༉ སོ་ནམ་ཚོང་འབྲེལ་གོང་འཕེལ་ལས་སྡེ་ནང་ བཅའ་མར་གཏོགས་མི་སྒེར་སྡེ་ དེ་ཅིག་ར་མེད་པའི་ཁར་ འོས་འབབ་ཅན་གྱི་ ལས་འགུལ་ཉུང་སུ་ཅིག་ལས་མེད་མི་དང་ གོང་འཕེལ་དེ་ཅིག་ར་ མ་འགྱོ་མི་གནད་དོན་ལུ་བརྟེན་ འབྲུག་གི་སོ་ནམ་ཚོང་འབྲེལ་གོང་འཕེལ་དེ་ དོ་འགྲན་བྱུང་དོ་ཡོདཔ་ད་ འདི་བཟུམ་གྱི་ བར་ཆད་བྱུང་མི་གིས་ སོ་ནམ་ཚོང་འབྲེལ་ནང་ དངུལ་འབྲེལ་ལས་ཁང་ཚུ་ སྦྲེལ་མཐུད་འབད་མ་ཚུགས་མི་ལུ་བརྟེན་ མ་རྩ་གཞི་བཙུགས་འོས་ལྡན་དང་ ཡར་དྲག་བཟོ་ནི་ལུ་ ཐོ་ཕོག་དོ་ཡོདཔ་ཨིན་པས།
དོ་འགྲན་བྱུང་མི་ཚུ་ ད་རེས་ འཕྲལ་ཁམས་ལུ་ འབྲུག་མ་རྩ་གཞི་བཙུགས་ཀྱི་ གྲོས་འཛོམས་སྐབས་སུ་ གྲོས་བསྟུན་འབད་ཡོདཔ་ད་ དེ་ཁར་ བཅའ་མར་གཏོགས་མི་༢༥ ཡོད་མི་ཚུ་ དངུལ་འབྲེལ་ལས་ཁང་དང་ སོ་ནམ་ཚོང་འབྲེལ་ དེ་ལས་ རྒྱལ་སྤྱིའི་ངོ་ཚབ་ཚུ་ནང་ལས་ ཡོདཔ་ཨིན་པས།
གྲོས་འཛོམས་དེ་ ཨེ་ཤི་ཡ་ཨེཕ་ཨེ་ཨོ་ལུང་ཕྱོགས་ཡིག་ཚང་དང་ པེ་སི་ཕིག་ཨེ་ཤི་ཡ་པེ་སི་ཕིག་གྲོང་གསེབ་ དེ་ལས་ སོ་ནམ་སྐྱིན་འགྲུལ་ལས་ཚོགས་ཀྱིས་ མཉམ་འབྲེལ་ཐོག་ལས་ འགོ་འདྲེན་འཐབ་ཡོདཔ་ད་ དེ་ཡང་ གྲོང་གསེབ་དངུལ་འབྲེལ་ཞབས་ཏོག་དང་ ཨེ་ཤི་ཡ་པེ་སི་ཕིག་ལུང་ཕྱོགས་ཚུ་ལུ་ དམིགས་ཡུལ་བསྐྱེད་དོ་ཡོདཔ་ཨིན་པས།
བཅའ་མར་གཏོགས་མི་ཚུ་གིས་ སོ་ནམ་ཚོང་འབྲེལ་འཆར་གཞི་དང་ གདོང་ལེན་གཙོ་བོ་ངོས་འཛིན་འབད་ནི་ དངུལ་འབྲེལ་གྱི་ཉོགས་སེལ་ཚུ་ ལེགས་ལྡན་དོན་ལུ་ གྲོས་བསྡུར་འབད་ཡོདཔ་ཨིན་པས།
སོ་ནམ་དང་ སྒོ་ནོར་ལྷན་ཁག་གི་ འཆར་གཞི་འགོ་དཔོན་ བསོད་ནམས་དཔལ་རྒྱན་གྱིས་ བཤད་མིའི་ནང་ གནད་གལ་ཅན་གྱི་གནད་དོན་དང་ སོ་ནམ་པ་ཚུ་ནང་ དངུལ་འབྲེལ་གྱི་ ཤེས་ཡོན་ཉུང་སུ་ལས་མེད་མི་ གཏའམ་བཙུགས་ནིའི་ སྲིད་བྱུས་སྒྲིང་སྒྲི་བཟོ་ནི་ སྐྱེད་མཐོ་དྲག་ཡོད་མི་ཚུ་གི་སྐོར་ལས་ གསལ་བཤད་འབད་ཡོདཔ་ཨིན་པས།
སྤྱི་ལོ་༢༠༢༢-༢༣ ལུ་ སོ་ནམ་གྱི་སྐྱིན་འགྲུལ་དེ་ བརྒྱ་ཆ་༢༤.༥ ལུ་ མར་བབས་སོང་མི་ལུ་ ཚ་གྱང་ཡོད་ལུགས་ཚུ་ བཤད་པའི་ཁར་ འབྲུག་ལུ་ཞིབ་འཇུག་འབདཝ་ད་ ངོས་འཛིན་བྱུང་མིའི་ གནད་དོན་གཙོ་ཅན་ཚུ་ཡང་ སྒེར་སྡེ་བཅའ་མར་གཏོགས་མི་ ལངམ་མེད་མི་དང་ དངུལ་ཁང་གི་ལས་འགུལ་ གོང་འཕེལ་ཉུང་སུ་ལས་ འགྱོ་མ་ཚུགས་མི་ཚུ་ ཡོདཔ་སྦེ་ཨིན་པས།
ཁོ་གིས་ བཤད་མིའི་ནང་ སོ་ནམ་ཚོང་འབྲེལ་གོང་འཕེལ་ནང་ སྒེར་སྡེ་འབྲེལ་གཏོགས་ཀྱི་མཐུན་རྐྱེན་ ཡར་དྲག་བཟོ་ནིའི་སྲིད་བྱུས་ཚུ་ ཁག་ཆེཝ་ཡོདཔ་སྦེ་ཨིན་པས།
འབྲུག་གི་དཔལ་འབྱོར་ནང་ སོ་ནམ་ལས་སྡེ་གིས་ འགན་ཁུར་ཚུ་ཐེབས་འབག་དོ་ཡོདཔ་ད་ དེ་ཁར་ ལཱ་གཡོག་བརྒྱ་ཆ་༤༣.༥ བྱིན་པའི་ཁར་ ནང་འཁོད་ཐོན་སྐྱེད་འཕེལ་ཚད་ལུ་ བརྒྱ་ཆ་༡༤.༥༧ ལྷན་གྲོགས་འབད་དེ་ ཡོདཔ་སྦེ་ཨིནམ་ད་ སྡེ་ཚན་གྱི་གྲོགས་རམ་ཚུ་ སྤྱི་ལོ་༢༠༠༨ ལུ་ དངུལ་ཀྲམ་ཐེར་འབུམ་༡༢.༡༡༧ ལས་ སྤྱི་ལོ་༢༠༢༢ ལུ་ དངུལ་ཀྲམ་ཐེར་འབུམ་༣༣.༤༢༢ ལུ་ ལྷོད་ཡོདཔ་ཨིན་པས།
གྲོང་གསེབ་དང་ སོ་ནམ་ཚོང་འབྲེལ་ནང་ དངུལ་འབྲེལ་གྱི་གདོང་ལེན་ཚུ་ བྱུང་བཞིན་དུ་ཡོདཔ་ད་ དེ་ཁར་ དངུལ་འབྲེལ་གཞི་རྟེན་མཁོ་ཆས་དང་ ཨང་ཅན་དངུལ་རྩིས་ཚུ་ཡང་ ཚུད་དེ་ཡོདཔ་ཨིན་པས།
རྒྱལ་གཞུང་དངུལ་ལས་དབང་འཛིན་གྱི་ ལས་འགུལ་འགོ་དཔོན་ ཚེ་རིང་ཌི་རྡོ་རྗེ་གིས་ དཔལ་འབྱོར་ཆེ་རིམ་གྱི་གནས་སྟངས་ནང་ རྒྱབ་སྐྱོར་འབད་དགོཔ་ཡོད་པའི་གནས་ཚུལ།
ཚེ་རིང་དབང་འདུས།