༉ ཁ་ཙ་ མི་དབང་མངའ་བདག་རིན་པོ་ཆེ་མཆོག་གིས་ བཀྲིས་ཆོས་རྫོང་ནང་ རྒྱལ་གཞུང་ཞི་གཡོག་ལྷན་ཚོགས་ཀྱི་ ཁྲི་འཛིན་དང་ ལྷན་འཛིན་ཚུ་ བསྐོ་བཞག་གནང་ཡོདཔ་ཨིན་པས།
དེ་ཡང་ མཐའ་འཁོར་དང་ གནམ་གཤིས་འགྱུར་བགྲོད་ལས་ཁུངས་ཀྱི་ ཡོངས་ཁྱབ་མདོ་ཆེན་ བཀྲིས་དཔལམོ་དེ་ རྒྱལ་གཞུང་ཞི་གཡོག་ལྷན་ཚོགས་ཀྱི་ ཁྲི་འཛིན་སྦེ་ བསྐོ་བཞག་གནང་ཡོདཔ་ཨིན་པས།
ལྷན་འཛིན་༤ པོ་དེ་ཡང་ བཀྲིས་གཡང་རྩེ་རྫོང་བདག་ བ་བུ་རཱམ་ཤེར་པ་དང་ སོ་ནམ་ཚོང་ལས་དང་མཉམ་ལས་ཀྱི་ ཡོངས་ཁྱབ་མདོ་ཆེན་ ཀུན་ལེགས་ཚེ་རིང་ གསར་སྤང་རྫོང་བདག་ བློ་བཟང་རྡོ་རྗེ་ འབྲུག་སི་ལའེསི་སྒེར་སྡེ་ཚད་འཛིན་གྱི་ བཀོད་ཁྱབ་འགོ་དཔོན་ ཚེ་རིང་སྲིད་རྒྱལ་རྡོ་རྗེ་(མཁས་དབང་)ཨིན་པས།
ཁྲི་འཛིན་དྲགོས་ཀརྨ་ལྷ་མོ་རྡོ་རྗེ་གིས་ འགོ་ཁྲིད་འབད་མི་ ལྷན་ཚོགས་༣ པའི་ ལོ་༥ འི་གནས་ཡུན་དེ་ སྤྱི་ལོ་༢༠༢༤ ཟླ་༤ པའི་ཚེས་༡༦ ལུ་ མཇུག་བསྡུ་ཡོདཔ་ཨིན་པས།
རྩ་ཁྲིམས་ཆེན་མོའི་ རྩ་ཚན་༢༦.༢ དང་འཁྲིལཝ་ད་ རྒྱལ་གཞུང་ཞི་གཡོག་ལྷན་ཚོགས་ཀྱི་ ཁྲི་འཛིན་དང་ ལྷན་འཛིན་ཚུ་ འབྲུག་རྒྱལ་པོ་མཆོག་གིས་ བསྐོ་བཞག་གནང་དགོཔ་སྦེ་ཨིནམ་ད་ དེ་ཡང་ བློན་ཆེན་དང་ འབྲུག་གི་ཁྲིམས་སྤྱི་ ཚོགས་དཔོན་ རྒྱལ་ཡོངས་ཚོགས་འདུའི་ཁྲི་འཛིན་ དེ་ལས་ ལྡོག་ཕྱོགས་འགོ་ཁྲིདཔ་གིས་ རྒྱབ་སྣོན་འབད་མི་ མིང་ཐོ་ཕུལ་མི་ཚུ་དང་བསྟུན་ཨིན་པས།
བཙན་སྐྱོགས་དབང་འདུས།
(གཡོན་ལས་གཡས་ཁ་ཐུག་) བློ་བཟང་རྡོ་རྗེ་དང་ ཀུན་ལེགས་ཚེ་རིང་ བཀྲིས་དཔལམོ་(ཁྲི་འཛིན་) བ་བུ་རཱམ་ཤེར་པ་ དེ་ལས་ ཚེ་རིང་སྲིད་རྒྱལ་རྡོ་རྗེ།