་ཁག་གིས་ ལྟ་བཤལཔ་འོང་ནིའི་ ཐབས་བྱུས་གཞན་ཡང་ རི་གཟར་བབས་ཆུ་བཟོ་ནི་དང་ བྱ་རིགས་བལྟ་ནི་ སོ་ནམ་དང་ སྒོ་ནོར་གྱི་ ཐོན་སྐྱེད་ཡོདཔ་བཟོ་ནི་དེ་ཨིན་པས།
རྫོང་ཁག་གི་ གོང་འཕེལ་ནུས་རྩལ་ཚུ་ནང་ ལྟ་བཤལ་པའི་གནས་ཤོག་དང་ ཚོང་འབྲེལ་ཁ་གསལ་གྱི་རྒྱུ་ཆས་ ཝི་ཀི་པི་ཌི་ཡ་གི་ཡོངས་འབྲེལ་ཚུ་ ཨང་ཅན་རྒྱ་སྐྱེད་ཀྱི་དོན་ལུ་ འབད་ནི་ཨིན་པས།
སྤྱིར་བཏང་གདོང་ལེན་དེ་ འཁོར་ལམ་གནས་སྟངས་སྐྱོ་དྲག་འབད་མི་དང་ མཐུན་རྐྱེན་ཚང་སྒྲིག་མེད་མི་ དེ་ལས་ ཁྱབ་སྤེལ་དེ་ཅིག་ར་ འབད་མ་ཚུགས་པར་ ལུས་མི་གིས་ ལྟ་བཤལ་གོང་འཕེལ་གཏང་ནི་ལུ་ བར་ཆད་ཡོདཔ་སྦེ་ཨིནམ་བཞིན་དུ་ ད་ལྟོ་བཟུམ་ཅིག་འབད་བ་ཅིག་ ཟ་ཁང་ཚུ་ནང་ གཞུང་གིས་ ངོས་འཛིན་འབད་དེ་མེདཔ་ད་ གནད་དོན་གཞན་ཡང་ ལེ་ཤ་ཡོདཔ་ཨིན་པས།
ཤར་ཕྱོགས་འགེགས་སྲུང་འཛུལ་སྒོ་དེ་ ལྟ་བཤལ་པའི་དོན་ལུ་ སྒོ་ཕྱེས་མི་གིས་ ལྟ་བཤལ་ལག་ལེན་པ་ བདེ་ཆེན་ལྷ་མོ་གིས་འབད་བ་ཅིན་ བསམ་གྲུབ་ལྗོངས་མཁར་དེ་ སྐྱེ་ལྡན་ལྟ་བཤལ་པའི་དོན་ལུ་ གཙོ་བོ་ཅིག་འབད་ གནས་ཚུགས་ནི་མས་ཟེར་ཨིན་རུང་ གཞི་རྟེན་གྱི་ དགོས་མཁོ་གོང་འཕེལ་བཏང་དགོ་མི་ཚུ་ཡང་ བཀྲིས་སྒང་དང་ བསམ་གྲུབ་ལྗོངས་མཁར་གྱི་གཞུང་ལམ་ ལེགས་བཅོས་འབད་དགོཔ་ཡོདཔ་སྦེ་ཨིན་པས།
བསམ་གྲུབ་ལྗོངས་མཁར་ལུ་ ལྟ་བཤལ་པའི་གྱངས་ཁ་དེ་ དམའ་སུ་སྦེ་ཡོད་མི་དེ་ཡང་ སྤྱི་ལོ་༢༠༡༨ ལུ་༡,༩༣༧ འབད་མི་དེ་ སྤྱི་ལོ་༢༠༡༩ ལུ་༡,༧༢༡ ལུ་ མར་བབས་སོང་ཡོདཔ་སྦེ་ཨིན་པས།
རྫོང་ཁག་གི་ དམིགས་ཡུལ་འབད་བ་ཅིན་ སྤྱི་ལོ་༢༠༢༩ ལུ་ ལྟ་བཤལཔ་༤,༠༠༠ ལྷོད་ཚུགསཔ་འབད་ནིའི་ རེ་བ་ཡོད་པའི་ཁར་ དེ་གི་ཤུལ་ལས་ འདི་བ་མངམ་སྦེ་ འོང་ནིའི་ཐབས་ཤེས་འགྲིག་དོ་ཡོདཔ་ཨིན་པས།
ལོ་ལྔའི་འཆར་གཞི་༡༣ པ་ མཇུག་བསྡུ་བའི་བསྒང་ལས་ རྫོང་ཁག་གིས་ ལཱ་གཡོག་གི་གོ་སྐབས་༡༧༠ ལྷགཔ་ཅིག་དང་ ལྟ་བཤལ་དང་འབྲེལ་བའི་ ཚོང་འབྲེལ་ཚུ་༤༠ ལས་ལྷག་སྟེ་ བཟོ་ནིའི་འཆར་གཞི་ཡོདཔ་ཨིན་པས།
ལྟ་བཤལ་གོང་འཕེལ་གྱི་དོན་ལུ་ འཆར་དངུལ་ དངུལ་ཀྲམ་ས་ཡ་༢༩༨.༨༤ བཞག་སྟེ་ཡོདཔ་ཨིན་པས།
ང་བཅས་ཀྱིས་ ལྟ་བཤལ་ཡུན་བརྟན་གོང་འཕེལ་བཏང་ཐོག་ལས་ ནང་འཁོད་མི་སྡེ་ལུ་ ཁེ་ཕན་འབྱུང་ནི་དང་ ང་བཅས་རའི་ རང་བཞིན་དང་ སྔར་སྲོལ་གྱི་ལམ་སྲོལ་བཟང་པོ་ཚུ་ ཉམས་སྲུང་འབད་ནི་དེ་ཨིན་ཟེར་ བསོད་ནམས་དབང་ཕྱུག་གིས་ བཤདཔ་ཨིན་པས།
ན་ཧིང་ སྤྱི་ཟླ་༡༢ པ་ཚུན་ རྒྱལ་སྤྱིའི་ལྟ་བཤལཔ་༤༡ དང་ ལུང་ཕྱོགས་ལྟ་བཤལཔ་༡༡༣ གྱིས་ བསམ་གྲུབ་ལྗོངས་མཁར་ལུ་ ཡུན་བརྟན་གོང་འཕེལ་གྱི་འཐུས་སྤྲོད་དེ་ འོང་ཡོདཔ་ཨིན་པའི་གནས་ཚུལ།
ཚེ་རིང་དབང་འདུས།
