དཔལ་འབྱོར་ལྷན་ཐབས་འཆར་གཞི་གིས་ དཔལ་འབྱོར་བསྐྱར་གསོ།
༉ གཞུང་གིས་ དཔལ་འབྱོར་ལྷན་ཐབས་འཆར་གཞི་ གསལ་སྟོན་འབད་བའི་སྐབས་ མི་མང་ཤོས་ཅིག་གིས་ར་ དགའ་ཚོར་སྦོམ་བསྐྱེད་ཡོདཔ་ད་ དཔལ་འབྱོར་དང་འབྲེལ་བའི་དཀའ་ངལ་ཚུ་ སེལ་ཐབས་འབད་ནིའི་དོན་ལུ་ དཔལ་འབྱོར་ལྷན་ཐབས་འཆར་གཞི་ ཁག་ཆེ་མི་དེ་ཡང་ ནད་ཡམས་ཀོ་བིཌ་-༡༩ གིས་ གནོད་སྐྱོན་རྐྱབ་མི་ དཔལ་འབྱོར་དེ་ ལོག་ཡར་དྲག་གཏང་ནིའི་ ཐབས་ལམ་ཅིག་འབད་ནི་དེ་གིས་ཨིན་མས།
དཔལ་འབྱོར་ནང་ དངུལ་ཀྲམ་ཐེར་འབུམ་༡༥ བཙུགས་ཐོག་ལས་ དཀའ་ངལ་བྱུང་མི་ཚོང་ལས་ཚུ་ ལོག་ཡར་དྲག་གཏང་ནི་དང་ ཁས་བླངས་ཅན་གྱི་ ཚོང་ལས་གསརཔ་ཚུ་ལུ་ རྒྱབ་སྐྱོར་འབད་ནི་ཨིན་མས།
དངུལ་འབྲེལ་ལས་སྡེ་ཚུ་གིས་ དཔལ་འབྱོར་ལྷན་ཐབས་འཆར་གཞི་ལས་ དངུལ་ཀྲམ་ཐེར་འབུམ་༥.༣ བྱིན་དོ་ཡོདཔ་ད་ དེ་ཡང་ དངུལ་འབྲེལ་ལས་སྡེ་༢ ཀྱི་ཐོག་ལས་ཨིནམ་ད་ སྒོ་སྒྲིག་དང་པའི་ནང་ སྐྱིན་འགྲུལ་དངུལ་ཀྲམ་ཐེར་འབུམ་༣.༣ དང་ སྒོ་སྒྲིག་གཉིས་པའི་ནང་ དངུལ་ཀྲམ་ཐེར་འབུམ་༢ བསྐྱར་གསོའི་མ་དངུལ་སྦེ་ བཙུགས་ཡོདཔ་ཨིན་མས།
མ་གཞི་ དངུལ་འབྲེལ་ལས་སྡེ་ཚུ་གིས་ སྤྱི་ཟླ་༩ པའི་ཚེས་༢ ལས་ར་ ཞུ་ཡིག་ཚུ་ ངོས་ལེན་འབད་ནི་ འགོ་བཙུགས་ཡོདཔ་ཨིན་རུང་ བྱ་རིམ་དེ་ དུམ་གྲ་ཅིག་ འཇམ་ཏོང་ཏོ་ཅིག་མེདཔ་ལས་ ངོས་ལེན་དང་ ཡིག་ཆ་དགོ་པའི་ ཁྱད་ཚད་ལེ་ཤ་ཅིག་ར་ ཡོདཔ་ད་ ལས་སྡེ་ཚུ་གིས་ དཔལ་འབྱོར་ལྷན་ཐབས་འཆར་གཞིའི་ཐོག་ལས་ མ་དངུལ་གྱི་རྒྱབ་སྐྱོར་འབད་ནི་གི་ རེ་འདོད་བསྐྱེད་དོ་ཡོདཔ་ད་ ད་ལྟོ་ ཁོང་གིས་ བརྟག་ཞིབ་ཀྱི་བྱ་རིམ་དེ་ ཡོངས་རྫོགས་འབད་དགོཔ་ལས་ མ་དངུལ་ཚུ་ འཛིན་གྲོལ་འབད་ནི་ལུ་ དུས་ཚོད་འགོར་ནི་བཟུམ་འདུག
ད་ལྟོའི་ ལག་ལེན་བྱ་རིམ་འདི་ དངུལ་འབྲེལ་གཙུག་སྡེ་ཚུ་གི་ ཉེན་ཁ་ལུ་མ་བལྟ་བའི་ ལྟ་བ་བཟུམ་ཅིག་ཨིནམ་ད་ ང་བཅས་རའི་ རང་ལུགས་ཀྱི་ དངུལ་ཁང་ལམ་ལུགས་དེ་ ཉེན་ཁ་མེད་པའི་གནས་སྟངས་ནང་ ལཱ་འབད་དོ་ཡོདཔ་ད་ ཁས་ལེན་དང་ གན་ཡིག་མེད་པའི་ཚོང་འབྲེལ་གྱི་ ལས་སྣ་ཚུ་ནང་ མ་དངུལ་བཙུགས་ནི་ལུ་ དོགས་པ་ཆགས་དོ་ཡོདཔ་ཨིན་མས།
ད་ལྟོ་འབད་བ་ཅིན་ དཔལ་འབྱོར་ལྷན་ཐབས་འཆར་གཞི་གིས་ ཁོང་ལུ་ ཚ་གྱང་ལང་བཅུག་དོ་ཡོདཔ་ད་ དམིགས་བསལ་དུ་ དངུལ་འབྲེལ་གཙུག་སྡེ་ཚུ་གིས་ དཔལ་འབྱོར་ལྷན་ཐབས་འཆར་གཞི་གི་ མ་རྩ་དེ་ གཞུང་ལུ་ ལོག་སྤྲོད་དགོཔ་སྦེ་ སླབ་ཡོདཔ་ཨིན་མས།
དངུལ་འབྲེལ་ལས་སྡེ་ཚུ་གི་དོན་ལུ་ དཔལ་འབྱོར་ལྷན་ཐབས་འཆར་གཞི་གི་ སྐྱིན་འགྲུལ་དང་འབྲེལ་བའི་ ཟད་འགྲོ་དེ་ གལ་གནད་ཅན་ཅིག་ཨིནམ་ད་ ཁོང་གིས་ སྐྱིན་འགྲུལ་གྱི་ ཞུ་ཡིག་ཚུ་ བསྐྱར་ཞིབ་འབད་ནི་དང་ དབྱེ་ཞིབ་འབད་ནི་ དེ་ལས་ བརྟག་ཞིབ་འབད་ནིའི་ནང་ ལཱ་མངམ་འགྱོ་དོ་ཡོདཔ་ལས་ སྐྱིན་འགྲུལ་གྱི་ཐོབ་སྐལ་ ཉུང་སུ་སྦེ་ འཐོབ་ནི་ཨིན་མས།
བདག་སྐྱོང་གི་ འགན་ཁུར་ཐེབས་འབག་ནི་དེ་ དང་ཕུ་གི་ སྐྱིན་འགྲུལ་ཤོག་ཁྲམ་ཚུ་དང་ཕྱདཔ་ད་ འོང་འབབ་ཉུང་སུ་ཅིག་ཨིནམ་ལས་ མ་དངུལ་ཚུ་ བགོ་བཀྲམ་འབད་ནི་ལུ་ དུས་ཚོད་འགོར་ནི་དེ་ ཁག་ཆེ་དྲགས་ཅིག་ཨིནམ་ད དུས་ཚོད་ཕར་འགྱངས་འབད་མི་དེ་གིས་ སྐྱིད་སྡུག་གི་ལཱ་ཚུ་ མགྱོགས་དྲགས་སྦེ་ར་ འབད་ཚུགས་ནི་ཨིནམ་ལས་ དཔལ་འབྱོར་ལྷན་ཐབས་འཆར་གཞི་གི་ དམིགས་གཏད་ཚུ་ལུ་ གནོད་སྐྱོན་རྐྱབ་ནི་ཨིན་མས།
འདས་པའི་གཞུང་གིས་ ནད་ཡམས་ཀོ་བིཌ་གི་སྐབས་ལུ་ དཔལ་འབྱོར་ཡར་དྲག་གཏང་ཐབས་ལུ་ རྒྱལ་ཡོངས་སྐྱིན་འགྲུལ་འགན་ལེན་ལས་རིམ་ནང་ བཅའ་མར་གཏོགས་མི་ དངུལ་ཁང་ལ་ལོ་ཅིག་གིས་ཡང་ ཉེན་ཁ་ཡོད་པའི་སྐོར་ དྲན་བསྐུལ་འབད་ཡོདཔ་ད་ ལས་འགུལ་མང་ཤོས་ཅིག་ར་ འཐུས་ཤོར་བྱུང་སྟེ་ཡོདཔ་ལས་ སྐྱིན་འགྲུལ་ལོག་བཏབ་མ་ཚུགས་པའི་ཁར་ སྐྱིན་འགྲུལ་ལོག་བཏབ་མ་ཚུགས་པའི་ དཀའ་ངལ་བྱུང་ནུག།
མ་གཞི་ ཐབས་ཤེས་ཟབ་དྲགས་དེ་གིས་ དངུལ་འབྲེལ་གཙུག་སྡེ་ཚུ་གི་ཁེ་ཕན་ཚུ་ ཉེན་སྐྱོབ་འབད་ཚུགས་རུང་ དཔལ་འབྱོར་ལྷན་ཐབས་འཆར་གཞི་གི་ དམིགས་གཏད་དང་བསྟུན་པའི་ དཔལ་འབྱོར་གོང་འཕེལ་དེ་ འཕྲལ་མགྱོགས་གི་གནས་སྟངས་ནང་ ཡར་དྲག་གཏང་ནི་ལུ་ ཐོ་ཕོག་ཉེན་འདུག
སྐྱིན་འགྲུལ་གྱི་དོན་ལུ་ ཞུ་ཡིག་བཙུགས་ནིའི་བྱ་རིམ་ འཇམ་ཏོང་ཏོ་བཟོ་ནི་དང་ ལམ་སྟོན་གསལ་ཏོག་ཏོ་སྦེ་བཟོ་ནི་ དེ་ལས་ སྐྱིན་འགྲུལ་གྱི་དུས་ཚོད་ཚུ་ དྭངས་གསལ་བཟོ་ནི་དེ་ དཔལ་འབྱོར་ལྷན་ཐབས་འཆར་གཞི་གི་མ་དངུལ་ཚུ་ དུས་ཚོད་ཁར་ བཀྲམ་སྤེལ་འབད་ནི་ལུ་ ཐབས་ལམ་ལེགས་ཤོམ་ཅིག་ཨིནམ་ད་ ད་རུང་ དངུལ་འབྲེལ་ལས་སྡེ་ཚུ་གིས་ཡང་ ཉེན་ཁ་འབག་དགོ་པའི་ དུས་ཚོད་རན་ནུག།
དཔལ་འབྱོར་ཡར་དྲག་གཏང་ནི་ལུ་ དཔལ་འབྱོར་ལྷན་ཐབས་འཆར་གཞི་གི་ ནུས་ཤུགས་ལུ་ དོགས་པ་མེདཔ་ཨིན་རུང་ ང་བཅས་ཀྱིས་ཡང་ ཧ་གོ་དགོ་པའི་གནད་དོན་དེ་ བྱ་རིམ་ཁག་ཆེ་དྲགས་ཅིག་གིས་ གྲུབ་འབྲས་ལུ་ གནོད་སྐྱོན་རྐྱབ་སྲིད་ནི་ཨིན་མས།
མཐའན་མཇུག་ལུ་ དཔལ་འབྱོར་ལྷན་ཐབས་འཆར་གཞི་དེ་ གཞུང་གི་འཆར་གཞི་ཨིནམ་ལས་ དེ་གིས་ དཔལ་འབྱོར་ལྷན་ཐབས་འཆར་གཞི་གི་ མ་དངུལ་བགོ་བཀྲམ་འབད་ནི་ལུ་ ལྟ་རྟོག་འབད་ནིའི་ནང་ འགན་ཁུར་སྦོམ་འབག་དགོཔ་ལས་ དཔལ་འབྱོར་ལྷན་ཐབས་འཆར་གཞི་གིས་ དཔལ་འབྱོར་བསྐྱར་གསོ་འབད་ནི་གི་ དམིགས་དོན་འགྲུབ་ཚུགས།