༉ སྤྱི་ཟླ་༩ པའི་ཚེས་༥ ལུ་ འབྲུག་གི་ རྒྱལ་ཡོངས་ཞབས་ཏོག་ལས་རིམ་ རྒྱལ་སྲུང་དེ་ དབང་འདུས་ཕོ་བྲང་ མཁོ་ཐང་ཁ་དང་ བསམ་གྲུབ་ལྗོངས་མཁར་ པདྨ་ཐང་ མོང་སྒར་རྒྱལ་པོའི་ཞིང་ དེ་ལས་ བསམ་རྩེ་ རྒྱ་མཚོ་གླིང་བརྩིས་ཏེ་ རྒྱལ་སྲུང་སྦྱོང་བརྡར་སྤེལ་ཁང་༤ དུས་མཉམ་དུ་ འགོ་འབྱེད་འབད་ཡོདཔ་ཨིན་པས།
བསམ་རྩེ་རྒྱ་མཚོ་ཆོས་གླིང་ལུ་ རྒྱལ་སྲུང་སྦྱོང་བརྡར་ལྟེ་བའི་ནང་ རྒྱལ་སྲུང་ལས་རིམ་ འགོ་འབྱེད་གནང་སར་ མི་དབང་མངའ་བདག་རིན་པོ་ཆེ་མཆོག་གིས་ དབུ་བཞུགས་མཛད་དེ་ ལྟེ་བ་ཁག་གི་ རྒྱལ་སྲུངཔ་ཚུ་ལུ་ རྒྱ་མཚོ་གླིང་ལུ་སྦེ་ གསུང་བཤད་གནང་ཡོདཔ་ཨིན་པས།
མི་དབང་མཆོག་གིས་ དམག་སྡེ་ཚུ་ལུ་ བཀྲིན་དགའ་ཚོར་དང་ ཁོང་གི་ བརྩོན་ཤུགས་དང་ བློ་སྟོབས་ལུ་ བསྟོད་བསྔགས་གནང་སྟེ་ རྒྱལ་ཡོངས་ཞབས་ཏོག་ མཐར་འཁྱོལ་དང་ གྲུབ་འབྲས་ཅན་སྦེ་ བཟོ་ནིའི་དོན་ལུ་ འཕྲོ་མཐུད་དེ་ར་ བློ་གཏད་ནི་ཨིན་ཟེར་གསུངས་ནུག།
དེ་བཟུམ་སྦེ་ མི་དབང་མཆོག་གིས་ རྒྱལ་སྲུང་ལས་བྱེད་སྡེ་ཚན་གཙོ་ཅན་དང་ ལྷན་ཁག་ ལས་ཁུངས་ ཞི་གཡོགཔ་ འབྲུག་གི་མི་སེར་ དེ་ལས་ དམིགས་བསལ་དུ་ རྒྱལ་སྲུང་གི་ ཕམ་ཚུ་ལུ་ བཀྲིན་དགའ་ཚོར་ཡོད་ལུགས་ཚུ་ གསུངས་གནང་ནུག།
རྒྱལ་སྲུང་ཞབས་ཏོག་ལས་རིམ་དེ་ ང་བཅས་ངོ་མ་ག་ཨིན་ན་ལུ་ གཞི་བཞག་སྟེ་ བཟོ་ཡོདཔ་ད་ ང་བཅས་ཀྱི་ བློ་སྟོབས་དང་ བཟོད་བསྲན་ ང་བཅས་ཀྱི་ཉམ་ཆུང་ དེ་ལས་ དྲང་བདེན་ཚུ་ཡོདཔ་ད་ ང་བཅས་རའི་ སྒྲིག་ལམ་དང་ ལམ་སྲོལ་ དེ་ལས་ བརྩི་མཐོང་ཚུ་ལུ་ གཞི་བཞག་སྟེ་ཡོདཔ་མ་ཚད་ ང་བཅས་ཀྱིས་ ག་ཅི་ལུ་ དམིགས་གཏད་བསྐྱེད་དོ་ཡོདཔ་ཨིན་ན་དང་ མ་འོངས་པ་ལུ་ འབྲུག་གིས་ ག་ཏེ་ལུ་ འཆར་སྣང་བསྐྱེདཔ་ཨིན་ན་ དེ་ཚུ་གི་ཐོག་ལུ་ཡང་ གཞི་བཞག་སྟེ་ཡོད་ཟེར་ མི་དབང་མཆོག་གིས་ གསུངས་གནང་ཡོདཔ་ཨིན་པས།
མ་འོངས་པ་དེ་ བདག་མེད་སྦེ་ བཀོག་མ་བཞག་པར་ ད་ལས་ཕར་ འགོ་བཟུང་སྟེ་ ང་བཅས་རའི་ སྦུང་དང་ཤུགས་ རིག་པ་ གནས་སྐབས་བཏོན་ ལཱ་ག་ར་ ལགཔ་མཐུད་དེ་ གཅིག་མཐུན་གྱི་སྒོ་ལས་ རྩ་འགེངས་ཏེ་ གཞན་མ་འདྲ་བའི་ རྒྱལ་ཁབ་སྒྲིང་སྒྲི་དང་ ངལ་རངས་ཏོག་ཏོ་ ཚ་ཐང་ཐ་ཅིག་བཟོ་ནིའི་དོན་ལུ་ ང་བཅས་ཀྱིས་ ལམ་སྟོན་དོ་ཟེར་ མི་དབང་མཆོག་གིས་ གསུངས་གནང་ཡོདཔ་ཨིན་པས།
མི་དབང་མཆོག་གིས་ ད་ལྟོའི་དུས་ཚོད་འདི་ རྒྱལ་ཡོངས་ཀྱི་ རྒྱལ་རབས་ནང་ དུས་ཚོད་གལ་ཅན་ཅིག་ཨིནམ་ད་ ད་རེས་ ང་བཅས་ཀྱིས་ གྲོས་ཐག་བཅད་མི་དང་ དང་ལེན་འབད་མི་གིས་ འབྲུག་གི་མ་འོངས་པའི་གནས་སྟངས་དེ་ ཤུལ་མའི་ ལོ་སྟོང་ཕྲག་ནང་ སྒྲིང་སྒྲི་དང་ རང་དབང་ཅན་ དེ་ལས་ རང་དབང་ཅན་གྱི་ རྒྱལ་ཁབ་ཅིག་སྦེ་ ཐག་བཅད་ཚུགས་ཟེར་ གསུངས་ཡོདཔ་ཨིན་པས།
མི་རློབས་ཐེར་འབུམ་༢ དེ་ཅིག་ཡོད་པའི་ ས་ཁོངས་ནང་ འབྲུག་འདི་ འབྲེལ་ཡོད་རྒྱལ་ཁབ་ཅིག་སྦེ་ འགྱུར་ནི་གི་ དམིགས་གཏད་དང་ མ་འོངས་ཉེན་སྲུང་དང་ལྡནམ་སྦེ་ བཟོ་ཐབས་ལུ་ ཀུན་ཚང་དང་ གསར་བཏོད་ གཞི་སྒྱུར་ཚུ་འབད་འོང་ཟེར་ མི་དབང་མཆོག་གིས་ གསུངས་ཡོདཔ་ཨིན་པས།
མི་དབང་མཆོག་གིས་ འབྲུག་རྒྱལ་ཁབ་འདི་ མཛེས་ཆ་དང་ལྡནམ་སྦེ་ བཟོ་ནི་གི་ གོ་སྐབས་ཐོབ་མི་དེ་ ཁ་རྗེ་ཅིག་ཨིན་མས་ཟེར་གསུངས་ནུག།
མི་དབང་མཆོག་གིས་ གསུངས་མིའི་ནང་ ང་བཅས་ག་ར་གིས་ རང་གི་རྒྱལ་ཁབ་འདི་ གནམ་མེད་ས་མེད་དགའཝ་ཨིན།ང་བཅས་ར་ ག་ཨིན་ན་ དཔའ་ཉམས་བསྐྱེད་དེ་ཡོདཔ་ཨིན་རུང་ དེ་བ་ལྷགཔ་སྦེ་ ལེགས་ཤོམ་བཟོ་ཚུགས་ཟེར་ཨིན་པས།
འཛམ་གླིང་གིས་ ང་བཅས་ག་ཨིན་ན་དང་ ག་ཅི་འབད་ཚུགསཔ་ཨིན་ན་ མ་མཐོང་པར་ཡོདཔ་ད་ ང་གིས་ འོས་འབབ་བཏོན་གི་ འཆར་གཞི་ཡོདཔ་ད་ ད་ལྟོ་ཚུན་ཚོད་ ང་བཅས་ཀྱིས་ གོམ་པ་རེ་རེ་བཞིན་ ང་བཅས་ག་ཨིན་ན་ རྒྱ་སྐྱེད་འབད་ནི་དང་ ང་བཅས་ཀྱི་ངོ་རྟགས་འདི་ བརྟན་ཏོག་ཏོ་བཟོ་ནི་ དེ་ལས་ མ་འོངས་ཡར་རྒྱས་དང་ བརྟན་ཏོག་ཏོ་ དེ་ལས་ འོད་མདངས་ཅན་ཅིག་སྦེ་ མཐུན་སྒྲིག་འབད་ཚུགས་ཏེ་ཡོད་ཟེར་ཨིན་པས།
མང་ཤོས་ཅིག་གིས་ རྒྱ་མཚོ་གླིང་དེ་ རྒྱལ་སྲུང་སྦྱོང་བརྡར་ལྟེ་བ་ཅིག་སྦེ་ བཟོ་མི་ལུ་ ཁ་རྗེ་ཅིག་སྦེ་ ཚོར་སྣང་བསྐྱེད་དེ་ཡོདཔ་ད་ ས་ཁོངས་དེ་ རྒྱལ་རབས་དང་ལྡནམ་སྦེ་ གོང་འཕེལ་གཏང་ནི་དང་ མ་འོངས་གོ་སྐབས་ཚུ་ བཟོ་ཚུགས་ནི་ཨིན་པས།
བཀྲིས་ཆོས་གླིང་ལས་ རྣམ་རྒྱལ་རྡོ་རྗེ་གིས་ ད་ལྟོ་ཚུན་ཚོད་ རྒྱལ་སྲུང་ལས་རིམ་ལུ་ བསྒུགས་སྡོད་པའི་མཐའ་མར་ འགོ་འབྱེད་འབད་བའི་སྐབས་ དགའ་བ་ཚད་མེད་བྱུང་ཡོདཔ་སྦེ་ བཤདཔ་ཨིན་པས།
ལས་རིམ་དེ་ བརྩི་སྲུང་འབད་ནི་རྐྱངམ་གཅིག་མེན་པར་ ན་གཞོན་དང་ རྒྱལ་ཁབ་ཀྱི་དོན་ལུ་ མ་འོངས་སྒྲིང་སྒྲི་བཟོ་ཚུགས་པའི་ རེ་བ་ཡོདཔ་ད་ མི་དབང་མཆོག་གིས་ སྦྱོང་བརྡར་ལྟེ་བའི་ནང་ དངོས་སུ་ཞབས་བཅགས་ཏེ་ འགོ་འབྱེད་མཛད་གནང་མི་ལུ་ ཚད་མེད་པའི་ དགའ་བ་བྱུང་ཡི་ཟེར་ཨིན་པས།
ཁོ་གིས་འབད་བ་ཅིན་ ཧེ་མ་ འབྲིང་རིམ་སློབ་གྲྭའི་ཤེས་ཡོན་ མཇུག་བསྡུ་ཞིནམ་ལས་ དོན་མེད་སྦེ་སྡོད་དེ་ བྱ་ངན་ཚུ་འབད་དོ་ཡོདཔ་ད་ ལས་རིམ་དེ་གིས་ གནད་དོན་སེལ་ཐབས་ཀྱི་ ཐབས་ལམ་བྱིན་དོ་ཡོདཔ་བཞིན་དུ་ མ་འོངས་པ་དེ་ འགན་འཁྲི་ཅན་དང་ རྒྱུན་བརྟན་ཅན་སྦེ་ བཟོ་ཚུགས་པའི་རེ་བ་ བསྐྱེད་ཚུགས་པས་ཟེར་ཨིན་པས།
རྣམ་རྒྱལ་རྡོ་རྗེ་གིས་ སླབ་མིའི་ནང་ རྒྱལ་སྲུང་གི་ སྦྱོང་བརྡར་ལུ་བརྟེན་ ངོ་རྐྱང་ཚུ་ འགན་འཁྲི་ཅན་བཟོ་ཚུགས་ནི་དང་ མ་འོངས་པའི་དོན་ལུ་ རིག་རྩལ་དང་ལྡནམ་སྦེ་ བཟོ་ཚུགས་ནི་མས་ཟེར་ཨིན་པས།
བཀྲིས་ཆོས་གླིང་ གོ་ལ་བ་ཛར་ལས་ དི་ལིབ་ ཀུ་མར་གི་རི་ཡང་ རྒྱལ་སྲུང་ལས་རིམ་ལས་ རེ་བ་སྦོམ་བསྐྱེད་དོ་ཡོདཔ་ད་ ན་གཞོན་ཚུ་གིས་ གལ་ཆེ་བའི་ རིག་རྩལ་འཐོབ་ཚུགས་ནི་དང་ འགན་འཁྲི་ཡོདཔ་བཟོ་ནི་གི་ རེ་བ་བསྐྱེད་ཡོདཔ་བཞིན་དུ་ དེ་གིས་ རྒྱལ་ཁབ་ལུ་ ཁེ་ཕན་སྦོམ་སྦེ་ར་ ཐོགས་ཚུགས་ཟེར་ཨིན་པས།
ཁོ་གིས་ རང་ལྡང་བཟོ་ནི་དེ་ གལ་ཅན་ཅིག་སྦེ་ བཀོད་ཡོདཔ་ད་ འབྲུག་གིས་ འཕྲལ་འཕྲལ་ར་ རིག་རྩལ་ལྡན་པའི་ ཕྱིའི་ལས་མི་ཚུ་ལུ་ བརྟེན་སྡོད་དགོཔ་ད་ ལས་རིམ་སྐབས་ ང་བཅས་རའི་ ན་གཞོན་ཚུ་གིས་ རིག་རྩལ་ཁག་མ་འདྲཝ་ཚུ་ སྦྱང་བརྩོན་འབད་ཚུགས་ནི་ཨིནམ་ད་ དེ་ཡང་ གལ་ཆེ་དྲགས་ཅིག་ཨིནམ་བཞིན་དུ་ དེ་གིས་ མི་དབང་མངའ་བདག་རིན་པོ་ཆེ་མཆོག་གི་ ཐུགས་ཀྱི་དགོངས་བཞེད་ཚུ་ འགྲུབ་ཚུགས་པའི་ རེ་བ་ཡོད་ཟེར་ཨིན་པས།
མི་དབང་མཆོག་གི་ རྩོལ་སྒྲུབ་དེ་ལུ་ དགའ་ཚོར་ཡོད་ལུགས་ཚུ་ བཤད་ཡོདཔ་ཨིན་པས།
ས་གནས་ནང་སྡོད་མི་ རུ་ཌ་ར་བྷ་དུར་གྱིས་ སླབ་མིའི་ནང་ རྒྱལ་སྲུང་ལས་རིམ་དེ་ རྒྱལ་ཁབ་ཀྱི་དོན་ལུ་ དྲན་རྟགས་ཅན་ཅིག་ཨིནམ་ད་ རྒྱལ་སྲུང་གཞི་བཙུགས་འབད་མི་དེ་ འགན་འཁྲི་དང་ ལྕོགས་གྲུབ་ཅན་གྱི་ འགོ་ཁྲིདཔ་ཚུ་ བཟོ་ཚུགས་ཟེར་ཨིན་པས།
བདེ་སྲུང་ལས་རིམ་ལུ་བརྟེན་ ཁས་བླངས་ཞབས་ཏོག་ཐོག་ལས་ ཁེ་ཕན་སྦོམ་སྦེ་ར་ བྱུང་ཡོད་པའི་གུ་ རྒྱལ་སྲུང་ལས་རིམ་དེ་གིས་ ད་རུང་ མ་འོངས་པ་ལུ་ ལྕོགས་གྲུབ་ཅན་གྱི་ འགོ་ཁྲིདཔ་ཚུ་གིས་ འགོ་ཁྲིད་འབད་ཚུགས་ཟེར་ཨིན་པས།
རྒྱལ་སྲུང་སྦྱོང་བརྡར་ལྟེ་བ་གིས་ ས་གནས་ཀྱི་ མི་སེར་ཚུ་ལུ་ སོ་ནམ་ཐོན་སྐྱེད་ཀྱི་ ཚོང་ལམ་གསརཔ་བཟོ་སྟེ་ དཔལ་འབྱོར་ཡར་དྲག་གཏང་ནི་ལུ་ ལྷན་ཐབས་འབད་ཚུགས་པའི་ རེ་བ་བསྐྱེད་དོ་ཡོདཔ་ཨིན་པས།
བསམ་རྩེ་གི་ མི་སེར་ཚུ་གིས་འབད་བ་ཅིན་ རྒྱལ་སྲུང་ལས་རིམ་གྱིས་ འཚོ་བའི་གནས་སྟངས་ཡར་དྲག་གཏང་ནི་དང་ མི་སྡེ་ལུ་ གོ་སྐབས་ཚུ་བཟོ་སྟེ་ ལྟེ་བ་ཚུ་ཡང་ གོང་འཕེལ་གཏང་ཚུགས་པའི་ རེ་བ་ཡོད་པའི་གནས་ཚུལ།
ཨོ་རྒྱན་རྡོ་རྗེ།