༉ འབྲུག་སྔོ་ལྗང་ཚད་འཛིན་གྱིས་ གསར་སྤང་ ཡར་རྒྱས་ཐང་ལུ་ ཤིང་ལྕངམ་༣༥,༠༠༠ བཙུགས་ཡོདཔ་ཨིན་པས།
ཤིང་ལྕངམ་བཙུགས་ནིའི་ ལས་རིམ་དེ་ཡང་ ཡར་རྒྱས་ཐང་ལུ་ རང་བཞིན་ནག་རྫས་ཐིམ་ནི་གཞི་བཙུགས་དང་ རི་དྭགས་སེམས་ཅན་འཁྱམས་ས་ དེ་ལས་ ཡུན་བརྟན་གོང་འཕེལ་ལྷན་ཐབས་དོན་ལས་ སྤྱི་ལོ་༢༠༢༣ ལུ་ མི་སྡེ་མཉམ་འབྲེལ་ཐོག་ལས་ འགོ་བཙུགས་ཡོདཔ་ཨིན་པས།
མི་སྡེའི་རི་དྭགས་གྲངས་རློབས་ཚུ་གི་དོན་ལས་ སྐྱེ་ལྡན་གནས་སྟངས་རིམ་ལུགས་ལེགས་ཤོམ་བཟོ་ཐབས་ལུ་ ཤིང་འབྲས་ཀྱི་ལྕངམ་ བལཔོ་སེའུ་དང་ སྦྲམ་ཟས་མ་དོ་བར་ ཤིང་སྣ་གི་རིགས་ སྣ་མང་སྦེ་ བཙུགས་ཡོདཔ་ཨིན་པས།
ལས་འགུལ་ལུ་བརྟེན་ མ་འོངས་པ་ལུ་ མི་སྡེ་ཚུ་ནང་ འོང་འབབ་བཟོ་ནིའི་ གོ་སྐབས་ཡང་ འཐོབ་ཚུགས་ནི་ཨིན་པས།
འབྲུག་སྔོ་ལྗང་ཚད་འཛིན་གྱི་ བཀོད་ཁྱབ་མདོ་ཆེན་ ཀརྨ་འཇིགས་མེད་བསྟན་འཕེལ་གྱིས་ སླབ་མིའི་ནང་ ལས་རིམ་དེ་གིས་ སྐྱེ་ལྡན་རིགས་སྣ་ གོང་འཕེལ་གྱིས་མ་དོ་བར་ རི་དྭགས་སེམས་ཅན་གྱི་རིགས་ ཉམས་སྲུང་ལྷན་ཐབས་དང་ སྐྱེ་ལྡན་གནས་སྟངས་ཀྱི་ཚད་མཉམ་ བར་ཆད་མེདཔ་ ངེས་བརྟན་བཟོ་ཚུགས་ཟེར་ཨི་ནཔས།
ཤིང་ལྕངམ་ཚུ་ཡང་ ཨི་ཀོ་མེཊ་ཅཱར་ ཊི་ཀོ་ཌར་འཕྲུལ་རིག་གིས་ ལྟ་རྟོག་ཐོག་ལུ་ཡོདཔ་ལས་ ངོ་རྐྱང་ཚུ་གིས་ ཡོངས་འབྲེལ་ཐོག་ ཤིང་ཚུ་ཐི་རི་ཌི་མོརཌི་ནང་ བལྟ་ཚུགས་ནི་ཨིན་པས།
ཤིང་ཚུ་ རང་བཞིན་ནག་རྫས་ཐིམ་སྦེ་ཡོདཔ་ལས་ གནམ་གཤིས་འགྱུར་བགྲོད་གདོང་ལེན་འབད་ནི་ གལ་ཅན་ཅིག་ཨིནམ་ད་ ལས་འཛིན་གྱིས་ སྔོ་ལྗང་དང་ མ་འོངས་ཡུན་བརྟན་བཟོ་ཐོག་ལུ་ གོ་བ་བརྡ་སྤྲོད་ཚུ་ འབད་དོ་ཡོདཔ་ད་ ཤིང་བཙུགས་མི་གིས་ མི་སྡེ་ནགས་ཚལ་ནང་ ཆུ་རུད་དང་ ས་རུད་ཆད་ཐོན་ནི་ཡང་ བཀག་ཐབས་འབད་ཚུགས་ཟེར་ཨིན་པས།
ལས་རིམ་དེ་ ཨི་ཀོ་མེཊ་ཅཱར་དང་ མའི་བྷུ་ཊཱན་གྱིས་ རྒྱབ་སྐྱོར་འབད་ཡོདཔ་ད་ འབྲུག་སྔོ་ལྗང་ལས་འཛིན་གྱིས་ རྒྱལ་ཡོངས་ནང་ སྔོ་ལྗང་ལས་འགུལ་ཚུ་ གཞི་བཙུགས་འབད་ནི་ ལས་རིམ་ཡོད་པའི་གནས་ཚུལ།
ཨོ་རྒྱན་རྡོ་རྗེ།