༉ ཐིམ་ཕུག་ན་རོ་རྒེད་འོག་ལུ་ ནགས་ཚལ་མེ་རྐྱེན་གྱིས་ ནགས་ཚལ་ཨེ་ཀར་༡,༠༠༠ དང་ རང་ལུགས་ཀྱི་ཁྱིམ་༤ འཚིགས་བཏང་ཡོད་རུང་ མིའི་ཚེ་སྲོག་ལུ་ གནོད་སྐྱོན་རྐྱབ་ཡོད་པའི་ སྙན་ཞུ་མེདཔ་ཨིན་པས།
ནགས་མེ་དེ་ཡང་ སྤྱི་ཟླ་༡ པའི་ཚེས་༤ གི་ དྲོ་པའི་ཆུ་ཚོད་༡༡ དེ་ཅིག་ཁར་ ན་རོ་རྒེད་འོག་ བར་གཤོང་གཡུས་ཚན་ནང་ བྱུང་བའི་ཤུལ་ལས་ ས་གནས་ཀྱི་མི་ཚུ་གིས་ ཚད་འཛིན་འབད་མ་ཚུགས་པར་ མགྱོགས་དྲགས་སྦེ་ ས་གནས་གཞན་ཚུ་ནང་ འཕྱེལ་སོཔ་ཨིན་པས།
ན་རོ་རྒཔོ་ མགོནམ་ཚེ་རིང་དང་འཁྲིལ་བ་ཅིན་ རླུང་མ་ཤུགས་སྦེ་འཕུ་བའི་སྐབས་ གློག་མེའི་ཀཝ་གུ་ ཤིང་གི་ཞལ་ལག་ཕོག་སྟེ་་ མེ་འབར་འབརཝ་བཟུམ་ཅིག་ཡོདཔ་ད་ ནགས་མེ་གིས་འཚིགས་མི་ ཁྱིམ་མང་ཤོས་ར་ མི་སྡོད་མི་མེད་པའི་ ཁྱིམ་ཚུ་ཨིན་རུང་ རྒྱུ་དངོས་ཚུ་ མེ་རྐྱེན་ལས་ བཀག་ཐབས་འབད་ཚུགས་ཅི་ཟེར་ཨིན་པས།
ཨམ་སྲུ་དང་ ཨ་ལུ་ཚུ་ ཉེན་སྲུང་འབད་ནིའི་དོན་ལུ་ ཉེན་སྲུང་གི་ས་ཁོངས་ཚུ་ནང་ བཞག་ཡོདཔ་ད་ གུང་པ་རེ་ལས་ ཕོ་སྐྱེས་རེ་ ནགས་མེ་ཚད་འཛིན་འབད་ནིའི་དོན་ལུ་ ཁྲིམས་སྲུང་འགག་པ་དང་ ནགས་ཚལ་འགོ་དཔོན་ཚུ་དང་གཅིག་ཁར་ ཆ་རོགས་སྦེ་བཞག་ཡོདཔ་ཨིན་པས།
བྱ་གཟར་དྲགས་དང་ རླུང་མ་ཤུགས་སྦེ་འཕུ་མི་ལུ་བརྟེན་ མེ་རྐྱེན་དེ་ ཚད་འཛིན་འབད་མ་ཚུགསཔ་ད་ ཞག་དང་པའི་སྐབས་ རླུང་མ་དེ་ཅིག་ར་ མ་འཕུ་མི་ལུ་བརྟེན་ ཚད་འཛིན་འབད་ཚུགས་རུང་ ཉིནམ་༢ པའི་སྐབས་ རླུང་མ་ཤུགས་སྦེ་ འཕུ་མི་ལུ་བརྟེན་ ད་རུང་ མེ་འབར་ཡི་ཟེར་ རྒཔོ་གིས་ བཤདཔ་ཨིན་པས།
བདེ་སྲུངཔ་དང་ ཁྲིམས་སྲུང་འགག་པ་ ནགས་ཚལ་འགོ་དཔོན་ ས་གནས་ཀྱི་མི་ཚུ་གིས་ ས་གནས་སོང་སྟེ་ མེ་གཞན་ཁར་ འཕྱེལ་འགྱོ་ནི་ལས་ བཀག་ཐབས་འབད་ཚུགས་ཡོདཔ་ཨིན་པས།
འགོ་དཔོན་ཚུ་གིས་ སླབ་མིའི་ནང་ ད་རེས་ ནགས་མེ་ཚད་འཛིན་འབད་ཚུགས་ཡོད་རུང་ ཧྲིལ་བུམ་སྦེ་ ནམ་ཚད་འཛིན་འབད་ཚུགས་འོང་ག་ སླབ་མི་ཤེས་པས་ཟེར་ཨིན་པས།
མེ་བསད་སྡེ་ཚན་གྱིས་ ས་དང་ ཆུ་གིས་ མེ་བསད་དོ་ཡོདཔ་ད་ གནམ་དགུན་ས་སྐམ་དང་ རྡོ་སྐམ་ལུ་བརྟེན་ གཡུས་སྒོ་ཚུ་དང་ ཆུ་མེདཔ་ལས་ མེ་ཚད་འཛིན་འབད་ནི་ལུ་ གདོང་ལེན་བྱུང་ཡོདཔ་ཨིན་པས།
ད་རེས་ ནགས་མེ་ཚད་འཛིན་འབད་ཡོད་རུང་ འགོ་དཔོན་ཚུ་གིས་ ནགས་མེ་དེ་ ད་རུང་ འབར་ནིའིཉེན་ཁ་ཡོདཔ་སྦེ་ ཤེས་ཡོདཔ་ད་ རྡོ་འབུད་འོང་ནི་དང་ རག་རོ་ཚུ་གིས་ ད་རུང་ མེ་རྐྱེན་འབྱུང་ནིའི་ཉེན་ཁ་ཡོད་ཟེར་ཨིན་པས།
རྒཔོ་མགོནམ་ཚེ་རིང་གིས་ སླབ་མིའི་ནང་ ནགས་མེ་བཀག་ཐབས་ཀྱི་ཐབས་ཤེས་ གློག་མེའི་ཀཝ་ཡོད་པའི་ས་གོ་ནང་ ཤིང་ལག་ལེན་འཐབ་ནིའི་སྐོར་ ཧེ་མ་ལས་ གྲོས་བསྟུན་འབད་ཡོད་རུང་ ཤིང་ལེ་ཤ་དགོས་མཁོ་ཡོདཔ་ལས་ འཆར་གཞི་དེ་ ལག་ལེན་འཐབ་མ་ཚུགས་པར་ ལུས་སོ་ཡི་ཟེར་ཨིན་པས།
ད་རེས་ ན་རོ་རྒེད་འོག་ལུ་ མི་༦༠-༧༠ བརྩིས་ཏེ་ གུང་པ་༧༦ ཡོདཔ་ཨིན་པས།
སྤྱི་ལོ་༢༠༢༣ ལུ་ ནགས་ཚལ་དང་གླིང་ཁ་ཞབས་ཏོག་ལས་ཁུངས་ལུ་ མེ་རྐྱེན་དང་འབྲེལ་བའི་ གནད་དོན་༧༢ སྙན་ཞུ་འབད་ཡོདཔ་བཞིན་དུ་ ནགས་ཚལ་ཨེ་ཀར་༢༤,༨༥༦ དེ་ཅིག་ མེ་གིས་འཚིགས་ཡོདཔ་ད་ སྤྱི་ལོ་༢༠༢༤ འི་ ལོ་ཕྱེད་ནང་འཁོད་ལུ་ མེ་རྐྱེན་གྱི་ སྙན་ཞུ་༢༢ ལྷོད་མི་གིས་ ནགས་ཚལ་ཨེ་ཀར་༩༠༥ མེདཔ་བཏང་ཡོད་པའི་གནས་ཚུལ།
ཨོ་རྒྱན་རྡོ་རྗེ།