༉ ལོ་བསྟར་བཞིན་དུ་ ཞི་གཡོགཔ་དགོངས་ཞུ་འབད་མིའི་ གྱངས་ཁ་ཡར་སེང་སོང་མི་དང་བསྟུན་ རྒྱལ་གཞུང་ཞི་གཡོག་ལྷན་ཚོགས་ལུ་ གདོང་ལེན་སྦོམ་སྦེ་ར་ བྱུང་དོ་ཡོདཔ་ལས་ ལཱ་གི་གནས་སྟངས་ ལེགས་འགྱུར་འབད་ནིའི་ འཆར་གཞི་ཡོདཔ་ཨིན་པས།
སྤྱི་ལོ་༢༠༢༣ ལུ་ ཞི་གཡོགཔ་༥,༢༠༢ དེ་ཅིག་གིས་ དགོངས་ཞུ་འབད་མི་དེ་ སྤྱི་ལོ་༢༠༢༢ དང་ཕྱདཔ་ད་ མི་ངོམ་༢,༦༤༦ དང་ མི་ངོམ་༡,༥༠༤ དེ་ཅིག་ ཡར་སེང་སོང་ཡོདཔ་ཨིན་པས།
དགོངས་ཞུ་འབད་མི་ཚུ་གི་གྲས་ལས་ འདས་པའི་ལོ་༣ གྱི་རིང་ མཐོ་ཤོས་ར་ ཁས་བླངས་ཐོག་ལས་ དགོངས་ཞུ་འབད་མི་ཚུ་ཨིན་པས།
ཁས་བླངས་ཐོག་ལས་ དགོངས་ཞུ་འབད་མིའི་ གྱངས་ཁ་ཡར་སེང་སོང་མི་དེ་ཡང་ ཞི་གཡོགཔ་ཚུ་གི་ ལཱ་གི་གནས་སྟངས་དང་ ཡང་ཅིན་ ཞི་གཡོགཔ་ཚུ་ དགོངས་ཞུ་མ་འབད་བར་ བཞག་ནིའི་དོན་ལུ་ སེམས་ཤུགས་མེད་མི་ལུ་བརྟེན་ འོང་ནི་བཟུམ་ཅིག་ཨིན་པས།
ཞི་གཡོགཔ་ཚུ་གིས་ འཕྲལ་འཕྲལ་ར་ ཞི་གཡོག་པའི་ ལཱ་གི་གནས་སྟངས་དང་ ཞབས་ཏོག་ཚུ་ ལེགས་ཤོམ་མེདཔ་ལས་ སྐྱོན་བརྗོད་འབད་དོ་ཡོདཔ་ཨིན་པས།
ཁོང་གིས་འབད་བ་ཅིན་ འགོ་ཁྲིདཔ་ཚུ་ལུ་ ལྕོགས་གྲུབ་དང་ འགོ་ཁྲིད་པའི་རྩིག་རྩལ་མེད་མི་དང་ དམིགས་བསལ་དུ་ ཞི་གཡོག་ན་གཞོན་ཚུ་གི་ ལཱ་གི་གནས་སྟངས་ ལེགས་ཤོམ་མི་བཟོ་དོ་ཡོདཔ་ཨིན་པས།
གནད་དོན་དེ་ལུ་ ངོས་ལེན་འབད་ཐོག་ལས་ ལྷན་ཚོགས་ཀྱིས་ སེལ་ཐབས་འབད་ནི་སྦེ་ ལྷན་ཚོགས་ཀྱི་ ལོ་བསྟར་སྙན་ཞུ་༢༠༡༩ ལས་༢༠༢༤ ཚུན་གྱི་ སྙན་ཞུ་ནང་ བཀོད་ཡོདཔ་ཨིན་པས།
ལྷན་ཚོགས་ཀྱིས་ ད་ལྟོའི་གནས་སྟངས་ནང་ ཞི་གཡོགཔ་གི་ ཞབས་ཏོག་ཚུ་གི་ མདུན་སྐྱོད་ལེགས་ཤོམ་བཟོ་ནི་གི་ གྲོས་འཆར་ཚུ་ བཙུགས་ཏེ་ཡོདཔ་ད་ སྙན་ཞུ་དང་འཁྲིལ་བ་ཅིན་ ཚོང་ལམ་ནང་ ཧེ་མ་ལས་ ལག་ལེན་འཐབ་སྲོལ་ཡོད་མི་ཚུ་ ལེགས་འགྱུར་སོང་སྟེ་ འདུག་ཟེར་ཨིན་པས།
སྙན་ཞུ་ནང་ བཀོད་མིའི་ནང་ ཞི་གཡོགཔ་ཚུ་ལུ་ གནས་སྟངས་དང་མཐུན་པའི་ རིག་རྩལ་གསར་བཏོད་དང་ ཞིབ་བརྟག་གི་མནོ་ལུགས་དང་ ཌི་ཇི་ཊཱན་གྱི་ཤེས་ཡོན་ལ་སོགས་པ་ཚུ་ དགོཔ་ཁག་ཆེ་དྲགས་ཅིག་ཨིན་མས་ཟེར་ཨིན་པས།
ཞི་གཡོགཔ་ཚུ་གིས་ གསར་བཏོད་དང་ ཞིབ་བརྟག་མནོ་ལུགས་ ཌི་ཇི་ཊཱལ་གྱི་རིག་རྩལ་ཡར་སེང་འབད་ནིའི་ གོ་སྐབས་ཚུ་ལེན་དགོཔ་ད་ ཌི་ཇི་ཊཱལ་དཔལ་འབྱོར་ནང་ གནས་སྐབས་གསརཔ་དང་ རྒྱ་སྐྱེད་གཏང་ནིའི་དོན་ལས་ བརྡ་དོན་དང་ཚོང་འབྲེལ་གྱི་ཐབས་ལམ་ དེ་ལས་ གནས་སྟངས་གསརཔ་ནང་ སོར་སྒྱུར་འབད་དགོ་ཟེར་ཨིན་པས།
ཚོང་འབྲེལ་གཞི་བཙུགས་དང་ ཉེན་ཁ་ལེན་ནི་ དེ་ལས་ གསར་བཏོད་ལུ་ སེམས་ཤུགས་བསྐྱེད་ནིའི་ ལཱ་གི་གནས་སྟངས་གོང་འཕེལ་གཏང་ནི་ལུ་ གཙོ་རིམ་བཟུང་དགོ་ཟེར་ སྙན་ཞུ་ནང་བཀོད་ནུག།
དུས་ཐོག་གི་ ཐབས་ལམ་གཅིག་དེ་ འགོ་ཁྲིདཔ་གོང་འཕེལ་དང་ ལས་སྡེ་བསྒྱུར་བཅོས་འབད་ནི་གི་ དབང་ཆ་བྱིན་ནི་ལུ་ མ་རྩ་གཞི་བཙུགས་འབད་ནི་ཨིནམ་ད་ ངོ་རྐྱང་དེ་ཚུ་གིས་ མཉམ་འབྲེལ་དང་ བྱ་སྤྱོད་བསྒྱུར་བཅོས་འབད་བརྩོན་ལག་ལེན་འཐབ་ནིའི་དོན་ལས་ འཕྲུལ་རིག་ལག་ལེན་འཐབ་ནི་ཨིན་པས།
བསྒྱུར་བཅོས་དེ་གི་དོན་ལུ་ འགོ་ཁྲིདཔ་གཞི་སྒྱུར་འབད་ནི་དེ་ གལ་ཅན་ཅིག་ཨིན་ཟེར་ཨིན་པས།
མ་འོངས་པ་ལུ་ འགོ་ཁྲིདཔ་ཚུ་གིས་ མིག་དཔེ་བཟང་པོ་སྟོན་དགོཔ་བཞིན་དུ་ ལས་སྡེའི་ གནས་ཚད་ག་རའི་ནང་ ཡར་དྲག་འགྱོ་ནི་ལུ་ ལྷན་ཐབས་འབད་ཚུགས་ནི་ཨིན་པས།
ལྷན་ཚོགས་ལུ་ གདོང་ལེན་གཞན་མི་གཅིགཔོ་དེ་ གྲོས་ཐག་གཅད་ནིའི་ བྱ་རིམ་དེ་ཨིནམ་ད་ དེ་ཡང་ འཕྲལ་འཕྲལ་ར་ འགོ་ཁྲིད་ནང་ བཅའ་མར་གཏོགས་མི་ དག་པ་ཅིག་ལས་བརྒལ་ མི་འོང་དོ་ཡོདཔ་ཨིན་པས།
ཞི་གཡོགཔ་ཚུ་གིས་ བཀོད་མིའི་ནང་ ཞི་གཡོག་ག་ར་ལུ་ ཁོང་རའི་གནས་སྐབས་བཏོན་ནིའི་ དབང་ཆ་ཡོད་པའི་ ཚོར་སྣང་བྱུང་བའི་གནས་སྟངས་དང་ གཞི་སྒྱུར་ལེགས་ཤོམ་འགྱོ་བའི་ རེ་བ་བསྐྱེད་དོ་ཡོད་པའི་གནས་ཚུལ།
ཨོ་རྒྱན་རྡོ་རྗེ།