༉ སྤ་རོ་ལུ་ འབྲུག་གསར་བཏོད་གྲོས་འཛོམས་འཚོགས་པའི་སྐབས་ འབྲུག་གི་ རང་བཞིན་ནུས་ཤུགས་རྒྱ་སྐྱེད་གཏང་ནི་ལུ་ རྒྱ་གར་གྱི་ རི་ལ་ཡེནསི་སྡེ་ཚན་དང་ འབྲུག་མི་སེར་རྒྱུ་ནོར་གཞི་བཟུང་ཚད་བར་ན་ གོ་བརྡའི་ཆིངས་ཡིག་ཅིག་གུ་ མཚན་རྟགས་བཀོད་ཡོདཔ་ཨིན་པས།
གོ་བརྡའི་ཆིངས་ཡིག་ལུ་བརྟེན་ མེ་ག་ཝཱཊ་༥༠༠ འབད་མི་ ཉི་དྲོད་གློག་མེ་དང་ མེ་ག་ཝཱཊ་༥༠༠ འབད་མི་ ཆུར་བརྟེན་གློག་མེ་ལས་འགུལ་ཚུ་ རྐྱབ་ནི་ཨིན་པས།
རི་ལ་ཡེནསི་སྡེ་ཚན་དེ་ རྒྱ་གར་གྱི་ ལས་སྡེ་སྦོམ་ཤོས་ཅིག་ཨིནམ་ལས་ དམིགས་བསལ་དུ་ རི་ལ་ཡནསི་གློག་མེ་གི་ ཕབ་ཆག་ཐོག་ལས་ མཁས་མཆོག་ཚུ་ མཉམ་འབྲེལ་འབད་ནི་ཨིན་པས།
ལས་སྡེ་ནང་ ནུས་ཤུགས་ལས་སྡེ་ནང་ ལྕོགས་གྲུབ་སྒྲིང་སྒྲི་ཡོདཔ་བཞིན་དུ་ མ་དི་ཡ་ པར་ཌིཤ་ ས་སཱན་ལུ་ མེ་ག་ཝཱཊ་༤,༠༠༠ འབད་མི་ ཨཱལ་ཊ་མེ་ག་གློག་མེ་ལས་འགུལ་བརྩིས་ཏེ་ མེ་ག་ཝཱཊ་༥,༣༤༠ འབད་མི་ གློག་མེ་ལས་འཕྲུལ་ཁང་ བཙུགས་ཡོདཔ་ཨིན་པས།
ཨཱལ་ཊ་མེ་ག་གློག་མེ་ལས་འགུལ་དེ་ འཛམ་གླིང་ནང་ སྦོམ་ཤོས་ཅིག་ཨིན་པས།
མཉམ་འབྲེལ་དེ་གིས་ འབྲུག་གི་ནུས་ཤུགས་གོང་འཕེལ་དང་ ལུང་ཕྱོགས་ནང་ ཡུན་བརྟན་གློག་མེ་ཐོན་སྐྱེད་ མཉམ་འབྲེལ་སྒྲིང་སྒྲི་བཟོ་ནི་ལུ་ ལྷན་ཐབས་འབད་ཚུགས་ནི་ཨིན་པས།
གོ་བརྡའི་ཆིངས་ཡིག་དེ་ཡང་ གཱན་དི་ ཇ་ཡ་ཏེ་དུས་སྟོན་བརྩི་སྲུང་དང་འབྲེལ་ བཀོད་ཡོདཔ་བཞིན་དུ་ མ་ཧཊ་མ་ གཱན་དི་རྗེས་དྲན་ལུ་ཡོདཔ་བཞིན་དུ་ མ་ཧཊ་མ་ གཱན་དི་དེ་ རྒྱ་གར་རང་དབང་བཟོ་མི་ འགོ་ཁྲིདཔ་གཙོ་ཅན་ཅིག་ཨིན་པས།
ལས་རིམ་སྐབས་ བློན་ཆེན་ཚེ་རིང་སྟོབས་རྒྱས་ཀྱི་དང་ ནུས་ཤུགས་བློན་པོ་ ནུས་ཤུགས་གཏེར་ཁའི་དྲུང་ཆེན་ དེ་ལས་ གཞུང་གི་ཆེ་མཐོའི་ འགོ་དཔོན་ཚུ་གིས་ གྲལ་གཏོགས་འབད་ཡོདཔ་ཨིན་པས།
དེ་མ་ཚད་ རི་ལ་ཡཱནསི་སྡེ་ཚན་གྱི་ཁྲི་འཛིན་ ཨ་ནི་ ཨམ་བ་ནི་དང་ འགོ་དཔོན་གཞན་ཚུ་གིས་ བཅའ་མར་གཏོགས་ཡོདཔ་ཨིན་པས།
བློན་ཆེན་གྱིས་ བཤད་མིའི་ནང་ གོ་བརྡའི་ཆིངས་ཡིག་དེ་ གཞི་སྒྱུར་འགྲུལ་སྐྱོད་ འགོ་བཙུགསཔ་བཟུམ་ཅིག་ཨིནམ་ད་ དེ་གིས་ ཡུན་བརྟན་ནུས་ཤུགས་ལས་འགུལ་ཐོག་ལས་ འབྲུག་གོང་འཕེལ་དང་ འབྱོར་ལྡན་ཅིག་ བཟོ་ཚུགས་ཟེར་ཨིན་པས།
རི་ལ་ཡཱནསི་དང་གཅིག་ཁར་ འབྲུག་མི་སེར་རྒྱུ་ནོར་གཞི་བཟུང་ཚད་ཀྱིས་ སྔོ་ལྗང་དང་ རང་བཞིན་ནུས་ཤུགས་ཐོག་ལས་ ཡར་འཕར་དང་ གོང་འཕེལ་གཏང་ནི་མ་ཚད་ ཉི་དྲོད་དང་ གློག་མེ་ལས་འགུལ་ཚུ་ ལྷན་ཐབས་འབད་ཚུགས་ཟེར་ བློན་ཆེན་གྱིས་ བཤདཔ་ཨིན་པས།
ཁོ་གིས་འབད་བ་ཅིན་ ད་རེས་ནངས་པ་ འབྲུག་གི་ལས་སྡེ་ག་རའི་ ཚོང་འབྲེལ་བརྒྱ་ཆ་༨༠ དེ་ རྒྱ་གར་དང་གཅིག་ཁར་ འབད་དོ་ཡོདཔ་ད་ རང་བཞིན་ནུས་ཤུགས་ལས་སྡེ་དོན་ལུ་ རྒྱ་གར་ལས་ མངོ་མངགས་དང་ ཚོང་ལམ་ཡོདཔ་བཞིན་དུ་ འབྲུག་ལུ་ ཐོན་སྐྱེད་འབད་ནི་ འོས་འབབ་སྦོམ་ཡོད་ཟེར་ཨིན་པས།
ཨ་ནི་ ཨམ་བ་ནི་གིས་ སླབ་མིའི་ནང་ ཆིངས་ཡིག་ཐོག་ལས་ ལས་སྡེ་དང་ འབྲུག་མི་སེར་རྒྱུ་ནོར་གཞི་བཟུང་གིས་ འབྲུག་གི་ གཙང་སྦྲ་དང་ སྔོ་ལྗང་ནུས་ཤུགས་ལས་སྡེ་ གོང་འཕེལ་གཏང་དང་ མ་རྩ་གཞི་བཙུགས་འབད་ནི་ཨིན་ཟེར་ཨིན་པས།
ལས་སྡེ་གིས་ ལས་སྡེ་གསརཔ་གཞི་བཙུགས་དང་ རི་ལ་ཡནསི་ཚོང་ལས་ འབྲུག་གི་ རང་བཞིན་དང་ སྔོ་ལྗང་ནུས་ཤུགས་ལུ་ མ་རྩ་གཞི་བཙུགས་འབད་ནི་ནང་ ཡར་དྲག་གཏང་འོང་ཟེར་ཨིན་པས།
རི་ལ་ཡནསི་གཞི་རྟེན་དང་ རི་ལ་ཡནསི་གློག་མེ་ཚད་འཛིན་མཉམ་འབྲེལ་ཐོག་ལས་ རི་ལ་ཡནསི་ཚོང་ལས་ གོང་འཕལ་གཏང་ཡོདཔ་ཨིན་པས།
ལས་འགུལ་དེ་གིས་ འབྲུག་གི་དཔལ་འབྱོར་དང་ བཟོ་གྲྭ་གོང་འཕེལ་གྱིས་མ་ཚད་ རྒྱལ་ཁབ་ཀྱི་ ནུས་ཤུགས་ཉེན་སྲུང་ལུ་ ལྷན་ཐབས་འབད་འོང་ཟེར་ ཨ་ནི་ ཨམ་བ་ནི་གིས་ བཤདཔ་ཨིན་པས།
དེ་ཡང་ འབྲུག་གི་ དགེ་ལེགས་དྲན་ཤེས་ཁྲོམ་ཚོགས་དང་ དམིགས་བསལ་བདག་སྐྱོང་ལུང་ཕྱོགས་ཚུ་གི་དོན་ལུ་ མ་རྩ་གཞི་བཙུགས་སྦོམ་ཤོས་ཅིག་ ཨིན་པའི་ཁར་ འབྲུག་གི་ རང་བཞིན་ནུས་ཤུགས་ལས་སྡེ་ནང་ སྒེར་སྡེ་ལས་ ཕྱིའི་མ་རྩ་གཞི་བཙུགས་འབད་མི་ སྦོམ་ཤོས་ཅིག་ཨིན་པས།
གོ་བརྡའི་ཆིངས་ཡིག་འོག་ལུ་ རི་ལ་ཡནསི་སྡེ་ཚན་དང་ འབྲུག་མི་སེར་རྒྱུ་ནོར་གཞི་བཟུང་ཚད་ མཉམ་འབྲེལ་ཐོག་ལས་ མེ་ག་ཝཱཊ་༥༠༠ འབད་མི་ ཉི་དྲོད་གློག་མེ་དང་ མེ་ག་ཝཱཊ་༥༠༠ འབད་མི་ ཆུར་བརྟེན་གློག་མེ་ལས་འགུལ་ཚུ་ རྐྱབ་ནི་ཨིན་པས།
མེ་ག་ཝཊི་༥༠༠ འབད་མི་ ཉི་དྲོད་གློག་མེ་དེ་ དགེ་ལེགས་ཕུག་དྲན་ཤེས་ཁྲོམ་ཚོགས་ཀྱི་ ས་ཁོངས་ནང་ རྐྱབ་ནི་ཨིནམ་ད་ དེ་ཡང་ མེ་ག་ཝཊི་༢༥༠ རེ་སྦེ་ གོ་རིམ་༢ ཐོག་ལས་ མ་འོངས་ལོ་༢ ཀྱི་ནང་འཁོད་ལུ་ རྐྱབ་ནི་ཨིན་པས།
ལས་འགུལ་དེ་ མཇུག་བསྡུ་བའི་ཤུལ་ལས་ འབྲུག་ལུ་ ཉི་དྲོད་ལས་འགུལ་ སྦོམ་ཤོས་ཅིག་སྦེ་ འོང་ནི་ཨིནམ་བཞིན་དུ་ འབྲུག་གིས་གཙང་སྦྲ་ལྡན་པའི་ཐོན་སྐྱེད་དང་ གནམ་གཤིས་འགྱུར་བགྲོད་ཀྱི་ གདོང་ལེན་འབད་ནི་ལུ་ རང་བཞིན་ནུས་ཤུགས་ལ་སོགས་པ་ཚུ་ལུ་ ལྷན་ཐབས་འབད་ཚུགས་ནི་ཨིན་པས།
གནས་ཚུལ་གསར་བཏོན་ཅིག་དང་འཁྲིལ་བ་ཅིན་ ལས་འགུལ་གྱི་དོན་ལུ་ ས་ཆ་དང་ རི་ལ་ཡནསི་དང་ འབྲུག་མི་སེར་རྒྱུ་ནོར་གཞི་བཟུང་ཚད་དང་ དེ་ལས་ ཕྱིའི་གྲོས་སྟོན་པ་བརྩིས་ཏེ་ ཐབས་རིག་སྡེ་ཚན་ཚུ་ ངོས་འཛིན་འབད་དེ་ཡོདཔ་བཞིན་དུ་ ད་རེས་ ས་ཁོངས་དང་ ཐབས་རིག་བརྟག་ཞིབ་འབད་བའི་བསྒང་ ཡོདཔ་ཨིན་པས།
རི་ལ་ཡནསི་དང་ འབྲུག་མི་སེར་རྒྱུ་ནོར་གཞི་བཟུང་ མཉམ་འབྲེལ་ཐོག་ལས་ མེ་ག་ཝཱཊ་༧༧༠ འབད་མི་ ལྕངམ་མཁར་ཆུ་གློག་མེ་ལས་འགུལ་དང་པ་ རྐྱབ་ནི་ཨིན་པས།
ད་རེས་ འབྲུག་ལུ་ གློག་མེ་ཐོན་སྐྱེད་མེ་ག་ཝཱཊ་༢,༤༥༢ གཞི་བཙུགས་འབད་མི་དང་འབྲེལ་ དམིགས་བསལ་དུ་ གོ་བརྡའི་ཆིངས་ཡིག་ བཀོད་མི་གིས་ རྒྱ་གར་གྱི་ སྒེར་སྡེ་དང་ འབྲུག་གི་བར་ན་ མཉམ་འབྲེལ་འབད་ནི་ བརྡ་མཚན་སྟོནམ་ཨིན་པས།
མཉམ་འབྲེལ་ལས་འགུལ་ནང་ རི་ལ་ཡེནསི་གློག་མེ་གིས་ བརྒྱ་ཆ་༤༩ དང་ འབྲུག་མི་སེར་རྒྱུ་ནོར་གཞི་བཟུང་ཚད་ཀྱིས་ བགོ་བཤའ་བརྒྱ་ཆ་༥༡ གི་ བདག་དབང་ལེན་ནི་ཨིན་པས།
ལས་འགུལ་དེ་ གཞུང་གི་སྲིད་བྱུས་དང་ རིམ་སྒྲིག་འབད་དེ་ ཁེ་དབང་ཐབས་ལམ་ཐོག་ལས་ ལག་ལེན་འཐབ་ནི་ཨིན་པས།
འབྲུག་མི་སེར་རྒྱུ་ནོར་གཞི་བཟུང་ཚད་ཀྱི་ བཀོད་ཁྱབ་གཙོ་འཛིན་ ཨུཇ་ཝཱལ་ ཌིབ་ ཌ་ཧཱལ་གྱིས་ རང་བཞིན་ནུས་ཤུགས་དེ་ འབྲུག་གི་དཔལ་འབྱོར་གྱི་དོན་ལུ་ གཙོ་ཅན་ཅིག་ཨིན་པའི་ཁར་ མཉམ་འབྲེལ་དེ་ སྒྲིང་སྒྲི་བཟོ་ནི་ལུ་ ལྷན་ཐབས་འབད་ཚུགས་ཟེར་ཨིན་པས།
ཁོ་གིས་འབད་བ་ཅིན་ ལས་སྡེ་༢ ཀྱི་ མཉམ་འབྲེལ་དེ་ སྔོ་ལྗང་ནུས་ཤུགས་ཐོན་སྐྱེད་ དམིགས་བསལ་དུ་ ཉི་དྲོད་དང་ གློག་མེ་ལས་འགུལ་ལུ་ གཙོ་རིམ་བཟུང་ནི་མ་ཚད་ སྔོ་ལྗང་འཕྲུལ་རིག་གསར་བཏོད་ཀྱི་ འོས་འབབ་ཚུ་ཡང་ བལྟ་འོང་ཟེར་ཨིན་པས།
གཞི་རྟེན་ལས་འགུལ་ཚུ་ ལག་ལེན་འཐབ་ནིའི་དོན་ལུ་ རི་ལ་ཡནསི་གཞི་རྟེན་ལས་སྡེ་གིས་ གཞུང་དབང་ལས་སྡེ་ཚུ་ ལཱ་འབད་ནི་ འཆར་གཞི་ཡོདཔ་བཞིན་དུ་ རྒྱལ་ཁབ་ཀྱི་ ཡུན་བརྟན་གོང་འཕེལ་ཁས་ལེན་ བསྟར་སྤྱོད་འབད་ནི་ལུ་ རྒྱབ་སྐྱོར་འབད་ནི་ཨིན་པས།
རི་ལ་ཡནསི་སྡེ་ཚན་གྱིས་ གཙོ་རིམ་ཅན་གྱི་ལས་སྡེ་གསརཔ་ རི་ལ་ཡནསི་ཚོང་ལས་ འགོ་འབྱེད་འབད་ཡོདཔ་ད་ དེ་ཡང་ དམིགས་བསལ་དུ་ འབྲུག་གི་རང་བཞིན་དང་ སྔོ་ལྗང་ནུས་ཤུགས་ནང་ མ་རྩ་གཞི་བཙུགས་གོང་འཕེལ་ནི་ལུ་ དམིགས་ཏེ་ཨིན་པས།
རི་ལ་ཡནསི་གཞི་རྟེན་ལས་སྡེ་དང་ རི་ལ་ཡནསི་གློག་མེ་ཚད་ དེ་ལས་ རི་ལ་ཡེནསི་ཚོང་ལས་མཉམ་འབྲེལ་ཐོག་ལས་ རྒྱལ་ཁབ་ཀྱི་ ཡུན་བརྟན་ནུས་ཤུགས་ཐབས་ཤེས་ལུ་ ལྷན་ཐབས་འབད་ནི་ཨིན་པས།
ལས་སྡེ་གསརཔ་གིས་ འབྲུག་རྒྱལ་ཁབ་ ནང་འཁོད་ལུ་ ནུས་ཤུགས་འཛིན་སྐྱོང་ འཇོན་ཐངས་ཅན་སྦེ་ བཟོ་ནི་ཨིན་པའི་གནས་ཚུལ།
ཨོ་རྒྱན་རྡོ་རྗེ།
