༉ བསམ་གྲུབ་ལྗོངས་མཁར་དབང་འཛིན་གྱིས་ ཚོང་འབྲེལ་ལུ་ བར་ཆད་སྔོན་འགོག་དང་ གཞུང་གི་འོང་འབབ་ལུ་ གྱོང་རྒུད་མི་ཕོག་ནིའི་དོན་ལུ་ ཚུལ་མིན་ཐོག་ལས་ ཚལ་ལུ་ཕྱིར་ཚོང་འཐབ་མི་ཚུ་ བཀག་ཆ་འབད་ནི་ཨིན་པས།
བར་ཚོང་འཐབ་མི་ཚུ་གིས་ ཕྱིར་ཚོང་གི་སྒྲིག་གཞི་ནང་ ཚུད་དེ་མེད་པའི་གནད་དོན་ལུ་ གོ་སྐབས་ལེན་ཏེ་ སོ་ནམ་པ་ཚུ་ ཚལ་ལུའི་ཚོང་འབྲེལ་འུར་ཟིང་ལང་པའི་སྐབས་ གོང་ཚད་ཉུང་སུ་སྦེ་ སྤྲོད་དོ་ཡོདཔ་ད་ སོ་ནམ་པ་ཚུ་དང་ཐད་ཀར་ བར་ཚོང་འཐབ་པའི་ཁར་ ཕྱིར་ཚོང་གི་ཐོན་སྐྱེད་ཚུ་ ཅ་དམ་གི་སྒྲིག་གཞི་དང་ ཆོག་ཐམ་དང་འཁྲིལ་ཏེ་ མི་འབད་དོ་ཡོདཔ་ཨིན་པས།
ཕྱིར་ཚོང་འཐབ་མི་གིས་ བཤད་མིའི་ནང་ ཨའི་སི་པི་སྒོ་ར་དང་ ཅ་དམ་ལས་བྱེདཔ་ཚུ་གིས་ དམ་འཛིན་མ་འབད་མི་ལུ་བརྟེན་ བར་ཚོང་འཐབ་མི་ཚུ་གིས་ སོ་ནམ་གྱི་ཐོན་སྐྱེད་ཚུ་ གོང་ཚད་མ་ཐོབ་བཟོ་དོ་ཡོདཔ་ཨིན་པས།
སོ་ནམ་པའི་མིང་ཐོག་ལུ་ བར་ཚོང་འཐབ་མི་ཚུ་གིས་ སོ་ནམ་གྱི་ཐོན་སྐྱེད་ཚུ་ ཕྱིར་ཚོང་འཐབ་སྟེ་ སོ་ནམ་དང་འབྲེལ་བའི་ སྒྲིག་གཞི་ལས་བརྒལ་ཏེ་ ཆོག་ཐམ་མེད་པར་ དངུལ་ཀྲམ་༣༠,༠༠༠ གི་ཚོང་ཚུ་ ཉོཝ་མས་ཟེར་ ཕྱིར་ཚོང་འཐབ་མི་ རིན་ཆེན་རྡོ་རྗེ་གིས་ བཤད་པའི་ཁར་ བར་ཚོང་འཐབ་མི་མང་ཤོས་ཅིག་གིས་ འདི་བཟུམ་གྱི་བྱ་རིམ་ཚུ་ ཚལ་ལུ་ཕྱིར་ཚོང་གི་དུས་ཚོད་ཁར་ འབདཝ་མས་ཟེར་ཨིན་པས།
ཕྱིར་ཚོང་འཐབ་མི་གཞན་མི་ ཤེས་རབ་བཟང་པོ་གིས་ བཤད་མིའི་ནང་ བར་ཚོང་འཐབ་མི་ གྲལ་ཞུགས་ཡོད་ནི་དེ་གིས་ སོ་ནམ་པ་ཚུ་གིས་ སོ་ནམ་གྱི་ཐོན་སྐྱེད་ཚུ་ ཁོང་ར་གིས་ མནོ་དོ་བཟུམ་སྦེ་ གོང་ཚད་ཐོབ་མི་ཚུགས་པས་ཟེར་ཨིན་པས།
བརྡ་མཚོན་དུམ་གྲ་ཅིག་བྱུང་མི་ ས་མཚམས་ཀྱི་བར་ཚོང་འབད་མི་གིས་ འབྲུག་པའི་བར་ཚོང་འཐབ་མི་ཚུ་དང་ ལཱ་གཅིག་ཁར་འབད་བའི་བསྒང་ལས་ ཚོང་འབྲེལ་གྱི་གོང་ཚད་ཚུ་ མར་བབས་འགྱོཝ་མས་ཟེར་ཨིནམ་ད་ ངོ་རྐྱང་ལེ་ཤ་ཅིག་གིས་ གོང་ཚད་ཚུ་ བདེ་སྒྲིག་འབད་བའི་ཁར་ བསམ་གྲུབ་ལྗོངས་མཁར་གྱི་ ཚོང་འབྲེལ་ལུ་ བར་ཆད་རྐྱབ་མས་ཟེར་ཨིན་པས།
བང་ལ་དེཤ་དང་ རྒྱ་གར་ནང་ ཚལ་ལུ་ཕྱིར་ཚོང་འཐབ་མི་ཚུ་ལུ་ ཐོ་བཀོད་འབད་བའི་ཤུལ་ལུ་ ཚོང་འབྲེལ་གྱི་ཆོག་ཐམ་ཚུ་དགོཔ་ད་ གཞན་ཡང་ རྒྱ་གར་ལུ་ཕྱིར་ཚོང་འཐབ་མི་དག་པ་ཅིག་ལུ་ ཐོ་བཀོད་དང་ ཆོག་ཐམ་ཚུ་དགོཔ་སྦེ་ཡོདཔ་ཨིན་པས།
འབྲུག་ཕྱིར་ཚོང་ཚོགས་སྡེ་གིས་ འབད་བ་ཅིན་ བསམ་གྲུབ་ལྗོངས་མཁར་གྱི་ ཐོ་བཀོད་ཅན་དང་ ཆོག་ཐམ་ཡོད་མི་ཚུ་ ཁྲལ་རིགས་ཕོག་དོ་ཡོད་རུང་ ཆོག་ཐམ་མེད་མི་ཚུ་ལུ་ ཁྲལ་བཏབ་དགོཔ་མེདཔ་སྦེ་ འདུག་ཟེར་ཨིན་པས།
ཐོ་བཀོད་མེན་པའི་ཚལ་ལུ་ཕྱིར་ཚོང་འཐབ་མི་ཚུ་གིས་ གཞུང་གི་འོང་འབབ་ལུ་ ཐོ་སྦོམ་སྦེ་ར་ བཀལ་དོ་ཡོདཔ་ད་ དེ་གིས་ གོང་ཚད་ལུ་བར་ཆད་དང་ ཁྲིམས་དོན་ལས་བརྒལ་ཏེ་ ལག་ལེན་འཐབ་དོ་ཡོདཔ་སྦེ་ ཀརྨ་བསྟན་འཛིན་གྱིས་ བཤདཔ་ཨིན་པས།
ཁོང་ཆ་ཁྱབ་ལུ་ ཡིག་ཆ་ཚུ་ ཚུལ་ལྡན་མེད་ནི་དེ་གིས་ ངོས་འཛིན་འབད་མི་ཚུགས་དོ་ཡོདཔ་ལས་ དེ་གིས་ དཔལ་འབྱོར་ལུ་གནོད་ཉེན་ཡོད་པའི་གུ་ གནས་ཐོ་ཚུ་ཡང་ དྲང་བདེན་སྦེ་ ཐོབ་མི་ཚུགས་དོ་ཡོདཔ་ཨིན་པས།
ཁོ་གིས་ བཤད་མིའི་ནང་ འབྲེལ་བ་ཅན་གྱི་ལས་ཚབ་ཚུ་དང་ མཉམ་འབྲེལ་ཞལ་འཛོམས་ འགོ་འདྲེན་འཐབ་མི་དེ་ གནད་དོན་ཚུ་ དོགས་སེལ་དང་ དཀའ་ངལ་བསལ་དགོཔ་སྦེ་ཨིན་པས།
ད་ལས་ཕར་ གལ་སྲིད་ ངོས་འཛིན་ཅན་གྱི་ ཆོག་ཐམ་མེད་པ་ཅིན་ གཅིག་སྒྲིལ་སྒོ་ར་ཚུ་ནང་ལས་ ཕྱིར་ཚོང་འཐབ་མི་ཆོག་ནི་དང་ ཉོག་སེལ་གྱི་ཡིག་ཆ་ཚུ་ མི་བྱིན་ཟེར་ཨིནམ་བཞིན་དུ་ རྒྱ་གར་དང་ བང་ལ་དེཤ་ག་ཏེ་ར་འབད་རུང་ བར་ཚོང་འཐབ་མི་ཚུ་གིས་ ཕྱིར་ཚོང་འཐབ་ནི་ཨིན་པ་ཅིན་ ངེས་པར་དུ་ ཆོག་ཐམ་བཏོན་དགོ་ཟེར་ཨིན་པས།
གནད་དོན་གསར་པའི་ཐོག་ལུ་ ལག་ལེན་བསྟར་སྤྱོད་འབད་ནི་ འགོ་བཙུགས་ཞིནམ་ལས་ ཚོང་འབྲེལ་བ་མང་ཤོས་ཅིག་གིས་ ཕྱིར་ཚོང་གི་དོན་ལུ་ ཚོང་འབྲེལ་ཆོག་ཐམ་ལེན་ནི་ འགོ་བཙུགས་ཅི་ཟེར་ཨིན་པས།
ཚལ་ལུ་ཕྱིར་ཚོང་གི་ དུས་ཚོད་མཇུག་བསྡུ་སྟེ་འབདཝ་ད་ གནས་ཐོ་བསྡུ་ལེན་འབད་མི་གིས་ ཚུལ་ལྡན་དང་ འོས་ཁུངས་མེད་ནི་དེ་གིས་ ཕྱིར་ཚོང་འཐབ་པའི་གནས་ཐོ་ སྤྲོད་ནི་ལུ་ཕྱིས་ཏེ་ ལུས་སོ་ཡི་ཟེར་ཨིན་པས།
འགོ་དཔོན་གྱིས་ བཤད་མིའི་ནང་ གནས་ཐོ་ཚུ་ བསྡུ་ལེན་འབད་ནིའི་དོན་ལུ་ བརྒྱུད་འཕྲིན་བཏང་ཐོག་ལས་དང་ མི་ངོ་རྐྱང་སྦེ་འོང་མི་གིས་ གཏན་འཁེལ་བཟོ་མི་ཚུགས་པས་ཟེར་ཨིནམ་ད་ ཕྱིར་ཚོང་འཐབ་མི་ཚུ་གིས་ གནས་ཐོ་ཚུ་ གཏན་འཁེལ་སྦེ་ སྤྲོད་དགོཔ་འདུག་ཟེར་ ཨིན་པའི་གནས་ཚུལ།

ཚེ་རིང་དབང་འདུས།

Advertisement