༉ ཁ་ཙ་ སྤ་རོ་ལུ་ འགོ་འདྲེན་འཐབ་མི་ ལོ་བསྟར་ཁྲི་མངའ་གསོལ་བང་རྒྱུགས་འགྲན་བསྡུར་ཐེངས་༡༧ པའི་ནང་ བང་རྒྱུགས་མི་༧༠༠ལྷགཔ་ཅིག་གིས་ དབྱེ་ཁག་༤ ནང་ བཅའ་མར་གཏོགས་ཡོདཔ་ཨིན་པས།
སྐུ་སྲུང་དམག་སྡེ་ལས་ དགའ་བ་བཟང་པོ་གིས་ དུས་ཡུན་ཆུ་ཚོད་༢ དང་སྐར་མ་༣༦ ནང་ ཀི་ལོ་མི་ཊར་༤༢ མཇུག་བསྡུ་སྟེ་ ཕོ་སྐྱེས་ཀྱི་ དབྱེ་ཁག་ནང་ལས་ རྒྱལ་ཁ་ཐོབ་ཡོདཔ་ཨིན་པས།
ཀི་ལོ་མི་ཊར་༢༡ འབད་མི་ བང་རྒྱུགས་ནང་ ཨམ་སྲུའི་དབྱེ་ཁག་ནང་ལས་ རྒྱལ་ཡོངས་རྒྱུགས་འགྲན་པ་ གོ་མ་པར་དཱན་གྱིས་ དུས་ཡུན་ཆུ་ཚོད་༡ དང་ སྐར་མ་༣༩ ནང་མཇུག་བསྡུ་སྟེ་ རྒྱལ་ཁ་ཐོབ་ཡོདཔ་བཞིན་དུ་ བསྟན་སྲུང་དྲག་པོའི་དམག་སྡེ་ལས་ དཀར་སྦྱིསཔ་ཚེ་རིང་གིས་ ཕོ་སྐྱེས་ཀྱི་དབྱེ་ཁག་ནང་ དུས་ཡུན་ཆུ་ཚོད་༡ དང་ སྐར་མ་༡༦ ནང་མཇུག་བསྡུ་སྟེ་ རྒྱལ་ཁ་ཐོབ་ཡོདཔ་ཨིན་པས།
རྒྱལ་འཛིན་ཨེ་ཀ་ཌ་མི་ལས་ བསོད་ནམས་རྒྱ་མཚོ་དང་ བདེ་སྐྱིད་ལྷ་མོ་གིས་ ཀི་ལོ་མི་ཊར་༥ གི་ རྒྱུགས་འགྲན་ནང་ལས་ རྒྱལ་ཁ་ཐོབ་ཡོད་པའི་གནས་ཚུལ།
