༉ སྤྱི་ཟླ་༩ པའི་ཚེས་༢༧ ལུ་ འཛམ་གླིང་ལྟ་བཤལ་གྱི་ཉིནམ་ བརྩི་སྲུང་འབདཝ་དང་འབྲེལ་ ཡིད་བརྟན་ཅན་གྱི་གསོལ་རས་དེ་ ལྟ་བཤལ་ལས་ཁུངས་ཀྱིས་ གུས་བཏུད་དང་ དད་དམ་ཅན་གྱི་ མི་ངོ་༢ ལུ་ བྱིན་ཡོདཔ་ཨིན་པས།
ལས་ཁུངས་ཀྱིས་འབད་བ་ཅིན་ གསོལ་རས་དེ་གིས་ འབྲུག་གི་ལྟ་བཤལ་ལས་སྡེ་དང་ མཛེས་བཀོད་ཅན་གྱི་ཐོག་ལུ་ ལོ་མང་རབས་ཅིག་གི་རིང་ གོང་འཕེལ་དང་ ཉམས་སྲུང་འབད་བའི་ ངོས་ལེན་གྱི་བརྡ་མཚོན་སྟོནམ་ཨིན་ཟེར་ཨིན་པས།
གསོལ་རས་ཐོབ་མི་ མགོན་པོ་དེ་ ལམ་སྟོན་པ་ རྒན་རིམ་ཅིག་ཨིནམ་ད་ ཁོ་གིས་ མཐའ་འཁོར་གནས་སྟངས་ཀྱི་ བརྡ་འཕྲིན་སྤེལ་ནི་དེ་ ལྟ་བཤལ་ལས་སྡེ་ནང་ དད་དམ་ཅན་གྱི་སྒོ་ལས་ ངོས་འཛིན་འབད་ཡོདཔ་ད་ ཁོ་གིས་ འབྲུག་དེ་ དྲག་ཤོས་ཅིག་ནང་ བཀལ་ནི་ལུ་ རྩ་འགེངསམ་ཨིན་ཟེར་ཨིན་པས།
སྤྱི་ལོ་༡༩༩༨ ལས་འགོ་བཙུགས་ མགོན་པོ་གིས་ ལམ་སྟོན་ཞབས་ཏོག་ནང་ ཕྱགས་བདར་གྱི་ལས་རིམ་ཚུ་འབད་དེ་ ལྟ་ བཤལ་པའི་ཁ་ཐུག་ལུ་ དམིགས་ཡུལ་བསྐྱེད་དོ་ཡོདཔ་ད་ ད་རེས་འཕྲལ་ཁམས་ཅིག་ཁར་ ཁོ་གིས་ རྫོང་༢༢ ནང་རྒྱ སྐྱེད་འབད་བའི་ཁར་ ཉིནམ་༩༤ གི་ནང་འཁོད་ལུ་ རྫོང་ཁག་༢༠ འི་དུར་ཁྲོད་༡༩ ནང་ རེས་གཟའ་ཉིམ་ཨ་རྟག་ར་ ཕྱགས་སྙིགས་བསྡུ་ལེན་དང་འབྲེལ་ ཕྱགས་སྙིགས་འཛིན་སྐྱོང་གི་ གོ་བ་བརྡ་སྤྲོད་ཚུ་འབད་ཡོདཔ་ཨིན་པས།
ཁོ་གིས་ བཤད་མིའི་ནང་ སྤྱི་ལོ་༢༠༡༩ ཟླ་༦ པའི་ཚེས་༢༧ ལས་འགོ་བཙུགས་ རེས་གཟའ་ཉིམ་ ཨ་རྟག་ར་ ཕྱགས་བདར་གྱི་ལས་རིམ་ འགོ་འདྲེན་འཐབ་ནི་ཨིནམ་མ་ཚད་ དུས་བཟང་དང་ འཛམ་གླིང་གི་གལ་ཅན་ འབྲུག་གི་དུས་སྟོན་ཁྱད་འཕགས་ཅན་ མི་དབང་མངའ་ཞབས་ཀྱི་ འཁྲུངས་སྟོན་ལ་སོགས་པའི་སྐབས་ལུ་ ལས་རིམ་འགོ་འདྲེན་དེ་ ཁོ་རའི་མི་ཚེ་ཅིག་ འབད་ནི་ཨིན་ཟེར་ ཁས་བླངས་འབད་ཡོདཔ་ཨིན་པས།
ཁོ་ལུ་འདི་བཟུམ་གྱི་ ངོས་འཛིན་གནང་མི་ལུ་ སེམས་དགའ་ཡོདཔ་མ་ཚད་ གསོལ་རས་འདི་ལུ་ བཀྲིན་དགའ་ཚོར་སྦོམ་ཡོད་ཟེར་ཨིནམ་ད་ འདི་བཟུམ་གྱི་ལས་རིམ་གྱིས་ ག་ར་ལུ་ ངོས་འཛིན་འབྱུང་ནི་དང་ དམིགས་བསལ་གྱི་ ལྟ་བཤལ་ལས་སྡེའི་ནང་ འབྲུག་དེ་ཧིང་སངས་ས་བཞག་ནི་ལུ་ བཅའ་མར་གཏོགས་ཚུགས་ཅི་ཟེར་ཨིན་པས།
ལྟ་བཤལ་ལས་ཁུངས་ཀྱི་ གནས་ཚད་དང་ འབྲེལ་གནད་སྡེ་ཚན་གྱི་ གཙོ་འཛིན་འགོ་དཔོན་ ཕུན་ཚོགས་རྒྱལ་མཚན་གྱིས་ ལས་ཁུངས་ནང་ ལོ་ངོ་༡༩ གི་རིང་ལུ་ ལཱ་འབད་མི་དང་ ཁོ་གིས་ ཞབས་ཏོག་ཚུ་ཞུ་བའི་ གྲུབ་འབྲས་ཨིན་མས་ཟེར་ཨིན་པས
ཕུན་ཚོགས་རྒྱལ་མཚན་གྱིས་ བསླབ་སྟོན་གྱི་འགན་ཁུར་ཚུ་ འབག་ནི་དང་ ན་གཞོན་ཚུ་ལུ་ལམ་སྟོན་འབད་ནི་ ཁོང་རའི་དམིགས་ཡུལ་དང་ བརྩོན་ཤུགས་ཚུ་ མོས་གུས་ཐོག་ལས་སྦེ་ ལཱ་འབད་ཡོདཔ་ཨིན་པས།
ལས་ཁུངས་ཀྱིས་འབད་བ་ཅིན་ ལྟ་བཤལ་པའི་མ་འོངས་མི་རབས་བརྒྱུད་དེ་ འབྲུག་གི་ལྟ་བཤལ་སྡེ་ཚན་དེ་ ཡུན་བརྟན་ཅན་བཟོ་ནི་ཨིན་རུང་ ལས་ཁུངས་ནང་འཁོད་ལུ་ རྒྱབ་སྐྱོར་ ཁྱད་རིག་ མཉམ་འབྲེལ་ དེ་ལས་ ཡར་དྲག་ཚུ་ བཟོ་ནི་ཨིན་ཟེར་ཨིན་པས།
ཁོ་གི་མནོ་བསམ་ལས་འབད་བ་ཅིན་ ཆ་རོགས་གསརཔ་ཚུ་ལུ་ རིག་རྩལ་བརྗེ་སོར་འབད་ནི་དང་ ལམ་སྟོན་ཚུ་འབད་དེ་ སྡེ་ཚན་སྒྲིང་སྒྲི་བཟོ་ནི་དེ་ ཨིན་ཟེར་ཨིན་པས།
མི་གསརཔ་རེ་གིས་ མ་འདྲཝ་རེ་འབག་འོང་དོ་ཡོདཔ་ལས་ ངེ་གི་རེ་བ་ལས་འབད་བ་ཅིན་ བློ་གཏད་དང་ ཡར་དྲག་བཟོ་ནི་ལུ་ སེམས་ཤུགས་བསྐྱེད་བཅུག་སྟེ་ ང་ར་སྡོད་པའི་རིང་ ཁོང་ཆ་ཁྱབ་ལུ་གྲོགས་རམ་འབད་ནི་དང་ ཁོང་གི་ ཁྱད་རིག་དང་ ངོ་རྐྱང་གི་གྲུབ་འབྲས་མཐར་འཁྱོལ་ཚུགསཔ་ བཟོ་ནི་ཨིནམ་ལས་ ང་གིས་ འཕྲོ་མཐུད་དེ་ར་ རྒྱབ་སྐྱོར་ཚུ་ འབད་ནི་ཨིན་ཟེར་ཨིན་པས།
ལྟ་བཤལ་ལས་ཁུངས་ཀྱི་མདོ་ཆེན་ དམ་ཆོས་རིག་འཛིན་གྱིས་ བཤད་མིའི་ནང་ གསོལ་རས་དེ་ ངོ་རྐྱང་ཚུ་གིས་ རང་གི་ཁ་ཐུག་ལས་ ལྟ་བཤལ་ལས་ཁུངས་ལུ་ གྲོགས་རམ་ཚུ་ ག་ཅི་ར་འབད་ཡོདཔ་ཨིན་ན་ གསལ་སྟོན་འབདཝ་ཨིན་ཟེར་ཨིན་པས།
ལས་ཁུངས་ཀྱིས་ འདི་བཟུམ་གྱི་གསོལ་རས་ཀྱི་ ལས་རིམ་དེ་ ཟླ་རིམ་བཞིན་དུ་ འགོ་འདྲེན་འཐབ་སྟེ་ ག་ར་གིས་ ལྟ་བཤལ་ལས་སྡེ་ནང་ འཕྲོ་མཐུད་དེ་ར་ ལཱ་འབད་བཅུག་ཐབས་ལུ་ ཨིན་ཟེར་ཨིན་པའི་གནས་ཚུལ།
ཚེ་རིང་དབང་འདུས།
