ཨོ་རྒྱན་རྡོ་རྗེ།
༉ རྒྱལ་གཞུང་ཞི་གཡོག་ལྷན་ཚོགས་ཀྱིས་ ཞི་གཡོག་པ་ཚུ་གི་ ལཱ་ཤུལ་གྲུབ་འབྲས་དབྱེ་ཞིབ་འབད་ནིའི་དོན་ལུ་ ལཱ་ཤུལ་གྲུབ་འབྲས་ལམ་ལུགས་དེ་ དབྱེ་ཞིབ་ཀྱི་ ཐབས་བྱུས་བཟུམ་ཅིག་སྦེ་ གཞི་བཙུགས་འབད་ནིའི་ འཆར་གཞི་སྐོར་ལས་ གསལ་བསྒྲགས་འབད་ནུག།
ལྷན་ཚོགས་དང་འཁྲིལ་བ་ཅིན་ ལཱ་ཤུལ་གྲུབ་འབྲས་ལམ་ལུགས་དེ་ ཞི་གཡོགཔ་ངོ་རྐྱང་ཚུ་གི་ ལཱ་གི་འཆར་གཞི་ཅིག་སྦེ་ ལག་ལེ་འཐབ་ནི་ཨིནམ་ད་ དེ་ཡང་ ལས་སྡེའི་དམིགས་ཡུལ་དང་ གྲུབ་འབྲས་གཙོ་ཅན་ བརྡ་དོན་གཙོ་ཅན་ དེ་ལས་ ལས་དོན་གནས་ཚད་དང་ རིམ་བསྒྲིགས་འབད་དེ་ བཟོ་ཡོདཔ་ཨིན་པས།
དེ་ཡང་ སྤྱི་ལོ་༢༠༡༧ ལུ་ མཆོག་འགྱུར་འཛིན་སྐྱོང་གཞི་བཀོད་དང་འཁྲིལ་ཏེ་ འགོ་བཙུགས་ཡོདཔ་ཨིན་པས།
ལྷན་ཚོགས་ལས་ འགོ་དཔོན་ཅིག་གིས་ སླབ་མིའི་ནང་ ལཱ་ཤུལ་གྲུབ་འབྲས་ལམ་ལུགས་ནང་འཁོད་ལུ་ ངོ་རྐྱང་ཚུ་གིས་ རང་སོའི་ལས་དོན་ཚུ་ གཏན་འཇགས་ཐོག་ལས་ དུས་མཐུན་འབད་དགོ་པའི་ དོན་ཚན་ཅིག་ཡོདཔ་བཞིན་དུ་ ལྟ་བཀོདཔ་ཚུ་གིས་ བསྐྱར་ཞིབ་འབད་འོང་ཟེར་ཨིན་པས།
ལྟ་བཀོདཔ་ཚུ་གིས་ ལྷག་པར་དུ་ བཀོད་རྒྱ་དང་ དུས་མཐུན་ཚུ་ བྱིན་ནི་ཨིན་པས།
ལཱ་ཤུལ་གྲུབ་འབྲས་ལམ་ལུགས་ནང་ ངོ་རྐྱང་ཚུ་གིས་ རྩིས་ལོ་དང་ ཡང་ཅིན་ སློབ་དུས་ནང་ ག་ཅི་ཟེར་མི་དེ་ གྲུབ་འབྲས་བཏོན་དགོཔ་ཨིན་ན་ དྭངས་གསལ་སྦེ་ གསལ་བཀོད་འབད་དེ་ཡོདཔ་ད་ ལྟ་བཀོདཔ་དང་ ལྟ་བཀོད་འབད་མི་ཚུ་གི་བར་ན་ ལྟ་རྟོག་དང་ འབྲེལ་འཛིན་ལྷན་ཐབས་ཚུ་ཡང་ བཀོད་དེ་ཡོདཔ་ཨིན་པས།
འགོ་དཔོན་གྱིས་ བཀོད་མིའི་ནང་ ལཱ་ཤུལ་གྲུབ་འབྲས་ལམ་ལུགས་དེ་ ལྟ་བཀོད་བརྡ་སྟོན་ལས་སྡེའི་ གྲུབ་འབྲས་ས་གོ་ལུ་ རྒྱབ་སྐྱོར་འབད་ནི་ལུ་ གལ་ཅན་ཅིག་ཨིནམ་མ་ཚད་ ལོ་དེ་ནང་ དགོས་མཁོ་བདེ་སྒྲིག་ཚུ་ འབད་ཚུགས་ཟེར་ཨིན་པས།
ལཱ་ཤུལ་གྲུབ་འབྲས་ལམ་ལུགས་ཀྱིས་ ལྷན་ཐབས་འབད་ཐོག་ལས་ དམིགས་ཡུལ་ཡར་སེང་འབད་ནི་དང་ ལས་དོན་དབྱེ་ཞིབ་འབད་ནང་ མཉམ་འབྲེལ་མར་ཕབ་འབད་ནིའི་དོན་ལས་ ལཱ་འབད་དོ་ཟེར་ཨིན་པས།
ལྟ་བཀོདཔ་ཚུ་གིས་ ལཱ་ཤུལ་གྲུབ་འབྲས་ལམ་ལུགས་དེ་ དོན་སྨིན་ཅན་སྦེ་ ལག་ལེན་འཐབ་ནི་དེ་ གལ་ཅན་ཅིག་ཨིནམ་ད་ དེ་གིས་ ལམ་ལུགས་ཀྱི་ནང་འཁོད་ལུ་ ཁེ་ཕན་སྦོམ་ཡོད་ཟེར་ འགོ་དཔོན་གྱིས་ བཀོདཔ་ཨིན་པས།
འཕྲལ་ཁམསཅིག་གིས་ རྒྱལ་ཡོངས་ཞི་གཡོག་ལྷན་ཚོགས་ཀྱི་ གསར་བཏོན་འབད་མི་ མཉམ་སྡེབ་སྙན་ཞུ་དང་འཁྲིལ་བ་ཅིན་ གསོ་བ་དང་ ཤེས་རིག་ལས་སྡེའི་ནང་ ལས་དོན་འཛིན་སྐྱོང་བསྐྱར་ཞིབ་འབད་ནི་སྦེ་ ཐག་བཅད་དེ་ཡོད་ཟེར་ཨིན་པས།
གསོ་བའི་ཁྱད་རིག་ཅན་ཚུ་ནང་ ལས་དོན་འཛིན་སྐྱོང་བསྐྱར་ཞིབ་ཀྱི་ ཞལ་འཛོམས་དེ་ དུས་ཅི་ སྤྱི་ཟླ་༡ པའི་ཚེས་༣༠ ཤས་ ཟླ་༢ པའི་ཚེས་༢ ཚུན་ འགོ་འདྲེན་འཐབ་ཡོདཔ་ཨིན་པས།
ལས་བྱེད་ཚོགས་ཆུང་གི་ འཐུས་མིའི་ནང་ རྒྱལ་ཡོངས་འཕྲོད་བསྟེན་ཞབས་ཏོག་དང་ རྒྱལ་གཞུང་ཞི་གཡོག་ལྷན་ཚོགས་ དེ་ལས་ སིངྒ་པུར་ལས་ གསོ་བའི་མཁས་མཆོག་ཚུ་གིས་ གྲལ་གཏོགས་འབད་ཡོདཔ་ཨིན་པས།
ལྷན་ཚོགས་ཀྱིས་ ལཱ་ཤུལ་གྲུབ་འབྲས་ལམ་ལུགས་ ལག་ལེན་འཐབ་ནི་དང་ ད་ལྟོའི་ གསོ་བའི་ཁྱད་རིག་གི་ ལས་ཁུངས་ག་རའི་ འགོ་འཛིན་ཚུ་གིས་ ལཱ་ཤུལ་གྲུབ་འབྲས་ལམ་ལུགས་ ཡར་དྲག་གཏང་ནི་ལུ་ ཐག་བཅད་ཡོདཔ་ཨིན་པས།
ལྷན་ཚོགས་ཀྱིས་ སློབ་གྲྭའི་འགོ་ཁྲིདཔ་དང་ ལས་བྱེདཔ་ཚུ་ལུ་ ལཱ་ཤུལ་གྲུབ་འབྲས་ལམ་ལུགས་དང་ དབྱེ་ཞིབ་ཐབས་ལམ་བརྩིས་ཏེ་ ལས་དོན་འཛིན་སྐྱོང་ཆ་ཤས་གསརཔ་ཚུ་ ལག་ལེན་འཐབ་ནིའི་ འཆར་གཞི་ཡོད་པའི་གནས་ཚུལ།