༉ དངུལ་རྩིས་བློན་པོ་ ལས་སྐྱིད་རྡོ་རྗེ་གིས་ ད་ལས་ཕར་ དཔལ་འབྱོར་ལྷན་ཐབས་ལས་རིམ་འོག་ལུ་ཡོད་པའི་ སྐྱེད་ཡངས་ཆག་སྐྱིན་འགྲུལ་གྱི་ དངུལ་ཀྲམ་ས་ཡ་༣.༣ དེ་ འབྲུག་གོང་འཕེལ་དངུལ་ཁང་གིས་ འཛིན་སྐྱོང་འཐབ་འོང་ཟེར་ཨིན་པས།
ལག་ལེན་ལྕོགས་གྲུབ་ཀྱི་ དཀའ་ངལ་ཚུ་བསལ་ཏེ་ སྐྱིན་འགྲུལ་གྱི་ དུས་ཚོད་ཡར་དྲག་གཏང་ནི་ལུ་ དམིགས་གཏད་ཨིན་མི་དེ་ཡང་ འཕྲལ་ཁམས་ཅིག་ཁར་ ལྷན་རྒྱས་གཞུང་ཚོགས་དང་ འབྲུག་གོང་འཕེལ་དངུལ་ཁང་གི་ འཛིན་སྐྱོང་སྡེ་ཚན་གྱི་བར་ན་ ཞལ་འཛོམས་འཚོགས་པའི་ཤུལ་ལས་ གྲོས་ཐག་བཅད་ཡོདཔ་ཨིན་པས།
བློན་པོ་གིས་ དེ་བཟུམ་མའི་ གྲོས་ཐག་བཅད་མི་དེ་གིས་ ཐབས་རིག་དང་འབྲེལ་བའི་ དཀའ་ངལ་བསལ་ཚུགས་ནི་དང་ དུས་ཚོད་མར་ཕབ་འབད་ནི་ཚུ་བརྩིས་ཏེ་ ད་ལྟོ་ཡོད་པའི་ གནད་དོན་མང་ཤོས་ར་ བསལ་ཚུགས་ཟེར་ཨིན་པས།
ད་རེས་ འབྲུག་གོང་འཕེལ་དངུལ་ཁང་གིས་ ཆོག་ཐམ་གྱི་སྐྱིན་འགྲུལ་བྱིན་མི་ དཔལ་འབྱོར་ལྷན་ཐབས་ལས་རིམ་གྱི་ ཐབས་ལམ་དང་པ་རྐྱངམ་གཅིག་ འཛིན་སྐྱོང་འཐབ་ནི་ཨིནམ་ད་ བཅའ་མར་གཏོགས་མི་ དངུལ་འབྲེལ་གཙུག་སྡེ་གཞན་ཚུ་གིས་ དངུལ་ཀྲམ་ས་ཡ་༢ པོ་དེ་ འཛིན་སྐྱོང་འཐབ་ནི་ཨིན་པས།
སྤྱི་ལོ་༢༠༢༣ ཟླ་༥ པའི་ནང་ འགོ་བཙུགས་མི་ དངུལ་ཀྲམ་ས་ཡ་༡༥ གི་ དཔལ་འབྱོར་ལྷན་ཐབས་རིམ་དེ་ འབྲུག་ལུ་ ནད་ཡམས་ཀོ་བིཌ་-༡༩ གིས་ གནོད་སྐྱོན་རྐྱབ་མི་ ཚོང་འབྲེལ་ཚུ་ལུ་ རྒྱབ་སྐྱོར་འབད་ནི་ལུ་ གཞི་བཙུགས་འབད་ཡོདཔ་ད་ ལས་རིམ་དེ་ དུས་ཅི་ སྤྱི་ཟླ་༩ པ་ལས་ གཞུང་འབྲེལ་ཐོག་ལས་ ལག་ལེན་འཐབ་ནི་ འགོ་བཙུགས་ཡོདཔ་ཨིན་པས།
དེ་བཟུམ་སྦེ་ རྒྱལ་ཁབ་ནང་ ནད་ཡམས་ཀོ་རོ་ན་བའེ་རཱསི་གི་ དཀའ་ངལ་བྱུང་མི་ ལས་སྡེ་ཚུ་ལུ་ སྐྱིན་འགྲུལ་གྱི་ སྐྱེད་བརྒྱ་ཆ་༤ གི་ཐོག་ལས་ སྐྱིན་འགྲུལ་བྱིན་དོ་ཡོདཔ་ཨིན་མས།
དཔལ་འབྱོར་ལྷན་ཐབས་ལས་རིམ་གྱི་ ཐབས་ལམ་དང་པའི་འོག་ལུ་ གཞུང་གིས་ ནང་བཟོ་དང་བཟོ་གྲྭ་ཆུང་བ་ཚུ་གི་དོན་ལུ་ དངུལ་ཀྲམ་ས་ཡ་༥༠༠ དང་ ད་ལྟོ་ཡོད་པའི་ འགོ་བཙུགས་ལས་སྡེ་ཚུ་ ཡར་དྲག་གཏང་ནིའི་དོན་ལུ་ དངུལ་ཀྲམ་ས་ཡ་༣༠༠ དེ་ལས་ བཟོ་བསྐྲུན་དང་ གློག་བརྙན་ཚུ་གི་དོན་ལུ་ དངུལ་ཀྲམ་ས་ཡ་༢༠༠ དེ་ལས་ བཟོ་བསྐྲུན་དང་བཟོ་གྲྭ་ཚུ་གི་དོན་ལུ་ དངུལ་ཀྲམ་ས་ཡ་༡.༨ བགོ་བཀྲམ་འབད་ནུག།
རྒྱལ་ཡོངས་ཚོགས་འདུའི་སྐབས་ བར་མཚམས་-ཤོང་ཕུག་གི་འཐུས་མི་ རིན་ཆེན་དབང་འདུས་ཀྱིས་ དཔལ་འབྱོར་ལྷན་ཐབས་ལས་རིམ་དེ་ ཕན་ནུས་ཡར་དྲག་གཏང་ནི་ལུ་ དམིགས་གཏད་བསྐྱེད་དེ་ གྲོས་འདེབས་ལེ་ཤ་ཅིག་ བཀོད་ཡོདཔ་ཨིན་པས།
ཕབ་ཆག་ཅན་གྱི་ སྐྱིན་འགྲུལ་དང་ ལས་སྡེ་ཕྱིར་བཏོན་ དེ་ལས་ ལག་ལེན་དང་འབྲེལ་བའི་ དཀའ་ངལ་བསལ་ནིའི་གྲོས་འཆར་ཚུ་ ཡོདཔ་ཨིན་པས།
གྲོས་འཆར་གཙོ་བོ་ཅིག་ དཔལ་འབྱོར་ལྷན་ཐབས་འཆར་དངུལ་ལྷག་ལུས་ དངུལ་ཀྲམ་ས་ཡ་༡༠ དེ་ མགྱོགས་དྲགས་སྦེ་ བགོ་བཀྲམ་འབད་དགོཔ་ད་ ད་ལྟོ་ཚུན་ཚོད་ ལས་རིམ་འོག་ལུ་ མ་དངུལ་ཡོངས་བསྡོམས་ལས་ དངུལ་ཀྲམ་ས་ཡ་༥ ༼བརྒྱ་ཆ་༣༣.༣༣༽ རྐྱངམ་གཅིག་ འཛིན་གྲོལ་འབད་ནུག་ཟེར་ཨིན་པས།
འཐུས་མི་རིན་ཆེན་དབང་འདུས་ཀྱིས་ གཞུང་ལུ་ དངུལ་བཏོན་ནིའི་བྱ་རིམ་དེ་ གང་མགྱོགས་སྦེ་ འབད་དགོཔ་སྦེ་ ཞུ་བ་འབད་མི་དེ་ཡང་ དཔལ་འབྱོར་གྱི་ དགོས་མཁོ་ཚུ་ འཕྲལ་མགྱོགས་ར་ གྲུབ་ཐབས་ལུ་ཨིན་ཟེར་ཨིན་པས།
འཆར་དངུལ་གོང་འཕེལ་འཆར་གཞི་དེ་ གཞན་བཟུམ་མེན་པར་ ནད་ཡམས་ལུ་བརྟེན་ དཔལ་འབྱོར་ལུ་ ཐོ་ཕོགས་མི་ཚུ་ ལོག་ཡར་དྲག་གཏང་ནི་ དཔལ་འབྱོར་ལྷན་ཐབས་འཆར་དངུལ་དེ་ གང་མགྱོགས་སྦེ་ ལག་ལེན་འཐབ་དགོ་ཟེར་ཨིན་པས།
ཚོགས་ཆུང་གིས་ མ་དངུལ་ལ་ལུ་ཅིག་ རྒྱལ་ཁབ་ཡར་དྲག་གཏང་ནི་ལུ་ རྒྱབ་སྐྱོར་ལེགས་ཤོམ་འབད་ཚུགས་པའི་ ཁེ་སང་ཆེ་བའི་ ལས་འགུལ་ཚུ་ལུ་མེན་པར་ ལྕོགས་གྲུབ་ཡར་དྲག་གཏང་ནི་བཟུམ་གྱི་ བསྐྱར་ལོག་ཟད་འགྲོ་ཚུ་ལུ་ བགོ་བཀྲམ་འབད་ཡོདཔ་སྦེ་ མངོན་གསལ་བྱུང་ཡོདཔ་ཨིན་པས།
ཁྲི་འཛིན་གྱིས་ དངུལ་ཀྲམ་ས་ཡ་༡ འོག་རྒྱུ་ལུ་ གཏའ་མ་དགོ་མི་དང་ ཟླ་༣ གི་ དུས་ཡུན་བཞག་དགོ་པའི་ གནད་དོན་ལུ་བརྟེན་ དཀའ་ངལ་སྦོམ་སྦེ་ར་ བྱུང་ནུག་ཟེར་ཨིན་པས།
འཐུས་མི་རིན་ཆེན་དབང་འདུས་ཀྱིས་ སླབ་མིའི་ནང་ དངུལ་འབྲེལ་གཙུག་སྡེ་ཚུ་གིས་ ཉེན་ཁ་སྦོམ་ཡོདཔ་ལས་ ཕབ་ཆག་ཡོད་པའི་ སྐྱིན་འགྲུལ་བྱིན་ནི་ལུ་ དོགས་པ་ཆགས་དོ་ཡོདཔ་ད་ ཚད་ཆུང་བུ་ལོན་དང་ གཞན་མི་ཉེན་ཁ་བགོ་བཤའ་རྐྱབ་ནི་གི་ཐབས་ལམ་ཚུ་ འགོ་བཙུགས་དགོཔ་ འདུག་ཟེར་ཨིན་པས།
ཚོགས་ཆུང་གིས་ དཔལ་འབྱོར་ལྷན་ཐབས་ལས་རིམ་གྱི་ གཞི་བཀོད་རྒྱབ་སྐྱོར་ཐོག་ལས་ ཟ་ཁང་དང་ ཕྱིར་ཚོང་ དེ་ལས་ ས་གཏེར་ལས་སྡེ་ཚུ་ལུ་ གཙོ་རིམ་བཟུང་དགོཔ་དེ་ཡང་ བཟོ་གྲྭ་ཁང་དེ་ཚུ་ རྒྱལ་ཁབ་ཀྱི་ དཔལ་འབྱོར་ལོག་ཡར་དྲག་གཏང་ནི་ལུ་ གཙོ་ཅན་ཅིག་ཨིན་མི་ལུ་བརྟེན་ཨིན་པས།
དེ་མ་ཚད་ དངུལ་ཁང་ཚུ་གིས་ ལག་ལེན་འཐབ་མི་ ལམ་སྟོན་ཚུ་ནང་ མ་མཐུནམ་སྦེ་ ངོས་འཛིན་འབད་ཡོདཔ་ད་ ཚོགས་ཆུང་གིས་ སྐྱིན་འགྲུལ་ཞུ་ཡིག་བཙུགས་ནིའི་ བྱ་རིམ་ཚུ་ འཐོབ་ཚུགསཔ་དང་ འཇོན་ཐངས་ཅན་བཟོ་ཐབས་ལུ་ བྱ་བའི་གནད་སྤྱོད་ཀྱི་ ལམ་སྟོན་གཅིག་མཚུངས་དང་ སྐྱིན་འགྲུལ་ལེན་ནིའི་ དུས་ཚོད་གཏན་འཁེལ་བཟོ་དགོ་པའི་ གྲོས་འདེབས་ཕུལ་ ཡོདཔ་ཨིན་པས།
དེ་ལས་ སྐྱིན་འགྲུལ་གྱི་དོན་ལུ་ ཡིག་ཆ་ཚད་ལས་བརྒལ་དགོཔ་དང་ དུས་ཡུན་རིངམ་སྦེ་ འགོར་མི་ལུ་བརྟེན་ ལས་རིམ་གྱི་ ཕན་ནུས་ལུ་ཐོ་ཕོག་མི་ མར་ཕབ་འབད་ཐབས་ལུ་ ཞུ་ཡིག་བཙུགས་ནིའི་ བྱ་རིམ་ཚུ་ འཇམ་ཏོང་ཏོ་བཟོ་དགོཔ་སྦེ་ ཚོགས་ཆུང་གིས་ གྲོས་འདེབས་བཀོད་ནུག།
དངུལ་རྩིས་བློན་པོ་ ལས་སྐྱིད་རྡོ་རྗེ་གིས་ སླབ་མིའི་ནང་ དངུལ་རྩིས་ལྷན་ཁག་གིས་ བཟོ་གྲྭ་ཚོང་འབྲེལ་དང་ལས་གཡོག་ལྷན་ཁག་དང་ སོ་ནམ་དང་སྒོ་ནོར་ལྷན་ཁག་གི་བློན་པོ་ དེ་ལས་ རྒྱལ་གཞུང་དངུལ་ལས་དབང་འཛིན་གྱི་ སྤྱི་འཛིན་འོགམ་དང་ ལྷན་རྒྱས་གཞུང་ཚོགས་ཀྱི་ མདོ་ཆེན་ཡོད་མི་ དཔལ་འབྱོར་ལྷན་ཐབས་ལས་རིམ་གྱི་ ཚོགས་ཆུང་དང་ ལཱ་འབད་དོ་ཟེར་ཨིན་པས།
ཐབས་རིག་ཚོགས་ཆུང་ནང་ དཔལ་འབྱོར་མཁས་མཆོག་དང་ དངུལ་ཁང་ནང་ལཱ་འབད་མི་ དེ་ལས་ རྒྱལ་གཞུང་དངུལ་ལས་དབང་འཛིན་དང་ འབྲུག་མི་སེར་རྒྱུ་ནོར་གཞི་བཟུང་གི་འགོ་དཔོན་ དཔལ་འབྱོར་ལྷན་ཐབས་ལས་རིམ་ལག་ལེན་འཐབ་མི་ཚུ་ཡོདཔ་ཨིན་པས།
བློན་པོ་གིས་ སླབ་མིའི་ནང་ དཔལ་འབྱོར་ལྷན་ཐབས་ལས་རིམ་འོག་གི་ སྐྱིན་འགྲུལ་འཛིན་གྲོལ་ཚུ་ གཞུང་གིས་ཕྱོགས་རིས་འབད་ནི་ལས་ བཀག་ཐབས་ལུ་ ཚོང་འབྲེལ་དང་ ཚོང་འབྲེལ་མིན་པའི་ དངུལ་འབྲེལ་གཙུག་སྡེ་ཐོག་ལས་ མཉམ་འབྲེལ་འབད་དོ་ ཡོདཔ་ཨིན་པས།
དཔལ་འབྱོར་ལྷན་ཐབས་ལས་རིམ་དེ་ ལོ་༢ དང་ཕྱེད་ཀྱི་དོན་ལུ་ཨིནམ་ད་ གཞུང་གིས་ རྒྱ་གར་གཞུང་ལས་ དངུལ་ཀྲམ་ཐེར་འབུམ་༥ ཐོབ་སྟེ་ཡོདཔ་བཞིན་དུ་ རྒྱ་གར་གཞུང་ལུ་ ཁ་སྐོང་དངུལ་ཀྲམ་ཐེར་འབུམ་༥ ཞུ་བ་འབད་ནིའི་ འཆར་གཞི་ཡོདཔ་ཨིན་པའི་གནས་ཚུལ།
ཨོ་རྒྱན་རྡོ་རྗེ།