༉ སྤྱི་ཟླ་༡ པའི་ཚེས་༩ ལུ་ སྤ་རོ་རྒྱལ་སྤྱི་གནམ་གྲུ་ཐང་ལས་ སྨྱོ་རྫས་ཧི་རོ་ཡན་ནག་ཚོང་ནང་ དོགས་པ་ཡོད་མི་ རྒྱ་གར་གྱི་མི་ཁུངས་ཅིག་ འཛིན་བཟུང་འབད་དེ་ སྤ་རོ་ཁྲིམས་སྲུང་འགག་སྡེའི་ དོ་དམ་འོག་ལུ་ བཙུགས་ཡོདཔ་ཨིན་པས།
སྤ་རོ་གནམ་གྲུ་ཐང་གི་ ཅ་དམ་འགོ་དཔོན་ཚུ་གིས་ དོགས་པ་ཅན་གྱི་ ཕད་ཅུང་ནང་ལས་ སྨྱོ་རྫས་ཀེ་ཇི་༩ འཕྱོག་བཟུང་འབད་ཡོདཔ་ད་ སྐྱེས་ལོ་༢༥ དང་༣༠ བར་ན་འབད་མི་ ཕོ་སྐྱེས་དེ་ལས་ སྨྱོ་རྫས་དེ་ཡང་ དུས་རྒྱུན་གྱི་ ཉེན་སྲུང་ཞིབ་དཔྱད་འབད་བའི་སྐབས་ བདའ་ཟུན་ཡོདཔ་ཨིན་པས།
དེ་བསྒང་ དོགས་པ་ཅན་དེ་ བེང་ཀོག་ལས་ སྤ་རོ་ལུ་ འཕུར་འགྲུལ་འཐབ་མི་ཨིནམ་བཞིན་དུ་ ཕོ་སྐྱེས་དེ་གིས་ སྨྱོ་རྫས་དེ་ཡང་ ཕད་ཅུང་ནང་ སྦ་བཞག་ཡོདཔ་ཨིན་པས།
གནམ་གྲུ་ཐང་གི་ འགོ་དཔོན་ཚུ་གིས་ འཛིན་བཟུང་འབད་བའི་ཤུལ་ལས་ ཞིབ་དཔྱད་ཀྱི་དོན་ལུ་ སྤ་རོ་ཁྲིམས་སྲུང་འགག་པ་ལུ་ རྩིས་སྤྲོད་འབད་ཡོདཔ་ཨིན་པས།
འཕྱོག་བཟུང་འབད་མི་ སྨྱོ་རྫས་དེ་ ཧི་རོ་ཡན་ཨིན་ན་མེན་ན་ བརྟག་དཔྱད་འབད་ནིའི་དོན་ལུ་ འབྲུག་སྨྱོ་རྫས་ཚད་འཛིན་དབང་འཛིན་ལུ་ བྱིན་ཡོདཔ་ད་ བརྟག་དཔྱད་གྲུབ་འབྲས་ མ་ཐོན་པར་ཡོདཔ་ཨིན་པས།
དོགས་པ་ཅན་གྱི་ སྨྱོ་རྫས་དེ་ འབྲུག་མི་ཚུ་ལུ་བྱིན་ནིའི་ འཆར་གཞི་ཡོད་མེད་ཚུ་ དབང་འཛིན་གྱིས་ ལྟ་བའི་བསྒང་ཡོདཔ་ཨིན་པས།
སྤ་རོ་གནམ་གྲུ་ནང་ལས་ དེ་བཟུམ་མའི་ གནད་དོན་ཐོན་མི་དེ་ དུས་ཅི་གི་ལོ་ནང་ འགོ་དང་པ་ཨིན་པས།
གནས་ཚུལ་བཤད་མི་ཚུ་གིས་ ཀུན་གསལ་ལུ་ སླབ་མིའི་ནང་ རྒྱལ་ཁབ་ནང་ སྨྱོ་རྫས་ཧི་རོ་ཡན་དང་འབྲེལ་བའི་གནད་དོན་ཚུ་ བཀག་ཐབས་འབད་ནི་གི་ ཚ་གྱང་ལང་སྟེ་ཡོད་པའི་ ནམ་དུས་ལུ་ འགོ་དང་པ་ཨིན་ཟེར་ཨིན་པས
ཧེ་མ་ལས་ འབྲུག་ལུ་ སྨྱོ་རྫས་ཀེ་ཧང་དང་ སྨན་རིགས་བཟུམ་གྱི་ ཚད་འཛིན་ཅན་གྱི་རྫས་རིགས་ཚུ་ བཀག་ཐབས་འབད་ནི་ལུ་ གདོང་ལེན་བྱུང་རུང་ ཉེན་ཁ་ཅན་དང་ ལང་ཤོར་ཐལ་བའི་སྨྱོ་རྫས་ ཧི་རོ་ཡན་ཐོན་མི་དེ་ ལྷག་པར་དུ་ དཀའ་ངལ་བྱུང་དོ་ཡོདཔ་ཨིན་པས།
ན་ཧིང་ སྤྱི་ཟླ་༡༢ པའི་ཚེས་༢༢ ལུ་ཡང་ སྤ་རོ་གནམ་གྲུ་ཐང་གི་ འགོ་དཔོན་ཚུ་གིས་ ཀེ་ཇི་༤.༦ འབག་མི་ རྒྱ་གར་གྱི་མི་ངོམ་༡ འཛིན་བཟུང་འབད་ཡོདཔ་ཨིན་པས།
སྤྱི་ལོ་༢༠༢༣ ཟླ་༡༢ པའི་ནང་ དོགས་པ་ཅན་དེ་ཡང་ བེང་ཀོག་ལས་ སྤ་རོ་ལུ་ གནམ་གྲུ་ནང་འོངམ་ད་ དུས་རྒྱུན་གྱི་ ཉེན་སྲུང་ཞིབ་དཔྱད་འབད་བའི་སྐབས་ བཀག་དམ་ཅན་གྱི་ སྨྱོ་རྫས་འབག་ཡོདཔ་སྦེ་ མཐོང་ཡོདཔ་ཨིན་པས།
ཞིབ་དཔྱད་འབདཝ་ད་ མི་ངོམ་དེ་གིས་ བེང་ཀོག་ལས་ འབྲུག་ལུ་ སྨྱོ་རྫས་སྐྱེལ་འདྲེན་འབད་བའི་སྐབས་ མཉམ་འབྲེལ་པ་ཅིག་ལུ་ རྩིས་སྤྲོད་དགོཔ་སྦེ་ མངོན་གསལ་བྱུང་ཡོདཔ་ཨིན་པས།
ཀུན་གསལ་གྱིས་ ཤེས་རྟོགས་བྱུང་མིའི་ནང་ བེང་ཀོག་ལུ་ ངོས་འཛིན་མ་འབད་བའི་ མི་ངོམ་ཅིག་གིས་ ཕོ་སྐྱེས་དེ་ ཁོ་ར་ལྷོདཔ་ཅིག་ འབྲུག་ལུ་ མི་ཅིག་ལུ་ སྨྱོ་རྫས་བསྐྱལ་དགོཔ་སྦེ་ སླབ་ཡོད་རུང་ ཁོ་གིས་ སྨྱོ་རྫས་ཚུ་ རྩིས་མ་སྤྲོད་པའི་ཧེ་མར་ ཅ་དམ་འགོ་དཔོན་ཚུ་གིས་ བཀག་ཆ་འབད་ཡོདཔ་ཨིན་པས།
སྤྱི་ལོ་༢༠༢༤ ལུ་ སྨྱོ་རྫས་དང་འབྲེལ་བའི་ བྱ་ངན་༡,༥༡༢ ཐོ་བཀོད་འབད་མི་དེ་ སྤྱི་ལོ་༢༠༢༣ ལུ་ གནད་དོན་༡,༥༧༡ སྙན་ཞུ་འབད་མི་དང་ཕྱདཔ་ད་ དུམ་གྲ་ཅིག་ མར་བབས་སོང་ ཡོད་པའི་གནས་ཚུལ།

ཨོ་རྒྱན་རྡོ་རྗེ།

Advertisement