༉ ད་ལྟོ་ཚུན་ཚོད་ཀྱི་ ནང་འཁོད་ལུ་ འབྲུག་རྒྱལ་ཁབ་འདི་ སེམས་ཅན་གྱི་གྲས་ལས་ སྦོམ་ཤོས་ཅིག་ཨིན་མི་ གཅན་གཟན་སྟག་གི་ སྡོད་གནས་ཅིག་ཨིན་པའི་ཁར་ མི་ཚུ་གིས་འབད་རུང་ ལོ་རྒྱུས་སླབ་དང་སླབ་བཞིན་པ་སྦེ་ཡོད།
ལོ་རྒྱུས་ཚུ་ ག་དེ་སྦེ་སླབ་སྟེ་འབད་རུང་ འདི་ལུ་ ཆ་གནས་བསྐྱེད་དགོཔ་ཅིག་དེ་ ང་བཅས་ཀྱི་ སྐྱེ་ལྡན་ཉམས་སྲུང་དང་ གནས་གོང་ཅན་ཅིག་ཨིན་པའི་ ཆ་སྙོམས་བཟོཝ་ཨིན།
དེ་ཡང་ རྒྱལ་རབས་ནང་ཚུད་པའི་ གལ་གནད་ཆེ་བའི་ གཅན་གཟན་སྟག་གི་སྐོར་ལས་ གྲོས་བསྡུར་ཅིག་ སྤ་རོ་སྤང་སྦི་ས་ལུ་ འཚོགས་ཡོདཔ་བཞིན་དུ་ འདི་བཟུམ་གྱི་ རྒྱལ་རབས་ཅན་གྱི་ གཅན་གཟན་དེ་ ཕན་ཚུན་མཉམ་འབྲེལ་ཐོག་ལས་ ཉམས་སྲུང་འབད་ནི་ལུ་ གཙོ་རིམ་ཅན་ཅིག་སྦེ་ གསལ་སྟོན་འབདཝ་མས།
གྲོས་འཛོམས་དེ་གིས་ ཁས་བླང་དང་ ཚ་གྱང་གཉིས་ཆ་ར་ཡོད་པའི་ ངོས་ལེན་འབད་བའི་ཁར་ ཕྱོགས་ཅིག་ལས་འབདཝ་ད་ ང་བཅས་ཀྱིས་ རྒྱལ་ཁབ་ནང་ སྟག་གི་འཕེལ་ཚད་བརྒྱ་ཆ་༦༠ འཛམ་གླིང་གཅིག་གྱུར་ལུ་ ཚོད་རྩིས་བཏོན་མི་གིས་ གཞན་དང་མ་འདྲ་བའི་ གྲུབ་འབྲས་མཐར་འཁྱོལ་ཅན་ཨིན་པའི་ བརྡ་མཚོན་བཏོན་དོ་ཡོདཔ་ད་ མཐར་འཁྱོལ་བྱུང་ཚུགས་མི་ལུ་ གུས་ཞབས་ཀྱི་སྒོ་ལས་ ལུང་ཕྱོགས་ཀྱི་ ཉམས་སྲུང་པ་དང་ གཞུང་ དེ་ལས་ ས་གནས་ཀྱི་ མི་སྡེ་ཚུ་གིས་ ལོ་རྒྱུས་སླབ་ཨིན་མས།
མི་སེར་དང་ གཞུང་གཉིས་ཆ་རའི་ཁ་ཐུག་ལས་ རྒྱུ་མཚན་གཅིག་གྱུར་ཐོག་ལས་ གསལ་སྟོན་འབདཝ་ད་ ག་ཅི་དེ་ གལ་ཆེཝ་སྦེ་ཡོདཔ་ཨིན་ན་ རྟགས་མཚན་བཏོནམ་མས་ དེ་འབདཝ་ལས་ འདི་ཚུ་ག་ར་ དངོས་ལྟར་ལུ་ཡོད་པའི་ ངོས་ལེན་འབད་དགོ།
ཤར་ལྷོ་ཨེ་ཤི་ཡའི་ས་ཁོངས་ཚུ་ནང་ སྟག་གི་འཁྱམས་ས་མེདཔ་ཐལ་བའི་ཁར་ སྐྱེ་ལྡན་རིགས་སྣ་ མར་བབས་སོང་མི་གིས་ སྟག་ཉམས་སྲུང་ལུ་ འཇིགས་སྣང་བཀལ་ཡོདཔ་ད་ ནགས་ཚལ་ཚུ་གོ་རིམ་བཞིན་དུ་ མེདཔ་སོང་མི་དང་ འདི་དང་བསྟུན་པའི་ བཞེས་སྒོའི་དོན་ལུ་ སེམས་ཅན་གཞན་ཚུ་ ཡལ་འགྱོཝ་ད་ རང་བཞིན་གྱིས་ གཅན་གཟན་དེ་གི་ མ་འོངས་པའི་ རྒྱུ་རྐྱེན་ཚུ་ལུ་ བར་ཆད་ཡོད་པའི་ བརྡ་མཚོན་བཏོནམ་མས།
གནས་སྟངས་དེ་ འཚབས་ཆེན་ཨིན་པའི་ཆ་ལས་ ད་ལྟོ་ལས་ར་ ངོས་ལེན་ཚུ་ དམ་སྒྲིང་མ་འབདཝ་འདྲཝ་འབད་བ་ཅིན་ སེམས་ཅན་འདི་ཚུ་ ཡུན་རིང་ལུ་ བརླགས་འགྱོ་ནི་ལུ་ ཐེ་ཚོམ་མིན་ནུག།
འདི་བཟུམ་གྱི་གནས་སྟངས་ སྐྱོ་སུ་འགྱོ་དོ་ཡོད་མི་ལུ་ གྲོས་འཛོམས་ཀྱིས་ ལྷན་གྲོགས་འབད་ཚུགས་ནི་དང་ ཁས་བླངས་དང་ ཚ་གྱང་ཚུ་ཡང་ བསྐྱར་ཞིབ་འབད་ཚུགས་ནི་བཟུམ་འདུག།
འཐུས་མི་ཚུ་ཡང་ གཞུང་ ཉམས་སྲུང་ཚོགས་སྡེ་ ས་གནས་ཀྱི་མི་སྡེ་ཚུ་གིས་སྦེ་ གཅན་གཟན་སྟག་གི་ སྡོད་གནས་ཚུ་ བཀག་སྲུང་དང་ ཉམས་བཅོས་འབད་ཚུགས་པའི་ འོས་འབབ་འདུག།
འདི་དང་འབྲེལ་ད་རེས་ གྲོས་བསྡུར་ཞལ་འཛོམས་དེ་གིས་ ཁེ་ཕན་ཚུ་སྦོམ་ར་ བྱུང་ཚུགས་པའི་ འོས་འབབ་ཡོདཔ་ལས་ སྟག་ཉམས་སྲུང་འབད་ནི་ལུ་ གདོང་ལེན་ཚུ་ ནགས་ཚལ་གྱི་ ཁྱབ་ཚད་ རྒྱ་ཁྱབ་ཅན་སྦེ་དགོཔ་མ་ཚད་ སྐྱེ་ལྡན་རིགས་སྣ་ཚུ་ལུ་ བརྟེན་ སྡོད་མི་ཅིག་འབདཝ་ལས་ དེ་ཚུ་ཉམས་སྲུང་འབད་ནི་ལུ་ཡང་ རྩ་འགེངས་དགོཔ་འདུག།
གལ་སྲིད་ སྟག་ཉམས་སྲུང་གི་ ཐབས་བྱུས་བཏོན་པ་ཅིན་ འདི་དང་རིགས་འབྲེལ་བའི་ སྲོག་ཆགས་མར་རབས་ཅིག་ ཉམས་སྲུང་གི་ གྲངས་སུ་ཚུད་དོ་ཡོདཔ་ལས་ རྒྱུ་རྐྱེན་ཅིག་ལུ་བརྟེན་ མ་འོངས་ཡུན་བརྟན་ལུ་ ཁེ་ཕན་གྱི་ ལྷན་གྲོགས་ལེ་ཤ་ར འབྱུང་ཚུགས་ནི་མས།
གྲོས་འཛོམས་ཀྱི་ གྲོས་གཞི་ཚུ་ཡང་ དོན་དང་མཐུནམ་སྦེ་ཡོདཔ་ལས་ འདི་ཚུ་གཙོ་བོ་ སྡོད་གནས་བྱང་དོ་ཡོད་པའི་ རྟགས་མཚན་ཨིན་ལུགས་དང་ ནགས་ཚལ་མར་ཉམས་འགྱོ་མི་ གཞི་རྟེན་མཁོ་ཆས་གོང་འཕེལ་སོང་མི་ དེ་ལས་ མི་དང་ རི་དྭགས་སེམས་ཅན་གྱི་ བྲེལ་ཟིང་ཚུ་ལུ་ བརྟེན་བྱུང་དོ་ཡོདཔ་ཨིན་མས།
ག་དེ་སྦེ་ཨིན་རུང་ གཅན་གཟན་དེ་ མེད་ཐབས་མེདཔ་ཅིག་འབདཝ་ལས་ འཁྱམས་སའི་ས་ཁོངས་ཚུ་ རྒྱ་ཁྱབ་ཅན་སྦེ་ བཞག་དགོཔ་དེ་གལ་ཆེཝ་ལས་ འདི་ལུ་བརྟེན་ ཕན་ཚུན་སྐྱེ་ལྡན་རིགས་སྣ་ལུ་ཡང་ ཕན་ཐོགས་སྦོམ་ར་འབྱུང་སྲིད།