ཕོངས་མེད་རྒཔོ་ལུ་ འཁྲིག་སྤྱོད་དང་འབྲེལ་བའི་གནད་དོན་ལུ་བརྟེན་ བཙོན་ཁྲིམས།

May 12th, 2024

༉ བཀྲིས་སྒང་རྫོང་ཁག་ཁྲིམས་འདུན་གྱིས་ སྤྱི་ཟླ་༥ པའི་༩ ལུ་ སྐྱེས་ལོ་༤༠ ལང་མི་ ཕོངས་མེད་རྒཔོ་རྣམ་རྒྱལ་དབང་འདུས་ལུ་ བྱིས་པ་སྐྱེས་ལོ་༡༢ ཡན་ཆད་ལུ་ འཁྲིག་སྤྱོད་དང་ ཨ་ལོ་བཟོ་བྱིན་མི་ལུ་བརྟེན་ བཙོན་ཁྲིམས་ལོ་༡༡ བཀལ་ཡོདཔ་ཨིན་པས། རྣམ་རྒྱལ་དབང་འདུས་ཀྱིས་ བཙོན་ཁྲིམས་ལོ་༡༠ དང་ཟླཝ་༩ ཉིན་གྲངས་༨ བཙོན་ཁྲིམས་འབག་དགོ་ནི་ཨིནམ་ད་ དེ་ཡང་ ཁོ་ར་ བཀྲིས་སྒང་ རྒྱལ་གཞུང་འབྲུག་གི་འགག་སྡེའི་ དོ་དམ་འོག་ལུ་ བཙོན་ཁྲིམས་ཟླཝ་༢ དང་ ཉིན་གྲངས་༢༢ འབག་ནི་དེ་གིས་ཨིན་པས། རྩོད་ཟླ་རྣམ་རྒྱས་དབང་འདུས་ཀྱིས་ ཉམས་རྒུད་པའི་གཟུགས་ཁར་ ཨ་ལོ་ཆགས་ཏེ་ གནོད་འཚེ་དང་ ཉམས་བཅུག་པའི་རྒྱུ་རྐྱེན་ཡོདཔ་ལས་ ཉེས་འགེལ་ཁྲིམས་དེབ་ཀྱི་ དོན་ཚན་༣༦ དང་༣༩ པའི་༥ པ་དང་འཁྲིལ་ གྱོང་འཐུས་དངུལ་ཀྲམ་༢༢༥,༠༠༠ ཟླཝ་༡ གི་ནང་འཁོད་ སྤྲོད་དགོ་ཟེར་ འཁྲུན་ཆོད་ནང་བཀོད་ཡོདཔ་ཨིན་པས། འཁྲུན་ཆོད་དང་འཁྲིལ་བ་ཅིན་ ཁོང་༢ མི་སྡེ་བརྡ་བརྒྱུད་ ཕེསི་བུག་དང་ ཝི་ཅེཌ་ཐོག་ སྤྱི་ལོ་༢༠༢༢ ལས་ཕྱད་དེ་ ངོས་ཤེས་འདྲིས་ཤེས་བྱུང་ནུག་ཟེར་ཨིནམ་ད་ ཉམས་རྒུདཔ་དང་གཅིག་ཁར་ འཕྱད་གེ་ཟེར་སླབ་སྟེ་ ཕྱད་པའི་ཤུལ་ལུ་ འཁྲིག་སྤྱོད་འབད་ནུག་ཟེར་ཨིན་པས། […]