ལྟ་བཤལ་ཐབས་བྱུས་ གཅིག་སྒྲིལ་དང་ མི་སྡེ་ རྒྱལ་ཡོངས་འཆར་སྣང་ལུ་ གཙོ་བོར་བཏོན་དོ་ཡོདཔ།

༉ ནད་ཡམས་ཀོ་བིཌ་-༡༩ ཐོན་པའི་ཤུལ་ལས་ འབྲུག་གིས་ ལོག་སྟེ་ར་ ལྟ་བཤལ་ཡར་དྲག་གཏང་མི་དང་བསྟུན་ ལྟ་བཤལ་ལས་ཁུངས་ཀྱིས་ མི་སྡེ་དང་ གཅིག་མཐུན་ དེ་ལས་ རྒྱལ་ཡོངས་ཀྱི་འཆར་སྣང་ཚུ་ ལྟ་བཤལ་བསྐྱར་གསོ་འབད་ནིའི་དོན་ལུ་ ལྟེ་བ་ཅིག་སྦེ་ བཞག་དོ་ཡོདཔ་ཨིན་པས།

ལས་ཁུངས་ཀྱིས་ མཉམ་འབྲེལ་དང་ གཞུང་གིས་འགོ་འདྲེན་འཐབ་མི་ སྒེར་སྡེ་འགོ་ཁྲིད་ དེ་ལས་ མི་སྡེ་གཞི་བཞག་སྟེ་ འགན་ཁུར་བརྗེ་སོར་དང་ གཞི་རིམ་གྱི་འབྲེལ་འཛིན་ལུ་ གཙོ་བོར་བཏོན་མི་ དཔེ་སྟོན་ཚུ་ འགོ་ཁྲིད་འབད་དོ་ཡོདཔ་ཨིན་པས།

འབྲུག་མི་ག་ར་ ལྟ་བཤལ་པའི་གནསཔོ་དང་ མགྱོནམ་ག་ར་ ཆ་རོགས་ཨིན་པས།

ལས་ཁུངས་ཀྱི་མདོ་ཆེན་ དམ་ཆོས་རིག་འཛིན་གྱིས་ སླབ་མིའི་ནང་ མཐའ་ཟུར་གཡུས་ཚན་ནང་ ལྟ་བཤལཔ་འོང་པའི་སྐབས་ ཇ་བྱིན་མི་དེ་གིས་ ལྟ་སྐོར་འོང་མི་གི་ ཉམས་མྱོང་གིས་མ་ཚད་པར་ འབྲུག་གི་མིང་གཏམ་དེ་ བརྩི་མཐོང་མཐོ་དྲགས་དང་ མགྲོན་བསུའི་ས་གོ་ཅིག་སྦེ་ བརྟན་ཏོག་ཏོ་བཟོ་ནི་ལུ་ ལྷན་ཐབས་འབད་འོང་ཟེར་ཨིན་པས།

ཁོ་གིས་འབད་བ་ཅིན་ ག་ར་མཉམ་འབྲེལ་པ་ཨིན་པའི་ཁར་ འབྲུག་འདི་ བརྩི་མཐོང་ཅན་གྱི་ ལྟ་བཤལ་པའི་ ས་གོ་ཅིག་བཟོ་ནི་ལུ་ འགན་ཁུར་ཚུ་འབག་དགོཔ་ད་ འབྲུག་འདི་ འཛམ་གླིང་ནང་ ལྟ་བཤལ་པའི་ ས་གོ་དྲག་ཤོས་ཅིག་བཟོ་དགོ་པ་ཅིན་ འབྲུག་མི་ག་ར་གིས་ བདག་དབང་བཟུང་དགོཔ་དེ་ གལ་ཅན་ཅིག་ཨིན་ཟེར་ཨིན་པས།

མི་དབང་རིམ་བྱོན་ཚུ་གིས་ བཟོ་གནང་མི་ ལྟ་བཤལ་པའི་སྲིད་བྱུས་ རིན་ཐང་ཆེ་བ་ གནོད་པ་ཉུང་དྲགས་དེ་ ལམ་སྟོན་གྱི་ གཞི་རྟེན་ཅིག་སྦེ་ སྡོད་དོ་ཡོདཔ་ད་ དེ་གི་ དམིགས་ཡུལ་དེ་ ཡུན་བརྟན་རྐྱངམ་གཅིག་མེན་པར་ ལྟ་བཤལ་ལོག་ཡར་དྲག་གཏང་ནི་ཨིནམ་བཞིན་དུ་ དེ་གིས་ རྒྱལ་ཁབ་འདི ཧེ་མ་བ་དྲགཔ་སྦེ་ བཟོ་ཚུགས་ནི་ཨིན་པས།

འབྲུག་རྒྱལ་ཁབ་ཀྱིས་ རྒྱལ་སྤྱིའི་ལྟ་བཤལ་གྱི་དོན་ལུ་ འགོ་ཐོག་ར་ སྤྱི་ལོ་༡༩༧༤ ལུ་ སྒོ་ཕྱེ་ཡོདཔ་ད་ དཔལ་འབྱོར་གྱི་གནོན་ཤུགས་ཡོད་རུང་ མི་མང་ཁྲོམ་ཁར་ འགྲུལ་སྐྱོད་འབད་ནི་གི་ སེམས་ཤུགས་ ངོས་ལེན་མ་ཚུགསཔ་ཨིན་པས།

མདོ་ཆེན་གྱིས་ སླབ་མིའི་ནང་ སྤྱི་ལོ་༢༠༡༩ ལུ་ རྒྱལ་ཁབ་ནང་ ལྟ་བཤལཔ་ལེ་ཤ་འོང་ཡོདཔ་བཞིན་དུ་ དེ་ནང་ལས་ ང་བཅས་ཀྱིས་ ཉམས་མྱོང་ལེན་དགོཔ་ད་ འབྲུག་ལུ་ ལྟ་བཤལ་དེ་ འོང་འབབ་རྐྱངམ་གཅིག་མེན་པར་ ང་བཅས་རའི་ རྒྱལ་ཡོངས་ཀྱི་ ངོ་རྟགས་ཨིན་ཟེར་ཨིན་པས།

ཐབས་ལམ་གསརཔ་གི་འོག་ལུ་ ལས་སྣ་ཚུ་ཡང་ ཕེ་རིནསི་ཨོཕ་ལྟ་བཤལཔ་མཉམ་འབྲེལ་ཨིནམ་ད་ དེ་གི་ཐོག་ལས་ ལས་ཁུངས་ཀྱིས་ ལྟ་བཤལ་ལག་ལེན་པ་དང་ ལམ་སྟོན་པ་ ཟ་ཁང་ དེ་ལས འབྲེལ་ཡོད་ལས་སྡེ་གཞན་ཚུ་གིས་ ལྟ་བཤལ་ཞབས་ཏོག་གི་དོན་ལུ་ འགན་འཁྲི་དང་ གསར་བཏོན་འབད་ནིའི་ སེམས་ཤུགས་བྱིན་ནི་ཨིན་པས།

ལས་ཁུངས་ཀྱིས་ བཀོད་མིའི་ནང་ ལྟ་བཤལ་ལས་སྡེ་ནང་ ལཱ་འབད་མི་ཚུ་གིས་ གདོང་ལེན་དང་ གོ་སྐབས་ག་ཏེ་ཡོད་ག་ ལེགས་ཤོམ་སྦེ་ ཤེས་ཚུགས་ནི་ཨིན་པས།

དམ་ཆོས་རིག་འཛིན་གྱིས་ སླབ་མིའི་ནང་ ལས་ཁུངས་ཀྱི་ འགན་ཁུར་དེ་ ལྕོགས་གྲུབ་ཅན་དང་ གནས་སྟངས་ལེགས་ཤོམ་བཟོ་ནི་དེ་ཨིནམ་བཞིན་དུ་ དེ་གིས་ མ་འོངས་འབྲུག་གི་ལྟ་བཤལ་ ཡར་དྲག་གཏང་ནི་ལུ་ ལྷན་ཐབས་འབྱུང་འོང་ཟེར་ཨིན་པས།

ལས་ཁུངས་ཀྱིས་ ལས་སྡེ་ལུ་ བློ་གཏད་དང་ ཁྱད་རིག་ལུ་ གཞི་འཛིན་འབད་ནིའི་དོན་ལས་ གཞི་སྒྱུར་འགོ་བཙུགས་ནི་ཨིན་པས།

དེ་ནང་ བློ་གཏད་ཅན་དང་ ཡིད་ཆེས་བསྐྱེད་རུང་བའི་ མི་ངོ་ཚུ་གིས་ ལས་བྱེདཔ་ཚུ་ བཙུགས་དགོཔ་ངེས་གཏན་བཟོ་ཐབས་ལུ་ སྨྱོ་རྫས་བརྟག་དཔྱད་དང་ ལཱ་འགན་ལྟ་རྟོག་འབད་དགོཔ་ཚུ་ཚུདཔ་ཨིན་པས།

འགོ་དཔོན་ཚུ་གིས་ བཤད་མིའི་ནང་ ལྟ་བཤལཔ་ཚུ་ ང་བཅས་རའི་ ཁྱད་རིག་ཅན་ཚུ་དང་ ཉེན་སྲུང་དང་ལྡནམ་ཡོདཔ་སྦེ་ འཚོར་སྣང་བསྐྱེད་བཅུག་དགོ་ཟེར་ཨིན་པས།

ལས་རིམ་ཚུ་ཡང་ རྒྱལ་ཡོངས་འཆར་སྣང་ དངབེ་རེན་དཔལ་འབྱོར་དང་ བློ་གཏད་ཅན་གྱི་དཔལ་འབྱོར་ དེ་ལས་ དཔལ་འབྱོར་སྒྲིང་སྒྲི་བཟོ་ནི་དང་ རིམ་སྒྲིག་སྟེ་ཡོདཔ་ཨིན་པས།

འབྲུག་གི་ལྟ་བཤལ་ལས་སྡེ་དེ་ གཙོ་རིམ་ཅན་གྱི་ལས་སྣ་ དགེ་ལེགས་ཕུག་དྲན་ཤེས་ཁྲོམ་བཟུམ་ནང་ གཅིག་སྒྲིལ་འབད་ནི་ལུ་དམིགས་གཏད་བསྐྱེད་དེ་ཡོདཔ་བཞིན་དུ་ དེ་གིས་ ལྟ་བཤལཔ་དེ་ མཐོང་སྣང་གི་ ཡ་མཚན་ཅན་ཅིག་མེན་པར་ ཀུན་སྤྱོད་དང་ གོང་འཕེལ་གྱི་ འཛམ་གླིང་ཡོངས་ཁྱབ་ཀྱི་ དཔེ་ཅིག་སྦེ་ འགྱོ་ནི་ལུ་ ངེས་གཏན་བཟོ་ཚུགས་ནི་ཨིན་པས།

སྡོད་གནས་ལས་སྡེ་ཚུ་གི་ རྒྱབ་སྐྱོར་ཐོག་ལས་ ལས་ཁུངས་ཀྱིས་ འཕྲལ་ཁམས་ཅིག་ཁར་ འབྲུག་གི་ཟ་ཁང་ཚོགས་སྡེ་དང་ ཕེ་རིནསི་ཨོཕ་ལྟ་བཤལ་ལས་རིམ་དང་གཅིག་ཁར་ གོ་བརྡའི་ཆིངས་ཡིག་གུ་ མཚན་རྟགས་ཅིག་ཡང་ བཀོད་ཡོདཔ་ཨིན་པས།

མཉམ་འབྲེལ་ནང་ མཉམ་འབྲེལ་ལྟ་རྟོག་དང་ ཞབས་ཏོག་སྤུས་ཚད་ལྷན་ཐབས་ ལྕོགས་གྲུབ་གོང་འཕེལ་ དེ་ལས་ ཟ་ཁང་དབྱེ་ཞིབ་ཚུ་ བཙུགས་ནི་ཨིན་པས།

དམ་ཆོས་རིག་འཛིན་གྱིས་ སླབ་མིའི་ནང་ འབྲུག་ཟ་ཁང་ཚོགས་སྡེ་དང་ མཉམ་འབྲེལ་ཐོག་ལས་ ཟ་ཁང་བཙུགས་སྡོད་མི་དང་ མགྲོན་པ་སྐྱོང་པའི་ མི་ངོམ་ཚུ་ལུ་ ལྕོགས་གྲུབ་གོང་འཕེལ་དང་ སྦྱོང་བརྡར་ལས་རིམ་ཚུ་ འགོ་འདྲེན་འཐབ་ནི་ཨིནམ་ད་ མཉམ་རུབ་ཀྱི་བདག་དབང་དང་ འགན་ཁུར་མཉམ་འབྲེལ་ཡོད་པའི་ ལམ་ལུགས་ཅིག་དགོཔ་ ཁག་ཆེ་ཟེར་ཨིན་པས།

ཁོ་གིས་འབད་བ་ཅིན་ འབྲུག་མི་ག་ར་ལུ་ རྒྱལ་ཁབ་ཀྱི་ མ་འོངས་ལྟ་བཤལ་ལེགས་ཤོམ་བཟོ་ནི་གི་ འགན་ཁུར་ཡོད་ཟེར་ཨིན་པའི་གནས་ཚུལ།

ཨོ་རྒྱན་རྡོ་རྗེ།