བིཊ་ཌི་ཡར་འཇིགས་མེད་གླིང་གི་ མེ་ག་ཝཱཊ་༥༠༠ འབད་མི་ཐོན་སྐྱེད་ལྟེ་བ་ སྤྱི་ལོ་༢༠༢༦ ལུ་ ཆ་ཚང་ལག་ལེན་འཐབ་ནི།

༉ ནསི་ཌ་ནང་ ཐོ་བཀོད་འབད་མི་ བོ་ལོག་ཅཱེན་དང་ ལས་དོན་མཐོ་དྲགས་ཅན་གྱི་ལས་སྡེ་ བིཊ་ཌི་ཡར་གྱིས་ གསར་སྤང་ལུ་ཡོད་པའི་ བིཊ་ཀོའིན་ གནས་སྡུད་ལྟེ་བ་སྦོམ་ཨང་གཉིས་པ་ ལག་ལེན་འཐབ་ནི་ འགོ་བཙུགས་ཡོདཔ་ཨིན་པས།

མེ་ག་ཝཱཊ་༥༠༠ འབད་མི་ བིཊ་ཌི་ཡར་ འཇིགས་མེད་གླིང་སྒེར་སྡེ་ཚད་འཛིན་དེ་ ལག་ལེན་ཆ་ཚང་སྦེ་ ཤུལ་མའི་ལོ་འགོ་བཙུགས་ཁམས་ཅིག་ལས་ འགོ་བཙུགས་ནི་ཨིན་པས།

སིངྒ་པོར་ལུ་ཡོད་པའི་ འཕྲུལ་ཆས་ལས་སྡེ་གིས་ སྤྱི་ལོ་༢༠༢༣ ཟླ་༤ པའི་ཚེས་༡༤ ལས་ ཚོང་འབྲེལ་འཐབ་ནི་ འགོ་བཙུགས་ཡོདཔ་བཞིན་དུ་ འབྲུག་ལུ་ ཡུན་བརྟན་གནས་སྟངས་དང་མཐུནམ་སྦེ་ བིཊ་ཀོའིན་ལག་ལེན་འཐབ་ནི་ལུ་ འབྲུག་མི་སེར་རྒྱུ་ནོར་གཞི་བཟུང་དང་ མཉམ་འབྲེལ་ཐོག་འབད་དོ་ཡོདཔ་ཨིན་པས།

བོ་ལོག་ཅཱེན་དང་ བཅོས་རིག་ ཌི་ཇི་ཊཱལ་གསར་བཏོད་ཀྱི་ བཅོས་མའི་བློ་རིག་ལ་སོགས་པ་བརྩིས་ཏེ་ མདུན་སྐྱོད་ཅན་གྱི་ འཕྲུལ་རིག་ཚུ་ བརྗེ་སོར་འབད་ཚུགས་ནི་ཨིན་པས།

འབྲུག་མི་སེར་རྒྱུ་ནོར་གཞི་བཟུང་ཚད་ཀྱི་ ལས་འགུལ་འཛིན་སྐྱོང་པ་གིས་ སླབ་མིའི་ནང་ བིཊ་ཌི་ཡར་དང་ མི་སེར་རྒྱུ་ནོར་གཞི་བཟུང་དང་ མཉམ་འབྲེལ་འབད་མི་གིས་ འབྲུག་ལུ་ དཔལ་འབྱོར་དང་ འཕྲུལ་རིག་ལུ་ ཁེ་ཕན་སྦོམ་སྦེ་ར་ བྱུང་ཚུགས་ནི་མ་ཚད་ ལས་སྡེ་གཙོ་ཅན་ཚུ་ཡང་ གོང་འཕེལ་གཏང་ཚུགས་ཟེར་ཨིན་པས།

ཁོ་གིས་འབད་བ་ཅིན་ མཉམ་འབྲེལ་ལུ་བརྟེན་ འབྲུག་དང་ དགེ་ལེགས་ཕུག་དྲན་ཤེས་ཁྲོམ་ལུ་ གསར་བཏོན་དང་ 
རིག་རྩལ་འཕེལ་ནི་དང་ རྒྱལ་ཁབ་ཀྱི་ དྲི་ཇི་ཊལ་རྒྱུ་དངོས་ས་གཏེར་ལས་སྡེ་ནང་ དྲན་རྟགས་ཅན་ཅིག་ འོང་ཚུགས་ཟེར་ཨིན་པས།

དཔལ་འབྱོར་ཡར་དྲག་གིས་མ་ཚད་པར་ མཉམ་འབྲེལ་དེ་གིས་ ལས་འཛིན་གྱི་ ཁྲལ་དང་ འཐུས་ དེ་ལས་ མཉམ་འབྲེལ་གྱི་འོང་འབབ་ཐོག་ལས་ གཞུང་ལུ་འོང་འབབ་བཟོ་སྟེ་ འབྲུག་གི་ཡུན་རིང་གི་ དངུལ་འབྲེལ་བརྟན་ཏོག་ཏོ་བཟོ་ཚུགས་ཟེར་ཨིན་པས།

ལས་འགུལ་གྱི་ འཛིན་སྐྱོང་ལས་ འགོ་བཙུགས་ཏེ་ བཟོ་བཀོད་ག་ར་ འབྲུག་མི་སེར་རྒྱུ་ནོར་གཞི་བཟུང་གི་ འཛིན་སྐྱོང་པ་དང་ བཟོ་རིག་འགོ་དཔོན་ཚུ་གིས་ འབད་དོ་ཡོདཔ་ཨིན་པས།

དེ་གིས་ འཕྲུལ་རིག་སྐྱེ་ལྡན་རིམ་ལུགས་ཀྱི་དོན་ལུ་ ལཱ་འབད་ཚུགས་པའི་ གློག་རིག་མཐུན་རྐྱེན་ཚུ་ནང་ ས་གནས་ཀྱི་འཕྲུལ་རིག་མཁས་རིག་དང་ ལྕོགས་གྲུབ་ཡོད་པའི་ བརྡ་མཚོན་སྟོནམ་ཨིན་པས།

ལས་འགུལ་ལུ་བརྟེན་ བཟོ་བསྐྲུན་དང་ འཕྲུལ་རིག་ བཟོ་རིག་ བདག་སྐྱོང་ དེ་ལས་ ཉེན་སྲུང་གི་འགན་ཁུར་ཚུ་ནང་ ལཱ་གཡོག་གི་ གོ་སྐབས་བཟོ་ནི་དང་ ས་གནས་ཀྱི་ཚོང་འབྲེལ་ཚུ་ ཡར་དྲག་གཏང་ནི་ དེ་ལས་ གློག་མེ་བཀྲམ་སྤེལ་དང་ ཕའི་བཱར་ཨོཔ་ཊིག་ཡོངས་འབྲེལ་ དེ་ལས་ བཟོ་གྲྭའི་གཞི་རྟེན་ཚུ་ནང་ གཞི་རྟེན་མཐུན་རྐྱེན་ཚུ་ ཡར་དྲག་གཏང་ནི་གི་ རེ་བ་བསྐྱེདཔ་ཨིན་པས།

ཌི་ཇི་ཊཱལ་དཔལ་འབྱོར་ནང་ འཕྲུལ་རིག་མཐོ་བའི་ འགན་ཁུར་འབག་ནིའི་དོན་ལུ་ ས་གནས་ཀྱི་མི་ཚུ་ལུ་ སྦྱོང་བརྡར་བྱིན་ཐབས་ལུ་ རིག་རྩལ་གོང་འཕེལ་གྱི་ ལས་རིམ་ཚུ་ འགོ་བཙུགས་ནི་ཨིན་པས།

གནས་སྡུད་ལྟེ་བ་དེ་ རང་བཞིན་སླར་བྱུང་གློག་མེ་གིས་ རྒྱབ་སྐྱོར་འབད་དོ་ཡོདཔ་ད་ ནུས་ཤུགས་དགོ་པའི་ དུས་ཚོད་ནང་ ནག་རླུང་ཐོན་ཏེ་ མར་ཕབ་འབད་ཚུགསཔ་ཨིན་པས།

བིཊ་ཌི་ཡར་གྱིས་ ནུས་ཤུགས་འཇོན་ཐངས་དང་ མཐའ་འཁོར་གནས་སྟངས་ཀྱི་ལས་འབྲེལ་ མཐོ་དྲགས་བཟོ་ཐབས་ལུ་ གོང་འཕེལ་ཅན་གྱི་ བསིལ་དྲོད་ལམ་ལུགས་དང་ སྔོ་ལྗང་སྒྲིང་ཁྱིམ་གྱི་ ཅ་ཆས་ཚུ་ཡང་ གཅིག་སྒྲིལ་འབད་དེ་ ཡོདཔ་ཨིན་པས།

བིཊ་ཌི་ཡར་གྱིས་ བཟོ་གྲྭ་དང་ སྡོད་ཁྱིམ་གྱི་ དྲོད་བཏགས་ནིའི་དོན་ལུ་ ཕྱགས་སྙིགས་དྲོད་བཏགས་ནིའི་དོན་ལུ་ ཐབས་ཤེས་གསརཔ་ཚུ་ འཚོལ་ཞིབ་འབད་དོ་ཟེར་ ལས་འགུལ་འཛིན་སྐྱོང་པ་གིས་ བཤདཔ་ཨིན་པས།

གནས་སྡུད་ལྟེ་བ་གིས་ གཙོ་བོ་ར་ ཆུར་བརྟེན་གློག་མེ་ལྷག་ལུས་ལུ་བརྟེན་ སྡོད་ནི་ཨིནམ་མ་ཚད་ ཉི་མའི་ནུས་ཤུགས་དང་གཅིག་སྒྲིལ་འབད་ནི་ དུས་ཚོད་དང་བསྟུན་ གློག་མེ་ལུ་བརྟེན་མི་མར་ཕབ་འབད་ནི་ དེ་ལས་ འཇོན་ཐངས་ལ་སོགས་པ་ཚུ་ ཡར་དྲག་དང་ ཐབས་ཤེས་ཀྱི་ མཉམ་འབྲེལ་འབད་ནི་ཨིན་པས།

བིཊ་ཌི་ཡར་འཇིགས་མེད་གླིང་དེ་ ས་ཆ་ཨེ་ཀར་༩༠ ལྷགཔ་ཅིག་ ཁྱབ་སྟེ་ཡོདཔ་ད་ དེ་ཡང་ བིཊ་ཌི་ཡར་གྱིས་ འགོ་འདྲེན་འཐབ་མི་ ཡུ་ཨེས་ཨེ་གི་ ཊེག་སསི་ལུ་ཡོད་པའི་ བིཊ་ཌི་ཡར་གྱི་ མའི་ནིང་འཕྲུལ་ཁང་ མེ་ག་ཝཊི་༥༦༣ ཡོད་མི་ལས་ མཐུན་རྐྱེན་སྦོམ་ཤོས་གཉིས་པ་ཨིན་པས།

བིཊ་ཌི་ཡར་གྱིས་ ཆུ་ཁ་ དགེ་འདུ་ལུ་ གློག་ཤུགས་མེ་ག་ཝཊ་༡༠༠ འབད་མི་ མཐུན་རྐྱེན་འརྩིས་ཏེ་ གནས་སྡུད་ལྟེ་བ་༦ ལག་ལེན་འཐབ་སྟེ་ཡོདཔ་ད ད་རུང་ ཀེ་ནེ་ཌ་དང་ ཨི་ཐོ་པི་ཡ་ཚུ་བརྩིས་ཏེ་ ལྟེ་བ་༤ བཟོ་སྐྲུན་དང་ འཆར་གཞི་བརྩམ་པའི་བསྒང་ཡོདཔ་ཨིན་པས།

འབྲུག་ལུ་རྒྱུན་བརྟན་ཡོད་མི་དེ་གིས་ ཡུན་རིངམ་གི་ མ་རྩ་གཞི་བཙུགས་ཀྱི་ ཉེན་སྲུང་གཞི་རྟེན་བརྟན་ཏོག་ཏོ་ཅིག་བྱིན་དོ་ཡོདཔ་ད་ དགེ་ལེགས་ཕུག་དྲན་ཤེས་ཁྲོམ་དང་ འཇིགས་མེད་གླིང་ལུ་ འགོ་ཐོག་བཟོ་གྲྭ་གོང་འཕེལ་གྱི་ འཆར་གཞི་བརྩམས་ཏེ་ཡོད་མི་དེ་ གནས་སྡུད་ལྟེ་བ་སྦོམ་ཚུ་ ལག་ལེན་འཐབ་སའི་ ས་ཁོངས་ཅིག་ལུ་འགྱུར་ཏེ་ ཡོདཔ་ཨིན་པས།

ལས་འགུལ་འཛིན་སྐྱོང་པ་གིས་ སླབ་མིའི་ནང་ འབྲུག་གི་ སླར་འབྱུང་གློག་མེ་བརྒྱ་ཆ་༡༠༠ གིས་  རྒྱུན་བརྟན་དང་ ཡུན་བརྟན་ མའི་ནི་ལག་ལེན་འཐབ་ནི་ལུ་ དོ་འགྲན་ཅན་གྱི་ ནུས་ཤུགས་བྱིན་དོ་ཟེར་ཨིན་པས།

སྤྱི་ཟླ་༤ པའི་ཚེས་༡༢ ལུ་ ནཱསི་ཌེག་ནང་ བིཊ་ཀོའིན་རེ་ལུ་ ཡུ་ཨེསི་ཌོ་ལར་༨༡,༦༠༠ དེ་ཅིག་ བཙོང་སྟེ་ ཉིན་བསྟར་བཞིན་དུ་ བིཊ་ཀོའིན་༩ ལས་༡༠ གི་བར་ན་ ཐོན་སྐྱེད་འབད་ཚུགས་དོ་ ཡོདཔ་ཨིན་པས།

དེ་འབདཝ་ལས་ ཉིན་བསྟར་ ཡུ་ཨེསི་ཌོར་ལར་༧༣༤,༤༠༠ ལས་༨༡༦,༠༠༠ གི་བར་ན་ བཟོ་ཚུགས་མི་འབདཝ་ད་ དངུལ་ཀྲམ་ས་ཡ་༦༣.༥༢ ལས་༧༠.༥༨ གི་བར་ན་ འདྲ་མཉམ་ཨིན་པས།

བིཊ་ཌི་ཡར་འཇིགས་མེད་གླིང་གི་ མའི་ནིང་དེ སྤྱི་ལོ་༢༠༢༣ ཟླ་༥ པའི་ནང་ འགོ་བཙུགས་མི་དེ་ ཡུ་ཨེས་ཌོ་ལར་ས་ཡ་༥༠༠ གི་ ལས་འགུལ་གཉིས་པ་ཨིན་པས།

ལས་འགུལ་འགོ་དང་པ་དེ་ སྤྱི་ལོ་༢༠༢༣ ལུ་ ཆུ་ཁ་དགེ་འདུ་ལུ་ གཞི་བཙུགས་འབད་མི་ བིཊ་ཀོའིན་ མེ་ག་ཝཊ་༡༠༠ དེ་ཨིན་པས།

མ་དངུལ་དེ་གིས་ འབྲུག་ལུ་ ཌི་ཇི་ཊཱལ་རྒྱུ་དངོས་ས་གཏེར་དང་ བོ་ལོག་ཅཱེན་ ལས་རིམ་ཚུ་ལུ་ རྒྱབ་སྐྱོར་འབད་ནི་དང་ རྒྱལ་སྤྱིའི་མ་རྩ་གཞི་བཙུགས་འབད་ནི་ལུ་ དམིགས་གཏད་བསྐྱེདཔ་ཨིན་པས།

མཉམ་འབྲེལ་གྱིས་ འབྲུག་ལུ་ བིཊ་ཀོའིན་གི་ མའི་ནིང་ལྟེ་བ་ཡོངས་བསྡོམས་ མེ་ག་ཝཊ་༦༠༠ དེ་ཅིག་ བཟོ་སྐྲུན་འབད་ནི་གི་ འཆར་གཞི་ཡོདཔ་ཨིན་པའི་གནས་ཚུལ།

ཨོ་རྒྱན་རྡོ་རྗེ།